## Ein Yaakov, Bava Metzia

###### Ein Yaakov, Bava Metzia 8:1
[Ein Yaakov, Bava Metzia 8:1](https://torahapp.org/share/book/Ein%20Yaakov/s/Bava%20Metzia/r/8:1)

**בבא מציעא פרק ח** - הַהוּא גַּבְרָא דְּשָׁאִיל שׁוּנְרָא מֵחַבְרֵיהּ, חָבוּר עֲלֵיהּ עַכְבְּרֵי וְקַטְלוּהָ. יָתִיב רַב אַשִׁי וְקָמִיבָּעְיָא לֵיהּ: כְּהַאי גַּוְנָא מַאי? כִּי מֵתָה מֵחֲמַת מְלָאכָה דָּמִי אוֹ לֹא? אָמַר לֵיהּ רַב מָרְדֳּכַי [לְרַב אַשִׁי]: הָכִי אָמַר אַבִימִי מֵהַגְרוּנְיָא מִשְּׁמֵיהּ דְּרָבָא: גַּבְרֵי דְּנַשֵׁי קַטְלוּהָ, לָא דִּינָא וְלָא דַּיְּנָא. אִיכָּא דְּאַמְרֵי: אָכִיל עַכְבְּרֵי טוּבָא וְחָבִיל וּמִית. יָתִיב רַב אַשִׁי וְקָא מְעַיֵּין בָּהּ: כְּהַאי גַּוְנָא מַאי? אָמַר לֵיהּ רַב מָרְדֳּכַי לְרַב אַשִׁי: הָכִי אָמַר אַבִימִי מֵהַגְרוּנְיָא: גַּבְרָא דְּנַשֵׁי קַטְלוּהָ, לָא דִּינָא וְלָא דַּיְנָא.