## Seder Tisha B'Av (Edot HaMizrach), Tisha B'Av Night, Megillat Eichah

###### Seder Tisha B'Av (Edot HaMizrach), Tisha B'Av Night, Megillat Eichah 4:1
[Seder Tisha B'Av (Edot HaMizrach), Tisha B'Av Night, Megillat Eichah 4:1](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:1)

אֵיכָה֙ יוּעַ֣ם זָהָ֔ב יִשְׁנֶ֖א הַכֶּ֣תֶם הַטּ֑וֹב תִּשְׁתַּפֵּ֙כְנָה֙ אַבְנֵי־קֹ֔דֶשׁ בְּרֹ֖אשׁ כָּל־חוּצֽוֹת׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:2
[Seder Tisha B'Av (Edot HaMizrach), Tisha B'Av Night, Megillat Eichah 4:2](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:2)

בְּנֵ֤י צִיּוֹן֙ הַיְקָרִ֔ים הַמְסֻלָּאִ֖ים בַּפָּ֑ז אֵיכָ֤ה נֶחְשְׁבוּ֙ לְנִבְלֵי־חֶ֔רֶשׂ מַעֲשֵׂ֖ה יְדֵ֥י יוֹצֵֽר׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:3
[Seder Tisha B'Av (Edot HaMizrach), Tisha B'Av Night, Megillat Eichah 4:3](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:3)

גַּם־תנין [תַּנִּים֙] חָ֣לְצוּ שַׁ֔ד הֵינִ֖יקוּ גּוּרֵיהֶ֑ן בַּת־עַמִּ֣י לְאַכְזָ֔ר כי ענים [כַּיְעֵנִ֖ים] בַּמִּדְבָּֽר׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:4
[Seder Tisha B'Av (Edot HaMizrach), Tisha B'Av Night, Megillat Eichah 4:4](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:4)

דָּבַ֨ק לְשׁ֥וֹן יוֹנֵ֛ק אֶל־חִכּ֖וֹ בַּצָּמָ֑א עֽוֹלָלִים֙ שָׁ֣אֲלוּ לֶ֔חֶם פֹּרֵ֖שׂ אֵ֥ין לָהֶֽם׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:5
[Seder Tisha B'Av (Edot HaMizrach), Tisha B'Av Night, Megillat Eichah 4:5](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:5)

הָאֹֽכְלִים֙ לְמַ֣עֲדַנִּ֔ים נָשַׁ֖מּוּ בַּחוּצ֑וֹת הָאֱמֻנִים֙ עֲלֵ֣י תוֹלָ֔ע חִבְּק֖וּ אַשְׁפַּתּֽוֹת׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:6
[Seder Tisha B'Av (Edot HaMizrach), Tisha B'Av Night, Megillat Eichah 4:6](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:6)

וַיִּגְדַּל֙ עֲוֺ֣ן בַּת־עַמִּ֔י מֵֽחַטַּ֖את סְדֹ֑ם הַֽהֲפוּכָ֣ה כְמוֹ־רָ֔גַע וְלֹא־חָ֥לוּ בָ֖הּ יָדָֽיִם׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:7
[Seder Tisha B'Av (Edot HaMizrach), Tisha B'Av Night, Megillat Eichah 4:7](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:7)

זַכּ֤וּ נְזִירֶ֙יהָ֙ מִשֶּׁ֔לֶג צַח֖וּ מֵחָלָ֑ב אָ֤דְמוּ עֶ֙צֶם֙ מִפְּנִינִ֔ים סַפִּ֖יר גִּזְרָתָֽם׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:8
[Seder Tisha B'Av (Edot HaMizrach), Tisha B'Av Night, Megillat Eichah 4:8](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:8)

חָשַׁ֤ךְ מִשְּׁחוֹר֙ תָּֽאֳרָ֔ם לֹ֥א נִכְּר֖וּ בַּחוּצ֑וֹת צָפַ֤ד עוֹרָם֙ עַל־עַצְמָ֔ם יָבֵ֖שׁ הָיָ֥ה כָעֵֽץ׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:9
[Seder Tisha B'Av (Edot HaMizrach), Tisha B'Av Night, Megillat Eichah 4:9](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:9)

טוֹבִ֤ים הָיוּ֙ חַלְלֵי־חֶ֔רֶב מֵֽחַלְלֵ֖י רָעָ֑ב שֶׁ֣הֵ֤ם יָז֙וּבוּ֙ מְדֻקָּרִ֔ים מִתְּנוּבֹ֖ת שָׂדָֽי׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:10
[Seder Tisha B'Av (Edot HaMizrach), Tisha B'Av Night, Megillat Eichah 4:10](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:10)

יְדֵ֗י נָשִׁים֙ רַחֲמָ֣נִיּ֔וֹת בִּשְּׁל֖וּ יַלְדֵיהֶ֑ן הָי֤וּ לְבָרוֹת֙ לָ֔מוֹ בְּשֶׁ֖בֶר בַּת־עַמִּֽי׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:11
[Seder Tisha B'Av (Edot HaMizrach), Tisha B'Av Night, Megillat Eichah 4:11](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:11)

כִּלָּ֤ה יְהוָה֙ אֶת־חֲמָת֔וֹ שָׁפַ֖ךְ חֲר֣וֹן אַפּ֑וֹ וַיַּצֶּת־אֵ֣שׁ בְּצִיּ֔וֹן וַתֹּ֖אכַל יְסוֹדֹתֶֽיהָ׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:12
[Seder Tisha B'Av (Edot HaMizrach), Tisha B'Av Night, Megillat Eichah 4:12](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:12)

לֹ֤א הֶאֱמִ֙ינוּ֙ מַלְכֵי־אֶ֔רֶץ וכל [כֹּ֖ל] יֹשְׁבֵ֣י תֵבֵ֑ל כִּ֤י יָבֹא֙ צַ֣ר וְאוֹיֵ֔ב בְּשַׁעֲרֵ֖י יְרוּשָׁלִָֽם׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:13
[Seder Tisha B'Av (Edot HaMizrach), Tisha B'Av Night, Megillat Eichah 4:13](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:13)

מֵֽחַטֹּ֣את נְבִיאֶ֔יהָ עֲוֺנ֖וֹת כֹּהֲנֶ֑יהָ הַשֹּׁפְכִ֥ים בְּקִרְבָּ֖הּ דַּ֥ם צַדִּיקִֽים׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:14
[Seder Tisha B'Av (Edot HaMizrach), Tisha B'Av Night, Megillat Eichah 4:14](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:14)

נָע֤וּ עִוְרִים֙ בַּֽחוּצ֔וֹת נְגֹֽאֲל֖וּ בַּדָּ֑ם בְּלֹ֣א יֽוּכְל֔וּ יִגְּע֖וּ בִּלְבֻשֵׁיהֶֽם׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:15
[Seder Tisha B'Av (Edot HaMizrach), Tisha B'Av Night, Megillat Eichah 4:15](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:15)

ס֣וּרוּ טָמֵ֞א קָ֣רְאוּ לָ֗מוֹ ס֤וּרוּ ס֙וּרוּ֙ אַל־תִּגָּ֔עוּ כִּ֥י נָצ֖וּ גַּם־נָ֑עוּ אָֽמְרוּ֙ בַּגּוֹיִ֔ם לֹ֥א יוֹסִ֖יפוּ לָגֽוּר׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:16
[Seder Tisha B'Av (Edot HaMizrach), Tisha B'Av Night, Megillat Eichah 4:16](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:16)

פְּנֵ֤י יְהוָה֙ חִלְּקָ֔ם לֹ֥א יוֹסִ֖יף לְהַבִּיטָ֑ם פְּנֵ֤י כֹהֲנִים֙ לֹ֣א נָשָׂ֔אוּ זקנים [וּזְקֵנִ֖ים] לֹ֥א חָנָֽנוּ׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:17
[Seder Tisha B'Av (Edot HaMizrach), Tisha B'Av Night, Megillat Eichah 4:17](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:17)

עודינה [עוֹדֵ֙ינוּ֙] תִּכְלֶ֣ינָה עֵינֵ֔ינוּ אֶל־עֶזְרָתֵ֖נוּ הָ֑בֶל בְּצִפִּיָּתֵ֣נוּ צִפִּ֔ינוּ אֶל־גּ֖וֹי לֹ֥א יוֹשִֽׁעַ׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:18
[Seder Tisha B'Av (Edot HaMizrach), Tisha B'Av Night, Megillat Eichah 4:18](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:18)

צָד֣וּ צְעָדֵ֔ינוּ מִלֶּ֖כֶת בִּרְחֹבֹתֵ֑ינוּ קָרַ֥ב קִצֵּ֛ינוּ מָלְא֥וּ יָמֵ֖ינוּ כִּי־בָ֥א קִצֵּֽינוּ׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:19
[Seder Tisha B'Av (Edot HaMizrach), Tisha B'Av Night, Megillat Eichah 4:19](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:19)

קַלִּ֤ים הָיוּ֙ רֹדְפֵ֔ינוּ מִנִּשְׁרֵ֖י שָׁמָ֑יִם עַל־הֶהָרִ֣ים דְּלָקֻ֔נוּ בַּמִּדְבָּ֖ר אָ֥רְבוּ לָֽנוּ׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:20
[Seder Tisha B'Av (Edot HaMizrach), Tisha B'Av Night, Megillat Eichah 4:20](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:20)

ר֤וּחַ אַפֵּ֙ינוּ֙ מְשִׁ֣יחַ יְהוָ֔ה נִלְכַּ֖ד בִּשְׁחִיתוֹתָ֑ם אֲשֶׁ֣ר אָמַ֔רְנוּ בְּצִלּ֖וֹ נִֽחְיֶ֥ה בַגּוֹיִֽם׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:21
[Seder Tisha B'Av (Edot HaMizrach), Tisha B'Av Night, Megillat Eichah 4:21](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:21)

שִׂ֤ישִׂי וְשִׂמְחִי֙ בַּת־אֱד֔וֹם יושבתי [יוֹשֶׁ֖בֶת] בְּאֶ֣רֶץ ע֑וּץ גַּם־עָלַ֙יִךְ֙ תַּעֲבָר־כּ֔וֹס תִּשְׁכְּרִ֖י וְתִתְעָרִֽי׃ (ס)


###### Seder Tisha B'Av (Edot HaMizrach), Tisha B'Av Night, Megillat Eichah 4:22
[Seder Tisha B'Av (Edot HaMizrach), Tisha B'Av Night, Megillat Eichah 4:22](https://torahapp.org/share/book/Seder%20Tisha%20B%27Av%20%28Edot%20HaMizrach%29/s/Tisha%20B%27Av%20Night,_Megillat%20Eichah/r/4:22)

תַּם־עֲוֺנֵךְ֙ בַּת־צִיּ֔וֹן לֹ֥א יוֹסִ֖יף לְהַגְלוֹתֵ֑ךְ פָּקַ֤ד עֲוֺנֵךְ֙ בַּת־אֱד֔וֹם גִּלָּ֖ה עַל־חַטֹּאתָֽיִךְ׃ (פ)