## Machzor Rosh Hashanah Edot HaMizrach, Mincha, Korbanot

###### Machzor Rosh Hashanah Edot HaMizrach, Mincha, Korbanot 1
[Machzor Rosh Hashanah Edot HaMizrach, Mincha, Korbanot 1](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/1)

יש נוהגים לומר פתיחת אליהו הנביא זכור לטוב


###### Machzor Rosh Hashanah Edot HaMizrach, Mincha, Korbanot 2
[Machzor Rosh Hashanah Edot HaMizrach, Mincha, Korbanot 2](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/2)

**לְשֵׁם** יִחוּד קֻדְשָׁא בְּרִיךְ הוּא וּשְׁכִינְתֵּיהּ בִּדְחִילוּ וּרְחִימוּ וּרְחִימוּ וּדְחִילוּ לְיַחֲדָא שֵׁם אוֹת יוּ"ד וְאוֹת הֵ"א בְּאוֹת וָא"ו וְאוֹת הֵ"א, בְּיִחוּדָא שְׁלִים (יהוה) בְּשֵׁם כָּל־יִשְׂרָאֵל, הִנֵּה אֲנַחְנוּ בָּאִים לְהִתְפַּלֵּל תְּפִלַּת מִנְחָה שֶׁל [בשבת: שַׁבַּת־קֹדֶשׁ וְ] יוֹם הַזִּכָּרוֹן, שֶׁתִּקֵּן יִצְחָק אָבִינוּ עָלָיו הַשָּׁלוֹם, עִם כָּל־הַמִּצְוֹת הַכְּלוּלוֹת בָּהּ לְתַקֵּן אֶת־שָׁרְשָׁהּ בְּמָקוֹם עֶלְיוֹן לַעֲשׂוֹת נַחַת רוּחַ לְיוֹצְרֵנוּ וְלַעֲשׂוֹת רְצוֹן בּוֹרְאֵנוּ. [ויאמר ב"פ] וִיהִי נֹעַם אֲדֹנָי אֱלֹהֵינוּ עָלֵינוּ, וּמַעֲשֵׂה יָדֵינוּ כּוֹנְנָה עָלֵינוּ, וּמַעֲשֵׂה יָדֵינוּ כּוֹנְנֵהוּ.


###### Machzor Rosh Hashanah Edot HaMizrach, Mincha, Korbanot 3
[Machzor Rosh Hashanah Edot HaMizrach, Mincha, Korbanot 3](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/3)

**לַֽמְנַצֵּ֥חַ** עַֽל־הַגִּתִּ֑ית לִבְנֵי־קֹ֥רַח מִזְמֽוֹר: מַה־יְּדִיד֥וֹת ֜מִשְׁכְּנוֹתֶ֗יךָ יְהֹוָה צְבָאֽוֹת: נִכְסְפָ֬ה וְגַם־כָּֽלְתָ֨ה| נַפְשִׁי֘ לְחַצְר֪וֹת יְהֹוָה לִבִּ֥י וּבְשָׂרִ֑י ֜יְרַנְּנ֗וּ אֶ֣ל אֵֽל־חָֽי: גַּם־צִפּ֨וֹר| מָ֪צְאָה בַ֡יִת וּדְר֤וֹר| קֵ֥ן לָהּ֘ אֲשֶׁר־שָׁ֪תָה אֶפְרֹ֫חֶ֥יהָ אֶֽת־֖מִזְבְּחוֹתֶֽיךָ יְהֹוָה צְבָא֑וֹת ֜מַלְכִּ֗י וֵֽאלֹהָֽי: ֖אַשְׁרֵֽי יֽוֹשְׁבֵ֣י בֵיתֶ֑ךָ ֜ע֗וֹד יְֽהַלְל֥וּךָ סֶּֽלָה: אַשְׁרֵ֣י ֖אָדָֽם עֽוֹז־ל֥וֹ בָ֑ךְ ֜מְסִלּ֗וֹת בִּלְבָבָֽם: עֹֽבְרֵ֤י| בְּעֵ֣מֶק ֖הַבָּכָֽא מַעְיָ֣ן יְשִׁית֑וּהוּ גַּם־֜בְּרָכ֗וֹת יַעְטֶ֥ה מוֹרֶֽה: ֖יֵֽלְכֽוּ מֵחַ֣יִל אֶל־חָ֑יִל יֵֽרָאֶ֖ה אֶל־אֱלֹהִ֣ים בְּצִיּֽוֹן: יְהֹוָה אֱלֹהִ֣ים ֖צְבָאֽוֹת שִׁמְעָ֣ה תְפִלָּתִ֑י הַֽאֲזִ֨ינָה אֱלֹהֵ֖י יַֽעֲקֹ֣ב סֶֽלָה: ֖מָֽגִנֵּֽנוּ רְאֵ֣ה אֱלֹהִ֑ים ֜וְהַבֵּ֗ט פְּנֵ֣י מְשִׁיחֶֽךָ: כִּ֤י טֽוֹב־י֥וֹם בַּֽחֲצֵרֶ֗יךָ מֵ֫אָ֥לֶף בָּחַ֗רְתִּי ֖הִסְתּוֹפֵֽף בְּבֵ֣ית אֱלֹהַ֑י ֜מִדּ֗וּר בְּאָֽהֳלֵי־רֶֽשַׁע: כִּ֤י שֶׁ֨מֶשׁ| וּמָגֵן֘ יְהֹוָה אֱלֹ֫הִ֥ים חֵ֣ן ֖וְכָבֽוֹד יִתֵּ֣ן יְהֹוָה לֹ֥א יִמְנַע־֜ט֗וֹב לַהֹֽלְכִ֥ים בְּתָמִֽים: יְהֹוָה צְבָא֑וֹת אַשְׁרֵ֥י ֜אָדָ֗ם בֹּטֵ֥חַ בָּֽךְ:


###### Machzor Rosh Hashanah Edot HaMizrach, Mincha, Korbanot 4
[Machzor Rosh Hashanah Edot HaMizrach, Mincha, Korbanot 4](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/4)

**וַיְדַבֵּ֥ר** יְהֹוָה אֶל־מֹשֶׁ֥ה לֵּאמֹֽר: ֚צַו אֶת־בְּנֵ֣י יִשְׂרָאֵ֔ל וְאָֽמַרְתָּ֖ אֲלֵהֶ֑ם אֶת־קָרְבָּנִ֨י לַחְמִ֜י לְאִשַּׁ֗י ֚רֵיחַ נִֽיחֹחִ֔י תִּשְׁמְר֕וּ לְהַקְרִ֥יב לִ֖י בְּמֽוֹעֲדֽוֹ: וְאָֽמַרְתָּ֣ לָהֶ֔ם ֚זֶה הָֽאִשֶּׁ֔ה אֲשֶׁ֥ר תַּקְרִ֖יבוּ לַֽיהֹוָה כְּבָשִֹ֨ים בְּנֵֽי־שָׁנָ֧ה תְמִימִ֛ם שְׁנַ֥יִם לַיּ֖וֹם עֹלָ֥ה תָמִֽיד: אֶת־הַכֶּ֥בֶשׂ אֶחָ֖ד תַּֽעֲשֶֹ֣ה בַבֹּ֑קֶר וְאֵת֙ הַכֶּ֣בֶשׂ הַשֵּׁנִ֔י תַּֽעֲשֶֹ֖ה בֵּ֥ין הָֽעַרְבָּֽיִם: וַֽעֲשִׂירִ֧ית הָֽאֵיפָ֛ה סֹ֖לֶת לְמִנְחָ֑ה בְּלוּלָ֛ה בְּשֶׁ֥מֶן כָּתִ֖ית רְבִיעִ֥ת הַהִֽין: עֹלַ֖ת֯ תָּ֯מִ֑יד הָֽעֲשֻׂיָה֙ בְּהַ֣ר סִינַ֔י לְרֵ֣יחַ נִיחֹ֔חַ אִשֶּׁ֖ה לַֽיהֹוָה יאהדונהי: וְנִסְכּוֹ֙ רְבִיעִ֥ת הַהִ֔ין לַכֶּ֖בֶשׂ הָֽאֶחָ֑ד בַּקֹּ֗דֶשׁ הַסֵּ֛ךְ נֶ֥סֶךְ שֵׁכָ֖ר לַֽיהֹוָה יאהדונהי: וְאֵת֙ הַכֶּ֣בֶשׂ הַשֵּׁנִ֔י תַּֽעֲשֶֹ֖ה בֵּ֣ין הָֽעַרְבָּ֑יִם כְּמִנְחַ֨ת הַבֹּ֤קֶר וּכְנִסְכּוֹ֙ תַּֽעֲשֶֹ֔ה אִשֵּׁ֛ה רֵ֥יחַ נִיחֹ֖חַ לַֽיהֹוָה יאהדונהי:


###### Machzor Rosh Hashanah Edot HaMizrach, Mincha, Korbanot 5
[Machzor Rosh Hashanah Edot HaMizrach, Mincha, Korbanot 5](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/5)

**אַתָּה** הוּא יְהֹוָה אֱלֹהֵינוּ שֶׁהִקְטִירוּ אֲבוֹתֵינוּ לְפָנֶֽיךָ אֶת־קְטֹרֶת הַסַּמִּים, בִּזְמַן שֶׁבֵּית־הַמִּקְדָּשׁ קַיָּם, כַּאֲשֶׁר צִוִּיתָ אוֹתָם עַל־יַד מֹשֶׁה נְבִיאָךְ, כַּכָּתוּב֯ בְּ֯תוֹרָתָךְ:


###### Machzor Rosh Hashanah Edot HaMizrach, Mincha, Korbanot 6
[Machzor Rosh Hashanah Edot HaMizrach, Mincha, Korbanot 6](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/6)

**וַיֹּ֩אמֶר֩** יְהֹוָה אֶל־מֹשֶׁ֜ה קַח־לְךָ֣ סַמִּ֗ים נָטָ֤ף| וּשְׁחֵ֨לֶת֙ וְחֶלְבְּנָ֔ה סַמִּ֖ים וּלְבֹנָ֣ה זַכָּ֑ה בַּ֥ד בְּבַ֖ד יִֽהְיֶֽה: וְעָשִֹ֤יתָ אֹתָהּ֙ קְטֹ֔רֶת רֹ֖קַח מַֽעֲשֵֹ֣ה רוֹקֵ֑חַ מְמֻלָּ֖ח טָה֥וֹר קֹֽדֶשׁ: וְשָֽׁחַקְתָּ֣ מִמֶּנָּה֘ הָדֵק֒ וְנָֽתַתָּ֨ה מִמֶּ֜נָּה לִפְנֵ֤י הָֽעֵדֻת֙ בְּאֹ֣הֶל מוֹעֵ֔ד אֲשֶׁ֛ר אִוָּעֵ֥ד לְךָ֖ שָׁ֑מָּה קֹ֥דֶשׁ קָֽדָשִׁ֖ים תִּהְיֶ֥ה לָכֶֽם: וְנֶאֱמַר וְהִקְטִ֥יר עָלָ֛יו אַֽהֲרֹ֖ן קְטֹ֣רֶת סַמִּ֑ים בַּבֹּ֣קֶר בַּבֹּ֗קֶר בְּהֵֽיטִיב֛וֹ אֶת־הַנֵּרֹ֖ת יַקְטִירֶֽנָּה: וּבְהַֽעֲלֹ֨ת אַֽהֲרֹ֧ן אֶת־הַנֵּרֹ֛ת בֵּ֥ין הָֽעַרְבַּ֖יִם יַקְטִירֶ֑נָּה קְטֹ֧רֶת֯ תָּ֯מִ֛יד לִפְנֵ֥י יְהֹוָה לְדֹרֹֽתֵיכֶֽם:


###### Machzor Rosh Hashanah Edot HaMizrach, Mincha, Korbanot 7
[Machzor Rosh Hashanah Edot HaMizrach, Mincha, Korbanot 7](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/7)

**תָּנֽוּ** רַבָּנָן, פִּטּוּם הַקְּטֹרֶת כֵּיצַד. שְׁלֹשׁ מֵאוֹת וְשִׁשִּׁים וּשְׁמוֹנָה מָנִים הָיוּ בָהּ, שְׁלֹשׁ מֵאוֹת וְשִׁשִּׁים וַחֲמִשָּׁה כְּמִנְיַן יְמוֹת הַחַמָּה, מָנֶה בְּכָל־יוֹם, מַחֲצִיתוֹ בַּבֹּקֶר וּמַחֲצִיתוֹ בָּעֶרֶב. וּשְׁלֹשָׁה מָנִים יְתֵרִים, שֶׁמֵּהֶם֯ מַ֯כְנִיס כֹּהֵן גָּדוֹל, וְנוֹטֵל מֵהֶם֯ מְ֯לֹא חָפְנָיו בְּיוֹם הַכִּפּוּרִים, מַחֲזִירָן לַמַּכְתֶּשֶׁת בְּעֶרֶב יוֹם הַכִּפּוּרִים כְּדֵי לְקַיֵּם֯ מִ֯צְוַת דַּקָּה מִן הַדַּקָּה. וְאַחַד עָשָׂר סַמָּנִים הָֽיוּ בָהּ, וְאֵלּוּ הֵן: (טוב למנותם באצבעותיו) א הַצֳּרִי, ב וְהַצִּפֹּרֶן, ג וְהַחֶלְבְּנָה, ד וְהַלְּבוֹנָה, מִשְׁקַל שִׁבְעִים שִׁבְעִים֯ מָ֯נֶה. ה מוֹר, ו וּקְצִיעָה, ז וְשִׁבֹּלֶת נֵרְדְּ, ח וְכַרְכֹּם, מִשְׁקַל שִׁשָּׁה עָשָׂר שִׁשָּׁה עָשָׂר מָנֶה. ט קֹשְׂטְ שְׁנֵים עָשָׂר, י קִלּוּפָה שְׁלֹשָׁה, יא קִנָּמוֹן תִּשְׁעָה. בּוֹרִית כַּרְשִׁינָא תִּשְׁעָה קַבִּין, יֵין קַפְרִיסִין סְאִין תְּלָת וְקַבִּין תְּלָתָא, וְאִם לֹא מָצָא יֵין קַפְרִיסִין מֵבִיא חֲמַר חִוָּר עַתִּיק. מֶלַח סְדוֹמִית רֹבַע, מַעֲלֶה עָשָׁן כָּל־שֶׁהוּא. רִבִּי נָתָן הַבַּבְלִי אוֹמֵר: אַף כִּפַּת הַיַּרְדֵּן כָּל־שֶׁהִיא. אִם נָתַן בָּהּ דְּבַשׁ פְּסָלָהּ, וְאִם חִסֵּר אַחַת מִכָּל־סַמְמָנֶיהָ חַיָּב מִיתָה:


###### Machzor Rosh Hashanah Edot HaMizrach, Mincha, Korbanot 8
[Machzor Rosh Hashanah Edot HaMizrach, Mincha, Korbanot 8](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/8)

**רַבָּן** שִׁמְעוֹן בֶּן־גַּמְלִיאֵל אוֹמֵר: הַצֳּרִי אֵינוֹ אֶלָּֽא שְׁרָף הַנּוֹטֵף מֵעֲצֵי הַקְּטָף. בּוֹרִית כַּרְשִׁינָא לְמָה הִיא בָאָֽה. כְּדֵי לְשַׁפּוֹת בָּהּ אֶת־הַצִּפֹּרֶן כְּדֵי שֶׁתְּהֵא נָאָה. יֵין קַפְרִיסִין לְמָה הוּא בָא. כְּדֵי לִשְׁרוֹת בּוֹ אֶת־הַצִּפֹּרֶן כְּדֵי שֶׁתְּהֵא עַזָּה. וַהֲלֹא מֵי רַגְלַיִם יָפִין לָהּ, אֶלָּֽא שֶׁאֵין מַכְנִיסִין מֵי רַגְלַיִם בַּמִּקְדָּשׁ מִפְּנֵי הַכָּבוֹד:


###### Machzor Rosh Hashanah Edot HaMizrach, Mincha, Korbanot 9
[Machzor Rosh Hashanah Edot HaMizrach, Mincha, Korbanot 9](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/9)

**תַּנְיָֽא,** רִבִּי נָתָן אוֹמֵר: כְּשֶׁהוּא שׁוֹחֵק אוֹמֵר הָדֵק הֵיטֵב, הֵיטֵב הָדֵק, מִפְּנֵי שֶׁהַקּוֹל יָפֶה לַבְּשָׂמִים. פִּטְּמָהּ לַחֲצָאִין כְּשֵׁרָה, לְשָׁלִישׁ וּלְרָבִיעַ לֹא שָׁמַעְנוּ. אָמַר֯ רִ֯בִּי יְהוּדָה: זֶה הַכְּלָל, אִם כְּמִדָּתָהּ כְּשֵׁרָה לַחֲצָאִין, וְאִם חִסֵּר אַחַת מִכָּל־סַמְמָנֶיהָ חַיָּב מִיתָה:


###### Machzor Rosh Hashanah Edot HaMizrach, Mincha, Korbanot 10
[Machzor Rosh Hashanah Edot HaMizrach, Mincha, Korbanot 10](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/10)

**תָּנֵֽי** בַר־קַפָּרָא: אַחַת לְשִׁשִּׁים אוֹ לְשִׁבְעִים שָׁנָה הָֽיְתָה בָאָֽה שֶׁל שִׁירַיִם לַחֲצָאִין. וְעוֹד תָּנֵי בַר־קַפָּרָא: אִלּֽוּ הָיָה נוֹתֵן בָּהּ קָרְטוֹב שֶׁל דְּבַשׁ אֵין אָדָם יָכוֹל֯ לַ֯עֲמוֹד מִפְּנֵי רֵיחָהּ. וְלָמָּֽה אֵין מְעָֽרְבִין בָּהּ דְּבַשׁ. מִפְּנֵי שֶׁהַתּוֹרָה אָֽמְרָה כִּי כָל־שְׂאֹר וְכָל־דְּבַשׁ לֹא־תַקְטִירוּ מִמֶּנּוּ אִשֶּׁה לַיהֹוָה יאהדונהי: יְהֹוָה צְבָאוֹת עִמָּנוּ, מִשְׂגָּב־לָֽנוּ אֱלֹהֵי יַעֲקֹב סֶֽלָה: יְהֹוָה צְבָאוֹת, אַשְׁרֵי אָדָם בֹּטֵחַ בָּךְ: יְהֹוָה הוֹשִֽׁיעָה, הַמֶּלֶךְ יַעֲנֵֽנוּ בְיוֹם־קָרְאֵֽנוּ: וְעָֽרְבָה לַיהֹוָה מִנְחַת יְהוּדָה וִירוּשָׁלָיִם, כִּימֵי עוֹלָם וּכְשָׁנִים קַדְמֹנִיּוֹת:


###### Machzor Rosh Hashanah Edot HaMizrach, Mincha, Korbanot 11
[Machzor Rosh Hashanah Edot HaMizrach, Mincha, Korbanot 11](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/11)

**יְהִי־חַסְדְּךָֽ יְהֹוָה עָלֵינוּ, כַּאֲשֶׁר יִחַלְנוּ לָךְ:**


###### Machzor Rosh Hashanah Edot HaMizrach, Mincha, Korbanot 12
[Machzor Rosh Hashanah Edot HaMizrach, Mincha, Korbanot 12](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/12)

**אַשְׁרֵֽי** יֽוֹשְׁבֵ֣י בֵיתֶ֑ךָ ֜ע֗וֹד יְֽהַלְל֥וּךָ סֶּֽלָה: אַשְׁרֵ֣י ֖הָעָם שֶׁכָּ֣כָה לּ֑וֹ אַשְׁרֵ֥י ֜הָעָ֗ם שֶֽׁיְהֹוָה אֱלֹהָֽיו: תְּהִלָּ֗ה לְדָ֫וִ֥ד אֲרֽוֹמִמְךָ֣ אֱלוֹהַ֣י הַמֶּ֑לֶךְ וַאֲבָֽרְכָ֥ה ֜שִׁמְךָ֗ לְעוֹלָ֥ם וָעֶֽד: בְּכָל־י֥וֹם אֲבָֽרְכֶ֑ךָּ וַאֲהַֽלְלָ֥ה ֜שִׁמְךָ֗ לְעוֹלָ֥ם וָעֶֽד: גָּ֘ד֤וֹל יְהֹוָה וּמְהֻלָּ֣ל מְאֹ֑ד ֜וְלִגְדֻלָּת֗וֹ אֵ֣ין חֵֽקֶר: דּ֣וֹר ֖לְדֽוֹר יְשַׁבַּ֣ח מַֽעֲשֶׂ֑יךָ וּגְב֖וּרֹתֶ֣יךָ יַגִּֽידוּ: ֖הֲדַֽר כְּב֣וֹד הוֹדֶ֑ךָ וְדִבְרֵ֖י נִפְלְאֹתֶ֣יךָ אָשִֽׂיחָה: וֶֽעֱז֣וּז נֽוֹרְאֹתֶ֣יךָ יֹאמֵ֑רוּ וּגְדֻלָּֽתְךָ֥ אֲסַפְּרֶֽנָּה: זֵ֣כֶר רַב־טֽוּבְךָ֣ יַבִּ֑יעוּ וְצִדְקָֽתְךָ֥ יְרַנֵּֽנוּ: חַנּ֣וּן וְרַח֣וּם יְהֹוָה אֶ֥רֶךְ ֜אַפַּ֗יִם וּגְדָל־חָֽסֶד: טוֹב־יְהֹוָה לַכֹּ֑ל ֜וְרַֽחֲמָ֗יו עַל־כָּל־מַֽעֲשָֽׂיו: יוֹד֣וּךָ ֖יְהֹוָה כָּל־מַֽעֲשֶׂ֑יךָ ֜וַֽחֲסִידֶ֗יךָ יְבָֽרְכֽוּכָה: כְּב֣וֹד מַלְכֽוּתְךָ֣ יֹאמֵ֑רוּ וּגְבוּרָֽתְךָ֥ יְדַבֵּֽרוּ: לְהוֹדִ֤יעַ| לִבְנֵ֣י ֖הָֽאָדָֽם גְּבֽוּרֹתָ֑יו ֜וּכְב֗וֹד הֲדַ֣ר מַלְכוּתֽוֹ: מַלְכוּתְךָ֗ מַלְכ֥וּת כָּל־עֹֽלָמִ֑ים ֜וּמֶֽמְשַׁלְתְּךָ֗ בְּכָל־דּ֥וֹר וָדֹֽר: סוֹמֵ֣ךְ ֖יְהֹוָה לְכָל־הַנֹּֽפְלִ֑ים ֜וְזוֹקֵ֗ף לְכָל־הַכְּפוּפִֽים: עֵֽינֵי־֖כֹל אֵלֶ֣יךָ יְשַׂבֵּ֑רוּ וְאַתָּ֤ה נֽוֹתֵן־לָהֶ֖ם אֶת־אָכְלָ֣ם בְּעִתּֽוֹ: פּוֹתֵ֥חַ אֶת־יָדֶ֑ךָ (יכוין שהפרנסה מאתו יתברך, ובוטח בו שיפרנסנו בכבוד) וּמַשְׂבִּ֖יעַ לְכָל־חַ֣י רָצֽוֹן: צַדִּ֣יק ֖יְהֹוָה בְּכָל־דְּרָכָ֑יו ֜וְחָסִ֗יד בְּכָל־מַֽעֲשָֽׂיו: קָר֣וֹב ֖יְהֹוָה לְכָל־קֹֽרְאָ֑יו לְכֹ֤ל אֲשֶׁ֖ר יִקְרָאֻ֣הוּ בֶֽאֱמֶֽת: רְצוֹן־יְרֵאָ֥יו יַֽעֲשֶׂ֑ה וְאֶת־שַׁוְעָתָ֥ם ֜יִשְׁמַ֗ע וְיֽוֹשִׁיעֵֽם: שׁוֹמֵ֣ר ֖יְהֹוָה אֶת־כָּל־אֹֽהֲבָ֑יו וְאֵ֖ת כָּל־הָֽרְשָׁעִ֣ים יַשְׁמִֽיד: תְּהִלַּ֥ת יְהֹוָה יְֽדַבֶּ֫ר פִּ֥י וִֽיבָרֵ֣ךְ כָּל־֖בָּשָֽׂר שֵׁ֥ם קָדְשׁ֗וֹ לְעוֹלָ֥ם וָעֶֽד: וַֽאֲנַ֤חְנוּ| נְבָ֘רֵ֤ךְ יָ֗הּ מֵֽעַתָּ֥ה וְעַד־֜עוֹלָ֗ם, הַֽלְלוּיָֽהּ:


###### Machzor Rosh Hashanah Edot HaMizrach, Mincha, Korbanot 13
[Machzor Rosh Hashanah Edot HaMizrach, Mincha, Korbanot 13](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/13)

**וּבָא** לְצִיּוֹן גּוֹאֵל, וּלְשָׁבֵֽי פֶֽשַׁע בְּיַעֲקֹב, נְאֻם יְהֹוָה יאהדונהי: וַאֲנִי זֹאת בְּרִיתִי אוֹתָם, אָמַר יְהֹוָה יאהדונהי, רוּחִי אֲשֶׁר עָלֶֽיךָ וּדְבָרַי אֲשֶׁר־שַׂמְתִּי בְּפִֽיךָ, לֹא־יָמֽוּשׁוּ מִפִּֽיךָ וּמִפִּי זַרְעֲךָֽ וּמִפִּי זֶרַע זַרְעֲךָֽ, אָמַר יְהֹוָה יאהדונהי, מֵעַתָּה וְעַד־עוֹלָם: וְאַתָּה קָדוֹשׁ, יוֹשֵׁב תְּהִלּוֹת יִשְׂרָאֵל: וְקָרָא זֶה אֶל־זֶה וְאָמַר קָדוֹשׁ| קָדוֹשׁ קָדוֹשׁ יְהֹוָה צְבָאוֹת, מְלֹא כָל־הָאָרֶץ כְּבוֹדוֹ: (בלחש:) וּמְקַבְּלִין דֵּין מִן־דֵּין וְאָֽמְרִֽין, קַדִּישׁ בִּשְׁמֵי מְרוֹמָא עִלָּאָה בֵּית שְׁכִינְתֵּהּ, קַדִּישׁ עַל־אַרְעָא עוֹבַד גְּבוּרְתֵּהּ, קַדִּישׁ לְעָלַם וּלְעָֽלְמֵי עָֽלְמַיָּא יְהֹוָה צְבָאוֹת, מַלְיָא כָל־אַרְעָא זִיו יְקָרֵהּ: (בקול:) וַתִּשָּׂאֵֽנִי רוּחַ, וָאֶשְׁמַע אַחֲרַי קוֹל רַעַשׁ גָּדוֹל, בָּרוּךְ כְּבוֹד־יְהֹוָה מִמְּקוֹמוֹ: (בלחש:) וּנְטָלַֽתְנִי רוּחָא, וּשְׁמָעִית בַּתְרַי קַל זִֽיעַ שַׂגִּיא דִמְשַׁבְּחִין וְאָֽמְרִֽין, בְּרִיךְ יְקָרָא דַיהֹוָה מֵאֲתַר בֵּית שְׁכִינְתֵּהּ: (בקול:) יְהֹוָה יִ֯מְלֹךְ לְעֹלָם וָעֶד: (בלחש:) יְהֹוָה מַלְכוּתֵהּ קָאִים לְעָלַם וּלְעָלְמֵי עָלְמַיָּא: (בקול:) יְהֹוָה אֱלֹהֵי אַבְרָהָם יִצְחָק וְיִשְׂרָאֵל אֲבוֹתֵינוּ, שָׁמְרָה־זֹּאת לְעוֹלָם, לְיֵֽצֶר מַחְשְׁבוֹת לְבַב עַמֶּֽךָ, וְהָכֵן לְבָבָם אֵלֶֽיךָ: וְהוּא רַחוּם יְכַפֵּר עָוֹן, וְלֹא־יַשְׁחִית, וְהִרְבָּה לְהָשִׁיב אַפּוֹ, וְלֹא־יָעִיר כָּל־חֲמָתוֹ: כִּי אַתָּה אֲדֹנָי טוֹב וְסַלָּח, וְרַב־חֶסֶד לְכָל־קֹרְאֶֽיךָ: צִדְקָֽתְךָֽ צֶדֶק לְעוֹלָם, וְתוֹרָֽתְךָֽ אֱמֶת: תִּתֵּן אֱמֶת לְיַעֲקֹב, חֶסֶד לְאַבְרָהָם, אֲשֶׁר נִשְׁבַּעְתָּ לַאֲבֹתֵינוּ מִֽימֵי קֶדֶם: בָּרוּךְ אֲדֹנָי֯ י֯וֹם יוֹם יַעֲמָס־לָֽנוּ, הָאֵל יְשׁוּעָתֵנוּ סֶֽלָה: יְהֹוָה צְבָאוֹת עִמָּנוּ, מִשְׂגָּב־לָֽנוּ אֱלֹהֵי יַעֲקֹב סֶֽלָה: יְהֹוָה צְבָאוֹת, אַשְׁרֵי אָדָם בֹּטֵחַ בָּךְ: יְהֹוָה הוֹשִֽׁיעָה, הַמֶּלֶךְ יַעֲנֵֽנוּ בְיוֹם־קָרְאֵֽנוּ:


###### Machzor Rosh Hashanah Edot HaMizrach, Mincha, Korbanot 14
[Machzor Rosh Hashanah Edot HaMizrach, Mincha, Korbanot 14](https://torahapp.org/share/book/Machzor%20Rosh%20Hashanah%20Edot%20HaMizrach/s/Mincha,_Korbanot/r/14)

**בָּרוּךְ** אֱלֹהֵינוּ שֶׁבְּרָאָֽנוּ לִכְבוֹדוֹ, וְהִבְדִּילָֽנוּ מִן הַתּוֹעִים, וְנָֽתַן לָֽנוּ תּוֹרַת אֱמֶת, וְחַיֵּי עוֹלָם נָטַע בְּתוֹכֵנוּ. הוּא יִפְתַּח לִבֵּנוּ בְּתוֹרָתוֹ, וְיָשִׂים בְּלִבֵּנוּ אַהֲבָתוֹ וְיִרְאָתוֹ לַעֲשׂוֹת רְצוֹנוֹ וּלְעָבְדוֹ בְּלֵבָב שָׁלֵם. לֹא נִיגַע לָרִיק, וְלֹא נֵלֵד לַבֶּהָלָה. יְהִי רָצוֹן מִלְּפָנֶֽיךָ יְהֹוָה אֱלֹהֵינוּ וֵאלֹהֵי אֲבוֹתֵינוּ שֶׁנִּשְׁמֹר חֻקֶּֽיךָ וּמִצְוֹתֶֽיךָ בָּעוֹלָם הַזֶּה, וְנִזְכֶּה וְנִחְיֶה וְנִירַשׁ טוֹבָה וּבְרָכָה לְחַיֵּי הָעוֹלָם הַבָּא: לְמַֽעַן יְזַמֶּרְךָ כָבוֹד וְלֹא יִדֹּם, יְהֹוָה אֱלֹהַי לְעוֹלָם אוֹדֶֽךָּ: יְהֹוָה חָפֵץ לְמַֽעַן צִדְקוֹ, יַגְדִּיל תּוֹרָה וְיַאְדִּיר: וְיִבְטְחוּ בְךָ יוֹדְעֵי שְׁמֶֽךָ, כִּי לֹא־עָזַֽבְתָּ דוֹרְשֶֽׁיךָ יְהֹוָה יאהדונהי: יְהֹוָה אֲדֹנֵינוּ מָה־אַדִּיר שִׁמְךָ בְּכָל־הָאָרֶץ: חִזְקֽוּ וְיַאֲמֵץ לְבַבְכֶם כָּל־הַמְיַחֲלִים לַיהֹוָה יאהדונהי: