## Siddur Ashkenaz, Festivals, Rosh Chodesh, Hallel, Psalm 114

###### Siddur Ashkenaz, Festivals, Rosh Chodesh, Hallel, Psalm 114 1
[Siddur Ashkenaz, Festivals, Rosh Chodesh, Hallel, Psalm 114 1](https://torahapp.org/share/book/Siddur%20Ashkenaz/s/Festivals,_Rosh%20Chodesh,_Hallel,_Psalm%20114/r/1)

**בְּצֵאת** יִשְׂרָאֵל מִמִּצְרָֽיִם בֵּית יַעֲקֹב מֵעַם לֹעֵז: הָיְתָה יְהוּדָה לְקָדְשׁוֹ יִשְׂרָאֵל מַמְשְׁלוֹתָיו: הַיָּם רָאָה וַיָּנֹס הַיַּרְדֵּן יִסֹּב לְאָחוֹר: הֶהָרִים רָקְדוּ כְאֵילִים גְּבָעוֹת כִּבְנֵי־צֹאן: מַה־לְּךָ הַיָּם כִּי תָנוּס הַיַּרְדֵּן תִּסֹּב לְאָחוֹר: הֶהָרִים תִּרְקְדוּ כְאֵילִים גְּבָעוֹת כִּבְנֵי־צֹאן: מִלִּפְנֵי אָדוֹן חֽוּלִי אָֽרֶץ מִלִּפְנֵי אֱלֽוֹהַּ יַעֲקֹב: הַהֹפְכִי הַצּוּר אֲגַם־מָֽיִם חַלָּמִישׁ לְמַעְיְנוֹ־מָֽיִם: