## Machzor Rosh Hashanah Edot HaMizrach, Mincha for Erev Rosh Hashana, Ashrei

###### Machzor Rosh Hashanah Edot HaMizrach, Mincha for Erev Rosh Hashana, Ashrei 1
[Machzor Rosh Hashanah Edot HaMizrach, Mincha for Erev Rosh Hashana, Ashrei 1](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha%20for%20Erev%20Rosh%20Hashana,_Ashrei/r/1)

**יְהִי־חַסְדְּךָֽ יְהֹוָה עָלֵינוּ, כַּאֲשֶׁר יִחַלְנוּ לָךְ:**


###### Machzor Rosh Hashanah Edot HaMizrach, Mincha for Erev Rosh Hashana, Ashrei 2
[Machzor Rosh Hashanah Edot HaMizrach, Mincha for Erev Rosh Hashana, Ashrei 2](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha%20for%20Erev%20Rosh%20Hashana,_Ashrei/r/2)

**אַשְׁרֵֽי** יֽוֹשְׁבֵ֣י בֵיתֶ֑ךָ ֜ע֗וֹד יְֽהַלְל֥וּךָ סֶּֽלָה: אַשְׁרֵ֣י ֖הָעָם שֶׁכָּ֣כָה לּ֑וֹ אַשְׁרֵ֥י ֜הָעָ֗ם שֶֽׁיְהֹוָה אֱלֹהָֽיו: תְּהִלָּ֗ה לְדָ֫וִ֥ד אֲרֽוֹמִמְךָ֣ אֱלוֹהַ֣י הַמֶּ֑לֶךְ וַאֲבָֽרְכָ֥ה ֜שִׁמְךָ֗ לְעוֹלָ֥ם וָעֶֽד: בְּכָל־י֥וֹם אֲבָֽרְכֶ֑ךָּ וַאֲהַֽלְלָ֥ה ֜שִׁמְךָ֗ לְעוֹלָ֥ם וָעֶֽד: גָּ֘ד֤וֹל יְהֹוָה וּמְהֻלָּ֣ל מְאֹ֑ד ֜וְלִגְדֻלָּת֗וֹ אֵ֣ין חֵֽקֶר: דּ֣וֹר ֖לְדֽוֹר יְשַׁבַּ֣ח מַֽעֲשֶׂ֑יךָ וּגְב֖וּרֹתֶ֣יךָ יַגִּֽידוּ: ֖הֲדַֽר כְּב֣וֹד הוֹדֶ֑ךָ וְדִבְרֵ֖י נִפְלְאֹתֶ֣יךָ אָשִֽׂיחָה: וֶֽעֱז֣וּז נֽוֹרְאֹתֶ֣יךָ יֹאמֵ֑רוּ וּגְדֻלָּֽתְךָ֥ אֲסַפְּרֶֽנָּה: זֵ֣כֶר רַב־טֽוּבְךָ֣ יַבִּ֑יעוּ וְצִדְקָֽתְךָ֥ יְרַנֵּֽנוּ: חַנּ֣וּן וְרַח֣וּם יְהֹוָה אֶ֥רֶךְ ֜אַפַּ֗יִם וּגְדָל־חָֽסֶד: טוֹב־יְהֹוָה לַכֹּ֑ל ֜וְרַֽחֲמָ֗יו עַל־כָּל־מַֽעֲשָֽׂיו: יוֹד֣וּךָ ֖יְהֹוָה כָּל־מַֽעֲשֶׂ֑יךָ ֜וַֽחֲסִידֶ֗יךָ יְבָֽרְכֽוּכָה: כְּב֣וֹד מַלְכֽוּתְךָ֣ יֹאמֵ֑רוּ וּגְבוּרָֽתְךָ֥ יְדַבֵּֽרוּ: לְהוֹדִ֤יעַ| לִבְנֵ֣י ֖הָֽאָדָֽם גְּבֽוּרֹתָ֑יו ֜וּכְב֗וֹד הֲדַ֣ר מַלְכוּתֽוֹ: מַלְכוּתְךָ֗ מַלְכ֥וּת כָּל־עֹֽלָמִ֑ים ֜וּמֶֽמְשַׁלְתְּךָ֗ בְּכָל־דּ֥וֹר וָדֹֽר: סוֹמֵ֣ךְ ֖יְהֹוָה לְכָל־הַנֹּֽפְלִ֑ים ֜וְזוֹקֵ֗ף לְכָל־הַכְּפוּפִֽים: עֵֽינֵי־֖כֹל אֵלֶ֣יךָ יְשַׂבֵּ֑רוּ וְאַתָּ֤ה נֽוֹתֵן־לָהֶ֖ם אֶת־אָכְלָ֣ם בְּעִתּֽוֹ: פּוֹתֵ֥חַ אֶת־יָדֶ֑ךָ (יכוין שהפרנסה מאתו יתברך, ובוטח בו שיפרנסנו בכבוד) וּמַשְׂבִּ֖יעַ לְכָל־חַ֣י רָצֽוֹן: צַדִּ֣יק ֖יְהֹוָה בְּכָל־דְּרָכָ֑יו ֜וְחָסִ֗יד בְּכָל־מַֽעֲשָֽׂיו: קָר֣וֹב ֖יְהֹוָה לְכָל־קֹֽרְאָ֑יו לְכֹ֤ל אֲשֶׁ֖ר יִקְרָאֻ֣הוּ בֶֽאֱמֶֽת: רְצוֹן־יְרֵאָ֥יו יַֽעֲשֶׂ֑ה וְאֶת־שַׁוְעָתָ֥ם ֜יִשְׁמַ֗ע וְיֽוֹשִׁיעֵֽם: שׁוֹמֵ֣ר ֖יְהֹוָה אֶת־כָּל־אֹֽהֲבָ֑יו וְאֵ֖ת כָּל־הָֽרְשָׁעִ֣ים יַשְׁמִֽיד: תְּהִלַּ֥ת יְהֹוָה יְֽדַבֶּ֫ר פִּ֥י וִֽיבָרֵ֣ךְ כָּל־֖בָּשָֽׂר שֵׁ֥ם קָדְשׁ֗וֹ לְעוֹלָ֥ם וָעֶֽד: וַֽאֲנַ֤חְנוּ| נְבָ֘רֵ֤ךְ יָ֗הּ מֵֽעַתָּ֥ה וְעַד־֜עוֹלָ֗ם, הַֽלְלוּיָֽהּ:


###### Machzor Rosh Hashanah Edot HaMizrach, Mincha for Erev Rosh Hashana, Ashrei 3
[Machzor Rosh Hashanah Edot HaMizrach, Mincha for Erev Rosh Hashana, Ashrei 3](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha%20for%20Erev%20Rosh%20Hashana,_Ashrei/r/3)

**תִּכּ֤וֹן** תְּפִלָּתִ֣י קְטֹ֣רֶת לְפָנֶ֑יךָ מַֽשְׂאַ֥ת ֜כַּפַּ֗י מִנְחַת־עָֽרֶב: הַקְשִׁ֤יבָה| לְק֬וֹל שַׁוְעִ֗י מַלְכִּ֥י וֵֽאלֹהָ֑י כִּֽי־֜אֵלֶ֗יךָ אֶתְפַּלָּֽל:


###### Machzor Rosh Hashanah Edot HaMizrach, Mincha for Erev Rosh Hashana, Ashrei 4
[Machzor Rosh Hashanah Edot HaMizrach, Mincha for Erev Rosh Hashana, Ashrei 4](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha%20for%20Erev%20Rosh%20Hashana,_Ashrei/r/4)

ואומר החזן חצי קדיש:


###### Machzor Rosh Hashanah Edot HaMizrach, Mincha for Erev Rosh Hashana, Ashrei 5
[Machzor Rosh Hashanah Edot HaMizrach, Mincha for Erev Rosh Hashana, Ashrei 5](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha%20for%20Erev%20Rosh%20Hashana,_Ashrei/r/5)

**יִתְגַּדַּל** וְיִתְקַדַּשׁ שְׁמֵהּ רַבָּא. אמן בְּעָֽלְמָֽא דִּי בְרָא כִּרְעוּתֵהּ, וְיַמְלִיךְ מַלְכוּתֵהּ, וְיַצְמַח פֻּרְקָנֵהּ, וִיקָרֵב מְשִׁיחֵהּ. אמן בְּחַיֵּיכוֹן וּבְיוֹמֵיכוֹן וּבְחַיֵּי דְכָל בֵּית יִשְׂרָאֵל, בַּעֲגָלָא וּבִזְמַן קָרִיב, וְאִמְרוּ אָמֵן. אמן יְהֵא שְׁמֵהּ רַבָּא מְבָרַךְ לְעָלַם וּלְעָֽלְמֵי עָֽלְמַיָּא יִתְבָּרַךְ, וְיִשְׁתַּבַּח וְיִתְפָּאַר וְיִתְרוֹמַם וְיִתְנַשֵּׂא וְיִתְהַדָּר וְיִתְעַלֶּה וְיִתְהַלָּל, שְׁמֵהּ דְּקֻדְשָׁא בְרִיךְ הוּא. אמן לְעֵלָּא מִן כָּל בִּרְכָתָא, שִׁירָתָא, תִּשְׁבְּחָתָא וְנֶחָמָתָא דַאֲמִירָן בְּעָֽלְמָֽא, וְאִמְרוּ אָמֵן. אמן