## Siddur Edot HaMizrach, Fast Days and Mourning, Fast of Esther

###### Siddur Edot HaMizrach, Fast Days and Mourning, Fast of Esther 1
[Siddur Edot HaMizrach, Fast Days and Mourning, Fast of Esther 1](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/1)

**סליחות לתענית אסתר**


###### Siddur Edot HaMizrach, Fast Days and Mourning, Fast of Esther 2
[Siddur Edot HaMizrach, Fast Days and Mourning, Fast of Esther 2](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/2)

אחר החזרה אומרים וידוי ונפילת אפים, ואחר כך אומרים


###### Siddur Edot HaMizrach, Fast Days and Mourning, Fast of Esther 3
[Siddur Edot HaMizrach, Fast Days and Mourning, Fast of Esther 3](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/3)

**עַל** יְדֵי רַחֲמֶיךָ הָרַבִּים סְלַח לָנוּ אָבִֽינוּ, כִּי בְרֹב אִוַּלְתֵּנוּ שָׁגִֽינוּ: מְחֹל לָנוּ מַלְכֵּנוּ, כִּי רַבּוּ עֲוֹנֵֽינוּ: אֵל אֶרֶךְ אַפַּיִם אַתָּה, וְדֶרֶךְ תְּשׁוּבָה לָנוּ הוֹרֵיתָ: גְּדֻלַּת רַחֲמֶיךָ וַחֲסָדֶיךָ, תִּזְכֹּר הַיּוֹם לְזֶרַע יְדִידֶיךָ: תֵּפֶן אֵלֵֽינוּ בְּרַחֲמִים, כִּי אַתָּה הוּא בַּעַל הָרַחֲמִים: בְּתַחֲנוּן וּבִתְפִלָּה נְקַדֵּם, כְּמוֹ שֶׁהוֹדַעְתָּ לֶעָנָו מִקֶּדֶם: וּמֵחֲרוֹן אַפְּךָ תָּשׁוּב, כְּמוֹ בְּתוֹרָֽתְךָ כָּתוּב: וּבְצֵל כְּנָפֶיךָ נֶחֱסֶה וְנִתְלוֹנָן, כְּיוֹם וַיֵּרֶד יְהֹוָה בֶּעָנָן: תַּעֲבֹר עַל פֶּשַׁע וְתִמְחֹל אָשָׁם, כְּיוֹם וַיִּתְיַצֵּב עִמּוֹ שָׁם: תַּאֲזִין שֶׁוַע וְתַּקְשִׁיב בְּרָצוֹן מַאֲמָר, כְּיוֹם וַיִּקְרָא בְשֵׁם, יְהֹוָה: וְשָׁם נֶאֱמַר:


###### Siddur Edot HaMizrach, Fast Days and Mourning, Fast of Esther 4
[Siddur Edot HaMizrach, Fast Days and Mourning, Fast of Esther 4](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/4)

**וַיַּעֲבֹ֨ר** יְהֹוָ֥ה ׀ עַל־פָּנָיו֮ וַיִּקְרָא֒ יְהֹוָ֣ה ׀ יְהֹוָ֔ה אֵ֥ל רַח֖וּם וְחַנּ֑וּן אֶ֥רֶךְ אַפַּ֖יִם וְרַב־חֶ֥סֶד וֶאֱמֶֽת׃ נֹצֵ֥ר‏ חֶ֙סֶד֙ לָאֲלָפִ֔ים נֹשֵׂ֥א עָוֺ֛ן וָפֶ֖שַׁע וְחַטָּאָ֑ה וְנַקֵּה֙:


###### Siddur Edot HaMizrach, Fast Days and Mourning, Fast of Esther 5
[Siddur Edot HaMizrach, Fast Days and Mourning, Fast of Esther 5](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/5)

**אֲגָגִי** בְּהַעֲמִיקוֹ מַחֲשֶׁבֶת זְמָמוֹ, בְּהִוָּֽסְדוֹ עַל עַם קָדוֹשׁ לְאַבְּדוֹ וּלְהַחֲרִימוֹ, יְמִינִי גָעָה בְּבִכְיָה לְצוּר שׁוֹכֵן מְרוֹמוֹ, כִּ֠י לֹֽא־יִטֹּ֤שׁ יְהֹוָה֙ אֶת־עַמּ֔וֹ: אֲגָגִי דִמָּה לְכַלּוֹת שְׁאֵרִית יִשְׂרָאֵל וּלְאַבְּדֵנוּ, הִפִּ֣יל פּוּר֩ ה֨וּא הַגּוֹרָ֜ל בְּיוֹם זֶה לְגַדְּעֵנוּ, יְמִינִי וְלֹא קָם וְלֹא זָע מִמֶּנּוּ, וְהַבּוֹטֵ֥חַ בַּֽיהֹוָ֑ה חֶ֗֝סֶד יְסוֹבְבֶֽנּוּ׃ אֲגָגִי זְדוֹנוֹ הִשִּׁיאוֹ בְּעֵצָה נִבְעָרָה, חָשׁ לִשְׁקוֹל עֲשֶׂרֶת אֲלָפִים לְאַבֵּד שֶׂה פְזוּרָה, יְמִינִי טִהַר לִבּוֹ בְּצוֹם וַעֲצָרָה, ט֣וֹב יְהֹוָ֔ה לְמָע֖וֹז בְּי֣וֹם צָרָ֑ה: אֲגָגִי יָצָא שָׂמֵחַ מִבֵּית מַעֲדַנּוֹת, כּוֹנֵן עֵץ לִתְלוֹת עָלָיו אִישׁ אֱמוּנוֹת, יְמִינִי לָבַשׁ חֵן וְנִסְמָךְ עַל עוֹטֶה גְאוֹנוֹת, אֲבִ֣י יְ֭תוֹמִים וְדַיַּ֣ן אַלְמָנ֑וֹת: אֲגָגִי מִהַר קְרוֹא חֲכָמָיו וּמִדְינֵי אִשָּׁה, נָפוֹל תִּפּוֹל לְפָנָיו יְעָצוּהוּ לְבוּשָׁה, יְמִינִי סוֹד הוֹדִיעַ לַהֲדַסָּה וּמַלְכוּת לָֽבְשָׁה, וֶֽאֱסָרָהּ֙ אֲשֶׁ֣ר אָֽסְרָ֣ה עַל־נַפְשָׁ֔הּ: אֲגָגִי עֵת בּוֹאוֹ לְמִשְׁתֶּה מְסִבָּה, פִּיהָ פָּֽתְחָה בְחָכְמָה אֲהוּבָה נְדִיבָה, יְמִינִי צָהַל בִּרְאוֹתוֹ מַפָּלַת הָמָן בְּחִבָּה, אֵ֣ל נַ֭עֲרָץ בְּסוֹד־קְדֹשִׁ֣ים רַבָּ֑ה: קָדוֹשׁ הַנֶּעֶרָץ בְּסוֹד שַׂרְפֵי מְעוֹנָי, רוֹמְמוֹתֶךָ יִפְצְחוּ עֲדַת אֱמוּנָי, לִישׁוּעָתְךָ֖ קִוִּ֥יתִי יְהֹוָֽה, כֵּ֠ן יֹאבְד֤וּ כׇל־אוֹיְבֶיךָ֙ יְהֹוָ֔ה: יֶהֱמוּ נָא רַחֲמֶיךָ עַל מְעוּטֵי עַמִּים, וְשַׂגְּבֵם בְּחַסְדְּךָ לְעֵינֵי כָל־לְאֻמִים, פְּלָאֶיךָ הַרְאֵם צוּר שׁוֹכֵן מְרוֹמִים, אֵל מֶלֶךְ יוֹשֵׁב עַל כִּסֵּא רַחֲמִים: יִחַלְתָּ עֲבָדֶיךָ בְּחֶזְיוֹנֵי כִתְבֵיהֶם, לְתִתָּם לְרַחֲמִים לִפְנֵי כָל־שׁוֹבֵיהֶם, וְדִבַּרְתָּ עַל לִבָּם לְרַפֹּאת מַכְאוֹבֵיהֶם, וְאַף־גַּם־זֹ֠את בִּֽהְיוֹתָ֞ם בְּאֶ֣רֶץ אֹֽיְבֵיהֶ֗ם: צִמְּתַתְנִי אָז אַרְיֵה מִגֶּפֶן פּוֹרִיָּה, הִגְלָנִי וְהֶעֱלָנִי אֶל אֶרֶץ מַאְפֵלְיָה, הִקְדַּמְתָּ אַרְבָּעָה הוֹגֵי דַת תּוּשִׁיָּה, דָּנִיֵּאל חֲנַנְיָה מִישָׁאֵל וַעֲזַרְיָה, זֶה נִצַּל מֵאֲרָיוֹת וְאֵלֶּה מִלַּהֲבֵיהֶם: חָשׁ הָאַיִל וְהַחֲזִיר בִּמְהוּמָה וּמְבוּסָה, כִּמְעַט אוֹרִי קָדַר וּמְאוֹר שִׁמְשִׁי כֻּסָּה, תָּמַכְתָּ יַד יְמִינִי בִּימִינִי וַהֲדַסָּה, וְחִצִּים אֲשֶׁר דָּֽרְכוּ לִי, שָׁבוּ בְּלֵב רוֹבֵיהֶם: קָם עָלַי בְּפִשְׁעִי הַנָּבָל הַבַּעַר, גְּרוֹנוֹ עָלַי פָּעַר, כַּחֲזִיר בְּתוֹךְ הַיָּעַר, הִקְדַּמְתָּ לִי מְשִׁיבֵי מִלְחֶמֶת דַּת שָׁעַר, וְהִנְנִי מִשְׁתַּעְשֵׁעַ בְּשִׂכְלָם וּבְנִיבֵיהֶם, וְאַף־גַּם־זֹ֠את בִּֽהְיוֹתָ֞ם בְּאֶ֣רֶץ אֹֽיְבֵיהֶ֗ם:


###### Siddur Edot HaMizrach, Fast Days and Mourning, Fast of Esther 6
[Siddur Edot HaMizrach, Fast Days and Mourning, Fast of Esther 6](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/6)

**וְאַף־גַּם־זֹ֠את** בִּֽהְיוֹתָ֞ם בְּאֶ֣רֶץ אֹֽיְבֵיהֶ֗ם לֹֽא־מְאַסְתִּ֤ים וְלֹֽא־גְעַלְתִּים֙ לְכַלֹּתָ֔ם לְהָפֵ֥ר בְּרִיתִ֖י אִתָּ֑ם כִּ֛י אֲנִ֥י יְהֹוָ֖ה אֱלֹהֵיהֶֽם׃ וְזָכַרְתִּ֖י אֶת־בְּרִיתִ֣י יַעֲק֑וֹב וְאַף֩ אֶת־בְּרִיתִ֨י יִצְחָ֜ק וְאַ֨ף אֶת־בְּרִיתִ֧י אַבְרָהָ֛ם אֶזְכֹּ֖ר וְהָאָ֥רֶץ אֶזְכֹּֽר׃ מִֽן־הַ֭מֵּצַר קָרָ֣אתִי יָּ֑הּ עָנָ֖נִי בַמֶּרְחָ֣ב יָֽהּ׃ יְהֹוָ֣ה לִ֭י לֹ֣א אִירָ֑א מַה־יַּעֲשֶׂ֖ה לִ֣י אָדָֽם׃ יְהֹוָ֣ה לִ֭י בְּעֹזְרָ֑י וַ֝אֲנִ֗י אֶרְאֶ֥ה בְשֹׂנְאָֽי׃ ט֗וֹב לַחֲס֥וֹת בַּיהֹוָ֑ה מִ֝בְּטֹ֗חַ בָּאָדָֽם׃ ט֗וֹב לַחֲס֥וֹת בַּיהֹוָ֑ה מִ֝בְּטֹ֗חַ בִּנְדִיבִֽים׃ כׇּל־גּוֹיִ֥ם סְבָב֑וּנִי בְּשֵׁ֥ם יְ֝הֹוָ֗ה כִּ֣י אֲמִילַֽם׃ דָּחֹ֣ה דְחִיתַ֣נִי לִנְפֹּ֑ל וַ֖יהֹוָ֣ה עֲזָרָֽנִי׃


###### Siddur Edot HaMizrach, Fast Days and Mourning, Fast of Esther 7
[Siddur Edot HaMizrach, Fast Days and Mourning, Fast of Esther 7](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/7)

**יְהִירִים** קָמוּ בְּכָל־דּוֹר, וְהָאֱלֹהִים שְׁמָרַנִי, עָלָה אַרְיֵה תְּחִלָּה, בְּכָל־פֵּאוֹת זֵרָנִי, קָם אַחֲרָיו דּוֹב שַׁכּוּל וְלִמְזַנֵּב מְכָרָנִי, דָּחֹ֣ה דְחִיתַ֣נִי לִנְפֹּ֑ל וַ֖יהֹוָ֣ה עֲזָרָֽנִי׃ אָז בְּצֵאתִי מִפֶּרֶךְ, בָּא נָחָשׁ עֲלֵי דֶּרֶךְ, עַל עָיֵף וְיָגֵעַ לְהָבִיא בְלִבּוֹ מֹרֶךְ, גָּדַעְתָּ וְהִכִּיתָ אוֹתוֹ שׁוֹק עַל יָרֶךְ, יוֹם הֵרִים יָד עָנָו עֲלֵיהֶם הִגְבִּירָנִי, דָּחֹ֣ה דְחִיתַ֣נִי לִנְפֹּ֑ל וַ֖יהֹוָ֣ה עֲזָרָֽנִי׃ בְּקוּם הָמָן הָאֲגָגִי, כַּתַּנִּין לְבַלְּעֵנִי, וְכָתַב שִׂטְנָה עָלָי, בְּיוֹם אֶחָד לְגַדְּעֵנִי, שָׁלַח מִשָּׁמַיִם אֵל וַיּוֹשִׁיעֵנִי, לְמִחְיָה הִשְׁאִירָנִי וְעֹז וְיֶשַׁע אִזְּרָנִי, דָּחֹ֣ה דְחִיתַ֣נִי לִנְפֹּ֑ל וַ֖יהֹוָ֣ה עֲזָרָֽנִי׃ שִׁמְךָ מִגְדַּל מִבְטָחִי, אֵל מִבֶּטֶן גּוֹחִי, וְחִלַּצְתָּ אֶת־רוּחִי, מִמָּוֶת וּמִשֶּׁחִי, אֶת־עֵינִי מִן דִּמְעָה, וְאֶת־רַגְלִי מִדֶּחִי, וּבְאֶרֶץ מַדּוּחִי, אֵל אֱלֹהִים הִפְרָנִי, דָּחֹ֣ה דְחִיתַ֣נִי לִנְפֹּ֑ל וַ֖יהֹוָ֣ה עֲזָרָֽנִי׃


###### Siddur Edot HaMizrach, Fast Days and Mourning, Fast of Esther 8
[Siddur Edot HaMizrach, Fast Days and Mourning, Fast of Esther 8](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/8)

**דָּחֹ֣ה** דְחִיתַ֣נִי לִנְפֹּ֑ל וַ֖יהֹוָ֣ה עֲזָרָֽנִי׃ עָזִּ֣י וְזִמְרָ֣ת יָ֑הּ וַֽיְהִי־לִ֗֝י לִישׁוּעָֽה׃ ק֤וֹל ׀ רִנָּ֬ה וִישׁוּעָ֗ה בְּאׇהֳלֵ֥י צַדִּיקִ֑ים יְמִ֥ין יְ֝הֹוָ֗ה עֹ֣שָׂה חָֽיִל׃ יְמִ֣ין יְ֭הֹוָה רוֹמֵמָ֑ה יְמִ֥ין יְ֝הֹוָ֗ה עֹ֣שָׂה חָֽיִל׃ לֹא־אָמ֥וּת כִּֽי־אֶחְיֶ֑ה וַ֝אֲסַפֵּ֗ר מַעֲשֵׂ֥י יָֽהּ׃ יַסֹּ֣ר יִסְּרַ֣נִּי יָּ֑הּ וְ֝לַמָּ֗וֶת לֹ֣א נְתָנָֽנִי׃ פִּתְחוּ־לִ֥י שַׁעֲרֵי־צֶ֑דֶק אָבֹא־בָ֗֝ם אוֹדֶ֥ה יָֽהּ׃ זֶה־הַשַּׁ֥עַר לַיהֹוָ֑ה צַ֝דִּיקִ֗ים יָבֹ֥אוּ בֽוֹ׃ א֭וֹדְךָ כִּ֣י עֲנִיתָ֑נִי וַתְּהִי־לִ֗֝י לִישׁוּעָֽה׃ לוּלֵ֣י יְ֭הֹוָה שֶׁהָ֣יָה לָ֑נוּ יֹאמַר־נָ֗֝א יִשְׂרָאֵֽל׃


###### Siddur Edot HaMizrach, Fast Days and Mourning, Fast of Esther 9
[Siddur Edot HaMizrach, Fast Days and Mourning, Fast of Esther 9](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/9)

**אֵיךְ** זָרִים, אַכְזָרִים, כַּדְּבוֹרִים סְבָבוּנוּ, בְּקוּם הָמָן, בְּזֶה הַזְּמָן, כְּשֹׁד שַׁלְמָן שְׁדָדוּנוּ. בְּרֹב מַעַל, סַף רַעַל, בְּלִי תַעַל הִשְׁקוּנוּ. לוּלֵ֣י יְ֭הֹוָה שֶׁהָ֣יָה לָ֑נוּ, אֲ֭זַי חַיִּ֣ים בְּלָע֑וּנוּ: אֵיךְ דִּמוּ, וְזָֽמְמוּ, בְּלִבָּם נִינָם יַחַד. בְּמַחֲשָׁבַת, לְהַחְרִיב בַּת, יִשְׂרָאֵל גּוֹי אֶחָד. בְּסוֹד סוֹדָם, לְהַשְׁמִידָם, לְהַכְחִידָם, כְּמוֹ כַחַד. וּבֵין תַּנּוּר וְכִירַיִם, הַמַּיִם שְׁטָפוּנוּ. לוּלֵ֣י יְ֭הֹוָה שֶׁהָ֣יָה לָ֑נוּ, אֲ֭זַי חַיִּ֣ים בְּלָע֑וּנוּ: קָם צוֹרֵר, וְלִי עוֹרֵר, אֵיבָתוֹ וְשִׂנְאָתוֹ. וְדָת הֶעֱמִיד, וְקֵץ לַשְׁמִיד, עֲדַת שַׁדַּי וְנַחֲלָתוֹ. וְצוּר חָמַל, וְטוֹב גָּמַל, וְהֶרְאָה אֶת־גְּבוּרָתוֹ. לְהַאֲבִידוֹ, לְהַכְחִידוֹ, וּבָנָיו אֲשֶׁר עִנּוּנוּ. חָשַׁב צָר, בְּעֵת מֵצָר, וְהִפִּיל פּוּר גּוֹרָלוֹ. וְצוּר הִקְשִׁיב, וְאָז הֵשִׁיב, בְּרֹאשׁוֹ אֶת תַּגְמוּלוֹ. וְאֵל נֶאְדָּר, בְּחֹדֶשׁ אֲדָר, עֹז הֶרְאָה לִקְהָלוֹ. בְּמוֹ רֶצַח, עֲדֵי נֶצַח, הִכָּה אֲשֶׁר הִכּוּנוּ. לוּלֵ֣י יְ֭הֹוָה שֶׁהָ֣יָה לָ֑נוּ, אֲ֭זַי חַיִּ֣ים בְּלָע֑וּנוּ:


###### Siddur Edot HaMizrach, Fast Days and Mourning, Fast of Esther 10
[Siddur Edot HaMizrach, Fast Days and Mourning, Fast of Esther 10](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/10)

**לוּלֵ֣י** יְ֭הֹוָה שֶׁהָ֣יָה לָ֑נוּ יֹאמַר־נָ֗֝א יִשְׂרָאֵֽל׃ לוּלֵ֣י יְ֭הֹוָה שֶׁהָ֣יָה לָ֑נוּ בְּק֖וּם עָלֵ֣ינוּ אָדָֽם׃ אֲ֭זַי חַיִּ֣ים בְּלָע֑וּנוּ בַּחֲר֖וֹת אַפָּ֣ם בָּֽנוּ׃ אֲ֭זַי הַמַּ֣יִם שְׁטָפ֑וּנוּ נַ֗֝חְלָה עָבַ֥ר עַל־נַפְשֵֽׁנוּ׃ אֲ֭זַי עָבַ֣ר עַל־נַפְשֵׁ֑נוּ הַ֝מַּ֗יִם הַזֵּידוֹנִֽים׃ בָּר֥וּךְ יְהֹוָ֑ה שֶׁלֹּ֥א נְתָנָ֥נוּ טֶ֗֝רֶף לְשִׁנֵּיהֶֽם׃ נַפְשֵׁ֗נוּ כְּצִפּ֥וֹר נִמְלְטָה֮ מִפַּ֢ח י֫וֹקְשִׁ֥ים הַפַּ֥ח נִשְׁבָּ֗ר וַאֲנַ֥חְנוּ נִמְלָֽטְנוּ׃ עֶ֭זְרֵנוּ בְּשֵׁ֣ם יְהֹוָ֑ה עֹ֝שֵׂ֗ה שָׁמַ֥יִם וָאָֽרֶץ׃


###### Siddur Edot HaMizrach, Fast Days and Mourning, Fast of Esther 11
[Siddur Edot HaMizrach, Fast Days and Mourning, Fast of Esther 11](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/11)

**אֲדֹנָ֤י** ׀ שְׁמָ֙עָה֙ אֲדֹנָ֣י ׀ סְלָ֔חָה אֲדֹנָ֛י הַֽקְשִׁ֥יבָה וַעֲשֵׂ֖ה אַל־תְּאַחַ֑ר לְמַֽעַנְךָ֣ אֱלֹהַ֔י כִּֽי־שִׁמְךָ֣ נִקְרָ֔א עַל־עִירְךָ֖ וְעַל־עַמֶּֽךָ׃ הֲשִׁיבֵ֨נוּ יְהֹוָ֤ה ׀ אֵלֶ֙יךָ֙ ונשוב [וְֽנָשׁ֔וּבָה] חַדֵּ֥שׁ יָמֵ֖ינוּ כְּקֶֽדֶם׃


###### Siddur Edot HaMizrach, Fast Days and Mourning, Fast of Esther 12
[Siddur Edot HaMizrach, Fast Days and Mourning, Fast of Esther 12](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/12)

**אֵל** מֶלֶךְ יוֹשֵׁב עַל כִּסֵּא רַחֲמִים וּמִתְנַהֵג בַּחֲסִידוּת, מוֹחֵל עֲוֹנוֹת עַמּוֹ, מַעֲבִיר רִאשׁוֹן רִאשׁוֹן. מַרְבֶּה מְחִילָה לַחַטָּאִים, וּסְלִיחָה לַפּוֹשְׁעִים. עֹשֶׂה צְדָקוֹת עִם כָּל־בָּשָׂר וְרוּחַ, לֹא כְרָעָתָם לָהֶם גּוֹמֵל. אֵל הוֹרֵתָנוּ לוֹמַר מִדּוֹת שְׁלֹשׁ עֶשְׂרֵה, זְכֹר לָנוּ הַיּוֹם בְּרִית שְׁלֹשׁ עֶשְׂרֵה, כְּמוֹ שֶׁהוֹדַעְתָּ לֶעָנָו מִקֶּדֶם, וְכֵן כָּתוּב בְּתוֹרָתָךְ: וַיֵּ֤רֶד יְהֹוָה֙ בֶּֽעָנָ֔ן וַיִּתְיַצֵּ֥ב עִמּ֖וֹ שָׁ֑ם וַיִּקְרָ֥א בְשֵׁ֖ם יְהֹוָֽה׃ וְשָׁם נֶאֱמַר:


###### Siddur Edot HaMizrach, Fast Days and Mourning, Fast of Esther 13
[Siddur Edot HaMizrach, Fast Days and Mourning, Fast of Esther 13](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/13)

**וַיַּעֲבֹ֨ר** יְהֹוָ֥ה ׀ עַל־פָּנָיו֮ וַיִּקְרָא֒ יְהֹוָ֣ה ׀ יְהֹוָ֔ה אֵ֥ל רַח֖וּם וְחַנּ֑וּן אֶ֥רֶךְ אַפַּ֖יִם וְרַב־חֶ֥סֶד וֶאֱמֶֽת׃ נֹצֵ֥ר‏ חֶ֙סֶד֙ לָאֲלָפִ֔ים נֹשֵׂ֥א עָוֺ֛ן וָפֶ֖שַׁע וְחַטָּאָ֑ה וְנַקֵּה֙׃


###### Siddur Edot HaMizrach, Fast Days and Mourning, Fast of Esther 14
[Siddur Edot HaMizrach, Fast Days and Mourning, Fast of Esther 14](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/14)

על סדר א"ב


###### Siddur Edot HaMizrach, Fast Days and Mourning, Fast of Esther 15
[Siddur Edot HaMizrach, Fast Days and Mourning, Fast of Esther 15](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/15)

**אַנְשֵׁי** אֱמוּנָה אָבָדוּ, בָּאִים בְּכֹחַ מַעֲשֵׂיהֶם: גִּבּוֹרִים לַעֲמֹד בַּפֶּרֶץ, דּוֹחִים אֶת־הַגְּזֵרוֹת: הָיוּ לָנוּ לְחוֹמָה, וּלְמַחְסֶה בְּיוֹם זָעַם: זוֹעֲכִים אַף בְּלַחֲשָׁם, חֵמָה עָֽצרוּ בְּשַׁוְּעָם: טֶרֶם קְרָאוּךָ עֲנִיתָם, יוֹדְעִים לַעֲתֹר וּלְרַצּוֹת: כְּאָב רִחַמְתָּ לְמַעֲנָם, לֹא הֱשִׁיבוֹתָ פְנֵיהֶם רֵיקָם: מֵרֹב עֲוֹנֵֽינוּ אֲבַדְנוּם, נֶאֶסְפוּ מֶנּוּ בַּחֲטָאֵֽינוּ: סָעוּ הֵמָּה לִמְנוּחוֹת, עָֽזבוּ אוֹתָנוּ לַאֲנָחוֹת: פַּסּוּ גוֹדְרֵי גָדֵר, צֻמְּתוּ מְשִׁיבֵי חֵמָה: קָמִים בַּפֶּרֶץ אַיִן, רְאוּיִים לְרַצּוֹתְךָ אָפֵסוּ: שׁוֹטַטְנוּ בְּאַרְבַּע פִּנּוֹת, תְּרוּפָה לֹא מָצָאנוּ: שַׁבְנוּ אֵלֶיךָ בְּבֹשֶׁת פָּנֵֽינוּ, לְשַׁחֲרָךְ אֵל בְּעֵת צָרוֹתֵֽינוּ:


###### Siddur Edot HaMizrach, Fast Days and Mourning, Fast of Esther 16
[Siddur Edot HaMizrach, Fast Days and Mourning, Fast of Esther 16](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/16)

**אֵל** מֶלֶךְ יוֹשֵׁב עַל כִּסֵּא רַחֲמִים וּמִתְנַהֵג בַּחֲסִידוּת, מוֹחֵל עֲוֹנוֹת עַמּוֹ, מַעֲבִיר רִאשׁוֹן רִאשׁוֹן. מַרְבֶּה מְחִילָה לַחַטָּאִים, וּסְלִיחָה לַפּוֹשְׁעִים. עֹשֶׂה צְדָקוֹת עִם כָּל־בָּשָׂר וְרוּחַ, לֹא כְרָעָתָם לָהֶם גּוֹמֵל. אֵל הוֹרֵתָנוּ לוֹמַר מִדּוֹת שְׁלֹשׁ עֶשְׂרֵה, זְכֹר לָנוּ הַיּוֹם בְּרִית שְׁלֹשׁ עֶשְׂרֵה, כְּמוֹ שֶׁהוֹדַעְתָּ לֶעָנָו מִקֶּדֶם, וְכֵן כָּתוּב בְּתוֹרָתָךְ: וַיֵּ֤רֶד יְהֹוָה֙ בֶּֽעָנָ֔ן וַיִּתְיַצֵּ֥ב עִמּ֖וֹ שָׁ֑ם וַיִּקְרָ֥א בְשֵׁ֖ם יְהֹוָֽה׃ וְשָׁם נֶאֱמַר:


###### Siddur Edot HaMizrach, Fast Days and Mourning, Fast of Esther 17
[Siddur Edot HaMizrach, Fast Days and Mourning, Fast of Esther 17](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/17)

**וַיַּעֲבֹ֨ר** יְהֹוָ֥ה ׀ עַל־פָּנָיו֮ וַיִּקְרָא֒ יְהֹוָ֣ה ׀ יְהֹוָ֔ה אֵ֥ל רַח֖וּם וְחַנּ֑וּן אֶ֥רֶךְ אַפַּ֖יִם וְרַב־חֶ֥סֶד וֶאֱמֶֽת׃ נֹצֵ֥ר‏ חֶ֙סֶד֙ לָאֲלָפִ֔ים נֹשֵׂ֥א עָוֺ֛ן וָפֶ֖שַׁע וְחַטָּאָ֑ה וְנַקֵּה֙׃


###### Siddur Edot HaMizrach, Fast Days and Mourning, Fast of Esther 18
[Siddur Edot HaMizrach, Fast Days and Mourning, Fast of Esther 18](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/18)

על סדר תשר"ק


###### Siddur Edot HaMizrach, Fast Days and Mourning, Fast of Esther 19
[Siddur Edot HaMizrach, Fast Days and Mourning, Fast of Esther 19](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/19)

**תָּמַהְנוּ** מֵרָעוֹת, תָּשַׁשׁ כֹּחֵנוּ מִצָּרוֹת. שַׁחְנוּ עַד לִמְאֹד, שָׁפַלְנוּ עַד עָפָר. רַחוּם כָּךְ הִיא מִדָּתֵנוּ, קְשֵׁי עֹרֶף וּמַמְרִים אֲנַחְנוּ. צָעַקְנוּ בְּפִֽינוּ חָטָאנוּ, פְּתַלְתּוֹל וְעִקֵּשׁ לִבֵּנוּ. עֶלְיוֹן רַחֲמֶיךָ מֵעוֹלָם, סְלִיחָה עִמְּךָ הִיא. נִחָם עַל הָרָעָה, מַטֵּה כְלַפֵּי חֶסֶד. לֹא תִתְעַלַּם בְּעִתּוֹת כָּאֵל, כִּי בְצָרָה גְדוֹלָה אֲנָחְנוּ. יִוָּדַע לְעֵינֵי הַכֹּל, טוּבְךָ וְחַסְדְּךָ עִמָּנוּ. חֲתֹם פֶּה־שָׂטָן, וְאַל יַשְׂטִין עָלֵֽינוּ, זְעֹם בּוֹ וְיִדֹּם. וְיַעֲמֹד מֵלִיץ טוֹב לְצַדְּקֵנוּ, הוּא יַגִּיד יָשְׁרֵנוּ. דְּרָכֶיךָ רַחוּם וְחַנּוּן גִּלִּיתָ לְנֶאֱמַן בָּיִת. בְּבַקְשׁוֹ אָז מִלְּפָנֶיךָ, אֱמוּנָֽתְךָ הוֹדַעְתָּ לּוֹ:


###### Siddur Edot HaMizrach, Fast Days and Mourning, Fast of Esther 20
[Siddur Edot HaMizrach, Fast Days and Mourning, Fast of Esther 20](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/20)

**אֵל** מֶלֶךְ יוֹשֵׁב עַל כִּסֵּא רַחֲמִים וּמִתְנַהֵג בַּחֲסִידוּת, מוֹחֵל עֲוֹנוֹת עַמּוֹ, מַעֲבִיר רִאשׁוֹן רִאשׁוֹן. מַרְבֶּה מְחִילָה לַחַטָּאִים, וּסְלִיחָה לַפּוֹשְׁעִים. עֹשֶׂה צְדָקוֹת עִם כָּל־בָּשָׂר וְרוּחַ, לֹא כְרָעָתָם לָהֶם גּוֹמֵל. אֵל הוֹרֵתָנוּ לוֹמַר מִדּוֹת שְׁלֹשׁ עֶשְׂרֵה, זְכֹר לָנוּ הַיּוֹם בְּרִית שְׁלֹשׁ עֶשְׂרֵה, כְּמוֹ שֶׁהוֹדַעְתָּ לֶעָנָו מִקֶּדֶם, וְכֵן כָּתוּב בְּתוֹרָתָךְ: וַיֵּ֤רֶד יְהֹוָה֙ בֶּֽעָנָ֔ן וַיִּתְיַצֵּ֥ב עִמּ֖וֹ שָׁ֑ם וַיִּקְרָ֥א בְשֵׁ֖ם יְהֹוָֽה׃ וְשָׁם נֶאֱמַר:


###### Siddur Edot HaMizrach, Fast Days and Mourning, Fast of Esther 21
[Siddur Edot HaMizrach, Fast Days and Mourning, Fast of Esther 21](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/21)

**וַיַּעֲבֹ֨ר** יְהֹוָ֥ה ׀ עַל־פָּנָיו֮ וַיִּקְרָא֒ יְהֹוָ֣ה ׀ יְהֹוָ֔ה אֵ֥ל רַח֖וּם וְחַנּ֑וּן אֶ֥רֶךְ אַפַּ֖יִם וְרַב־חֶ֥סֶד וֶאֱמֶֽת׃ נֹצֵ֥ר‏ חֶ֙סֶד֙ לָאֲלָפִ֔ים נֹשֵׂ֥א עָוֺ֛ן וָפֶ֖שַׁע וְחַטָּאָ֑ה וְנַקֵּה֙׃


###### Siddur Edot HaMizrach, Fast Days and Mourning, Fast of Esther 22
[Siddur Edot HaMizrach, Fast Days and Mourning, Fast of Esther 22](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/22)

**וּכְשֶׁחָֽטְאוּ** יִשְׂרָאֵל בַּמִּדְבָּר, עָמַד מֹשֶׁה בִּתְפִלָּה לְפָנֶיךָ, וּבִקֵּשׁ רַחֲמִים עַל עַמְּךָ יִשְׂרָאֵל וְכָךְ אָמַר בִּתְפִלָּתוֹ: סְלַֽח־נָ֗א לַעֲוֺ֛ן הָעָ֥ם הַזֶּ֖ה כְּגֹ֣דֶל חַסְדֶּ֑ךָ וְכַאֲשֶׁ֤ר נָשָׂ֙אתָה֙ לָעָ֣ם הַזֶּ֔ה מִמִּצְרַ֖יִם וְעַד־הֵֽנָּה׃ אַף אַתָּה הֱשִׁיבוֹתָ לוֹ כְּדַרְכֵי טוּבְךָ בִּשַּׂרְתּוֹ וַחֲנַנְתּוֹ וְאָמַרְתָּ לוֹ: סָלַחְתִּי כִּדְבָרֶךָ:


###### Siddur Edot HaMizrach, Fast Days and Mourning, Fast of Esther 23
[Siddur Edot HaMizrach, Fast Days and Mourning, Fast of Esther 23](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/23)

**דָּנִיֵּאל** אִישׁ חֲמוּדוֹת אָמַר לְפָנֶיךָ: הַטֵּ֨ה אֱלֹהַ֥י ׀ אׇזְנְךָ֮ וּֽשְׁמָע֒ פקחה [פְּקַ֣ח] עֵינֶ֗יךָ וּרְאֵה֙ שֹֽׁמְמֹתֵ֔ינוּ וְהָעִ֕יר אֲשֶׁר־נִקְרָ֥א שִׁמְךָ֖ עָלֶ֑יהָ כִּ֣י ׀ לֹ֣א עַל־צִדְקֹתֵ֗ינוּ אֲנַ֨חְנוּ מַפִּילִ֤ים תַּחֲנוּנֵ֙ינוּ֙ לְפָנֶ֔יךָ כִּ֖י עַל־רַחֲמֶ֥יךָ הָרַבִּֽים׃ אֲדֹנָ֤י ׀ שְׁמָ֙עָה֙ אֲדֹנָ֣י ׀ סְלָ֔חָה אֲדֹנָ֛י הַֽקְשִׁ֥יבָה וַעֲשֵׂ֖ה אַל־תְּאַחַ֑ר לְמַֽעַנְךָ֣ אֱלֹהַ֔י כִּֽי־שִׁמְךָ֣ נִקְרָ֔א עַל־עִירְךָ֖ וְעַל־עַמֶּֽךָ׃ וְלִירוּשָׁלַיִם עִירָךְ אָמַרְתָּ לָהּ: הִנְנִי֙ נִשְׁפָּ֣ט אוֹתָ֔ךְ עַל־אׇמְרֵ֖ךְ לֹ֥א חָטָֽאתִי׃ אֲנַחְנוּ בּוֹשְׁנוּ בְּמַעֲשֵֽׂינוּ וְנִכְלַמְנוּ בַּעֲוֹנוֹתֵֽינוּ, אֵין לָנוּ פֶּה לְהָשִׁיב וְלֹא מֵצַח לְהָרִים רֹאשׁ:


###### Siddur Edot HaMizrach, Fast Days and Mourning, Fast of Esther 24
[Siddur Edot HaMizrach, Fast Days and Mourning, Fast of Esther 24](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/24)

על סדר א"ת ב"ש


###### Siddur Edot HaMizrach, Fast Days and Mourning, Fast of Esther 25
[Siddur Edot HaMizrach, Fast Days and Mourning, Fast of Esther 25](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/25)

**אֱלֹהֵינוּ** וֵאלֹהֵי אֲבוֹתֵינוּ אַל תַּעַשׂ עִמָּנוּ כָּלָה, תֹּאחֵז יָֽדְךָ בַּמִּשְׁפָּט. בְּבֹא תוֹכֵחָה נֶגְדֶּךָ, שְׁמֵנוּ מִסִּפְרְךָ אַל תֶּמַח. גִּשְׁתְּךָ לַחֲקֹר מוּסָר, רַחֲמֶיךָ יְקַדְּמוּ רָגְזֶךָ. דַּלּוּת מַעֲשִׂים בְּשׁוּרֶךָ, קָרֵב צֶדֶק מֵאֵלֶיךָ. הוֹרֵנוּ בְּזַעֲקֵנוּ לָךְ, צַו יְשׁוּעָתֵנוּ בְּמַפְגִּיעַ. וְתָשִׁיב שְׁבוּת אָהֳלֵי תָם, פְּתָחָיו רְאֵה כִּי שָׁמֵמוּ. זְכֹר נָאַמְתָּ, עֵדוּת לֹא תִשָּׁכַח מִפִּי זַרְעוֹ. חוֹתָם תְּעוּדָה תַּתִּיר, סוֹדְךָ שִׂים בְּלִמּוּדֶיךָ. טַבּוּר אַגַּן הַסַּהַר, נָא אַל יֶחְסַר הַמָּזֶג. יָהּ דַּע אֶת־יִשְׂרָאֵל אֲשֶׁר יְדָעוּךָ, מַגֵּר אֶת־הַגּוֹיִם אֲשֶׁר לֹא יְדָעוּךָ. כִּי תָשִׁיב לְבִצָּרוֹן, לְכוּדִים אֲסִירֵי הַתִּקְוָה:


###### Siddur Edot HaMizrach, Fast Days and Mourning, Fast of Esther 26
[Siddur Edot HaMizrach, Fast Days and Mourning, Fast of Esther 26](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/26)

**אָשַׁמְנוּ** מִכָּל־עָם, בֹּשְׁנוּ מִכָּל־גּוֹי. גָּלָה מִמֶּנּוּ מָשׂוֹשׂ, דָּוֶה לִבֵּנוּ בַּחֲטָאֵֽינוּ. הָחְבַּל אֶוְיֵֽינוּ, וְנִפְרָע פְּאֵרֵנוּ. זְבוּל מִקְדָּשֵׁנוּ, חָרֵב בַּעֲוֹנֵֽינוּ. טִירָתֵנוּ הָֽיְתָה לְשַׁמָּה, יְפִי אַדְמָתֵנוּ לְזָרִים, כֹּחֵנוּ לְנָכְרִים. לְעֵינֵינוּ עָֽשְׁקוּ עֲמָלֵנוּ, מְמֻשָּׁךְ וּמוֹרָט מִמֶּנּוּ. נָֽתְנוּ עֻלָּם עָלֵֽינוּ, סָבַלְנוּ עַל שִׁכְמֵנוּ. עֲבָדִים מָֽשְׁלוּ בָנוּ, פּוֹרֵק אֵין מִיָּדָם. צָרוֹת רַבּוֹת סְבָבוּנוּ, קְרָאנוּךָ יְהֹוָה אֱלֹהֵֽינוּ. רָחַקְתָּ מִמֶּנּוּ בַּעֲוֹנֵֽינוּ, שַׁבְנוּ מֵאַחֲרֶיךָ, תָּעִֽינוּ כַּצֹּאן וְאָבָֽדְנוּ. וַעֲדַיִן לֹא שַׁבְנוּ מִתְּעִיָּתֵנוּ, וְהֵיאַךְ נָעִיז פָּנֵֽינוּ, וְנַקְשֶׁה עָרְפֵּנוּ, לוֹמַר לְפָנֶיךָ יְהֹוָה אֱלֹהֵֽינוּ וֵאלֹהֵי אֲבוֹתֵֽינוּ צַדִּיקִים אֲנַחְנוּ וְלֹא־חָטָאנוּ:


###### Siddur Edot HaMizrach, Fast Days and Mourning, Fast of Esther 27
[Siddur Edot HaMizrach, Fast Days and Mourning, Fast of Esther 27](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/27)

**עֶזְרָא** הַסּוֹפֵר אָמַר לְפָנֶיךָ: אֱלֹהַי֙ בֹּ֣שְׁתִּי וְנִכְלַ֔מְתִּי לְהָרִ֧ים אֱלֹהַ֛י פָּנַ֖י אֵלֶ֑יךָ כִּ֣י עֲוֺנֹתֵ֤ינוּ רָבוּ֙ לְמַ֣עְלָה רֹּ֔אשׁ וְאַשְׁמָתֵ֥נוּ גָדְלָ֖ה עַ֥ד לַשָּׁמָֽיִם׃ וְאַתָּה אֱלוֹהַּ סְלִיחוֹת, חַנּוּן וְרַחוּם, אֶרֶךְ־אַפַּיִם וְרַב־חֶסֶד, וְלֹא עֲזַבְתָּם. אַל תַּעַזְבֵנוּ אָבִֽינוּ, אַל תִּטְּשֵׁנוּ מַלְכֵּנוּ, וְאַל תִּשְׁכָּחֵנוּ יוֹצְרֵנוּ, וְאַל תַּעַשׂ עִמָּנוּ כָלָה בְּגָלוּתֵנוּ, וְקַיֵּם לָנוּ יְהֹוָה אֱלֹהֵֽינוּ אֶת־הַדָּבָר שֶׁהִבְטַחְתָּנוּ, עַל יְדֵי יִרְמְיָה חוֹזָךְ, כָּאָמוּר: בַּיָּמִ֣ים הָהֵם֩ וּבָעֵ֨ת הַהִ֜יא נְאֻם־יְהֹוָ֗ה יְבֻקַּ֞שׁ אֶת־עֲוֺ֤ן יִשְׂרָאֵל֙ וְאֵינֶ֔נּוּ וְאֶת־חַטֹּ֥את יְהוּדָ֖ה וְלֹ֣א תִמָּצֶ֑אינָה כִּ֥י אֶסְלַ֖ח לַאֲשֶׁ֥ר אַשְׁאִֽיר׃ וְאַל יְעַכֵּב לְפָנֶיךָ כָּל־חֵטְא וְעוֹן אֶת תְּפִלָּתֵנוּ, וּמְחוֹל וּסְלַח לְכָל־עֲוֹנוֹתֵֽינוּ, כִּי אֵל טוֹב וְסַלָּח אָתָּה:


###### Siddur Edot HaMizrach, Fast Days and Mourning, Fast of Esther 28
[Siddur Edot HaMizrach, Fast Days and Mourning, Fast of Esther 28](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/28)

**מַה־נֹּאמַר** לְפָנֶיךָ יוֹשֵׁב מָרוֹם, וּמַה נְּסַפֵּר לְפָנֶיךָ שׁוֹכֵן שְׁחָקִים, הֲלֹא הַנִּסְתָּרוֹת וְהַנִּגְלוֹת אַתָּה יוֹדֵעַ, אַתָּה יוֹדֵעַ רָזֵי עוֹלָם, וְתַעֲלוּמוֹת סִתְרֵי כָל־חָי, אַתָּה חוֹפֵשׂ כָּל־חַדְרֵי בָטֶן, רֹאֶה כלָיוֹת וָלֵב. אֵין דָּבָר נֶעְלָם מִמָּךְ, וְאֵין נִסְתָּר מִנֶּגֶד עֵינֶיךָ:


###### Siddur Edot HaMizrach, Fast Days and Mourning, Fast of Esther 29
[Siddur Edot HaMizrach, Fast Days and Mourning, Fast of Esther 29](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/29)

**יְהִי** רָצוֹן מִלְּפָנֶיךָ יְהֹוָה אֱלֹהֵינוּ וֵאלֹהֵי אֲבוֹתֵינוּ, שֶׁתִּמְחֹל לָנוּ אֶת־כָּל־חַטֹּאתֵינוּ, וּתְכַפֵּר לָנוּ אֶת־כָּל־עֲוֹנוֹתֵינוּ, וְתִמְחֹל וְתִסְלַח לְכָל־פְּשָׁעֵינוּ, וְסָלַחְתָּ לַעֲוֹנֵנוּ וּלְחַטָּאתֵנוּ וּנְחַלְתָּנוּ: סְלַח לָנוּ אָבִינוּ כִּי חָטָאנוּ, מְחֹל לָנוּ מַלְכֵּנוּ כִּי פָשָֽׁעְנוּ: כִּי אַתָּה אֲדֹנָי, טוֹב וְסַלָּח, וְרַב־חֶסֶד לְכָל־קֹרְאֶיךָ: לְמַֽעַן־שִׁמְךָ֥ יְהֹוָ֑ה וְֽסָלַחְתָּ֥ לַ֝עֲוֺנִ֗י כִּ֣י רַב־הֽוּא׃ לְמַעַן־שִׁמְךָ֣ יְהֹוָ֣ה תְּחַיֵּ֑נִי בְּצִדְקָתְךָ֓ ׀ תּוֹצִ֖יא מִצָּרָ֣ה נַפְשִֽׁי׃ יְהֹוָ֣ה צְבָא֣וֹת עִמָּ֑נוּ מִשְׂגָּֽב־לָ֨נוּ אֱלֹהֵ֖י יַֽעֲקֹ֣ב סֶֽלָה׃ יְהֹוָ֥ה צְבָא֑וֹת אַֽשְׁרֵ֥י אָ֝דָ֗ם בֹּטֵ֥חַ בָּֽךְ׃ יְהֹוָ֥ה הוֹשִׁ֑יעָה הַ֝מֶּ֗לֶךְ יַעֲנֵ֥נוּ בְיוֹם־קׇרְאֵֽנוּ׃ הֲשִׁיבֵ֨נוּ יְהֹוָ֤ה ׀ אֵלֶ֙יךָ֙ ונשוב [וְֽנָשׁ֔וּבָה] חַדֵּ֥שׁ יָמֵ֖ינוּ כְּקֶֽדֶם׃


###### Siddur Edot HaMizrach, Fast Days and Mourning, Fast of Esther 30
[Siddur Edot HaMizrach, Fast Days and Mourning, Fast of Esther 30](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/30)

**וְה֤וּא** רַח֨וּם ׀ יְכַפֵּ֥ר עָוֺן֮ וְֽלֹא־יַֽ֫שְׁחִ֥ית וְ֭הִרְבָּה לְהָשִׁ֣יב אַפּ֑וֹ וְלֹא־יָ֝עִ֗יר כׇּל־חֲמָתֽוֹ׃ אַתָּ֤ה יְהֹוָ֗ה לֹֽא־תִכְלָ֣א רַחֲמֶ֣יךָ מִמֶּ֑נִּי חַסְדְּךָ֥ וַ֝אֲמִתְּךָ֗ תָּמִ֥יד יִצְּרֽוּנִי׃ הוֹשִׁיעֵ֨נוּ ׀ יְהֹ֘וָ֤ה אֱלֹהֵ֗ינוּ וְקַבְּצֵנוּ֮ מִֽן־הַגּ֫וֹיִ֥ם לְ֭הֹדוֹת לְשֵׁ֣ם קׇדְשֶׁ֑ךָ לְ֝הִשְׁתַּבֵּ֗חַ בִּתְהִלָּתֶֽךָ: אִם־עֲוֺנ֥וֹת תִּשְׁמׇר־יָ֑הּ אֲ֝דֹנָ֗י מִ֣י יַעֲמֹֽד׃ כִּֽי־עִמְּךָ֥ הַסְּלִיחָ֑ה לְ֝מַ֗עַן תִּוָּרֵֽא׃ לֹ֣א כַ֭חֲטָאֵינוּ עָ֣שָׂה לָ֑נוּ וְלֹ֥א כַ֝עֲוֺנֹתֵ֗ינוּ גָּמַ֥ל עָלֵֽינוּ׃ אִם־עֲוֺנֵ֙ינוּ֙ עָ֣נוּ בָ֔נוּ יְהֹוָ֕ה עֲשֵׂ֖ה לְמַ֣עַן שְׁמֶ֑ךָ׃ זְכֹר־רַחֲמֶ֣יךָ יְ֭הֹוָה וַחֲסָדֶ֑יךָ כִּ֖י מֵעוֹלָ֣ם הֵֽמָּה׃ יַֽעַנְךָ֣ יְ֭הֹוָה בְּי֣וֹם צָרָ֑ה יְ֝שַׂגֶּבְךָ֗ שֵׁ֤ם ׀ אֱלֹהֵ֬י יַעֲקֹֽב׃ יְהֹוָ֥ה הוֹשִׁ֑יעָה הַ֝מֶּ֗לֶךְ יַעֲנֵ֥נוּ בְיוֹם־קׇרְאֵֽנוּ: אָבִינוּ מַלְכֵּנוּ, חָנֵּנוּ וַעֲנֵנוּ כִּי אֵין בָּנוּ מַעֲשִׂים. עֲשֵׂה עִמָּנוּ צְדָקָה כְּרֹב רַחֲמֶיךָ, וְהוֹשִׁיעֵנוּ לְמַעַן שְׁמֶךָ:


###### Siddur Edot HaMizrach, Fast Days and Mourning, Fast of Esther 31
[Siddur Edot HaMizrach, Fast Days and Mourning, Fast of Esther 31](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/31)

**וְעַתָּ֣ה ׀** (דניאל ט טו) אֲדֹנָ֣י אֱלֹהֵ֗ינוּ אֲשֶׁר֩ הוֹצֵ֨אתָ אֶֽת־עַמְּךָ֜ מֵאֶ֤רֶץ מִצְרַ֙יִם֙ בְּיָ֣ד חֲזָקָ֔ה וַתַּֽעַשׂ־לְךָ֥ שֵׁ֖ם כַּיּ֣וֹם הַזֶּ֑ה חָטָ֖אנוּ רָשָֽׁעְנוּ׃ אֲדֹנָ֗י כְּכׇל־צִדְקֹתֶ֙ךָ֙ יָֽשׇׁב־נָ֤א אַפְּךָ֙ וַחֲמָ֣תְךָ֔ מֵעִֽירְךָ֥ יְרוּשָׁלַ֖‍ִם הַר־קׇדְשֶׁ֑ךָ כִּ֤י בַחֲטָאֵ֙ינוּ֙ וּבַעֲוֺנ֣וֹת אֲבֹתֵ֔ינוּ יְרוּשָׁלַ֧‍ִם וְעַמְּךָ֛ לְחֶרְפָּ֖ה לְכָל־סְבִיבֹתֵֽינוּ׃ וְעַתָּ֣ה ׀ שְׁמַ֣ע אֱלֹהֵ֗ינוּ אֶל־תְּפִלַּ֤ת עַבְדְּךָ֙ וְאֶל־תַּ֣חֲנוּנָ֔יו וְהָאֵ֣ר פָּנֶ֔יךָ עַל־מִקְדָּשְׁךָ֖ הַשָּׁמֵ֑ם לְמַ֖עַן אֲדֹנָֽי׃ הַטֵּ֨ה אֱלֹהַ֥י ׀ אׇזְנְךָ֮ וּֽשְׁמָע֒ פקחה [פְּקַ֣ח] עֵינֶ֗יךָ וּרְאֵה֙ שֹֽׁמְמֹתֵ֔ינוּ וְהָעִ֕יר אֲשֶׁר־נִקְרָ֥א שִׁמְךָ֖ עָלֶ֑יהָ כִּ֣י ׀ לֹ֣א עַל־צִדְקֹתֵ֗ינוּ אֲנַ֨חְנוּ מַפִּילִ֤ים תַּחֲנוּנֵ֙ינוּ֙ לְפָנֶ֔יךָ כִּ֖י עַל־רַחֲמֶ֥יךָ הָרַבִּֽים׃ אֲדֹנָ֤י ׀ שְׁמָ֙עָה֙ אֲדֹנָ֣י ׀ סְלָ֔חָה אֲדֹנָ֛י הַֽקְשִׁ֥יבָה וַעֲשֵׂ֖ה אַל־תְּאַחַ֑ר לְמַֽעַנְךָ֣ אֱלֹהַ֔י כִּֽי־שִׁמְךָ֣ נִקְרָ֔א עַל־עִירְךָ֖ וְעַל־עַמֶּֽךָ׃ אָבִינוּ אָב הָרַחֲמָן, הַרְאֵנוּ אוֹת לְטוֹבָה וְקַבֵּץ נְפוּצוֹתֵינוּ מֵאַרְבַּע כַּנְפוֹת הָאָרֶץ. יַכִּירוּ וְיֵדְעוּ כָּל הַגּוֹיִם כִּי אַתָּה יְהֹוָה אָבִינוּ אָתָּה. אֲנַחְנוּ הַחֹמֶר וְאַתָּה יֹצְרֵנוּ וּמַעֲשֵׂה יָדְךָ כֻּלָּנוּ: אָבִינוּ מַלְכֵּנוּ, צוּרֵנוּ וְגוֹאֲלֵנוּ, ח֧וּסָה יְהֹוָ֣ה עַל־עַמֶּ֗ךָ וְאַל־תִּתֵּ֨ן נַחֲלָתְךָ֤ לְחֶרְפָּה֙ לִמְשׇׁל־בָּ֣ם גּוֹיִ֔ם לָ֚מָּה יֹאמְר֣וּ בָעַמִּ֔ים אַיֵּ֖ה אֱלֹהֵיהֶֽם׃ יָדַעְנוּ יְהֹוָה כִּי חָטָאנוּ. וְאֵין מִי יַעֲמוֹד בַּעֲדֵנוּ אֶלָּא שִׁמְךָ הַגָּדוֹל יַעֲמוֹד לָנוּ בְּעֵת צָרָה. וּכְרַחֵם אָב עַל בָּנִים רַחֵם עָלֵינוּ. חֲמֹל עַל עַמָּךְ וְרַחֵם עַל נַחֲלָתָךְ. חוּסָה נָּא כְּרֹב רַחֲמֶיךָ חָנֵּנוּ מַלְכֵּנוּ וַעֲנֵנוּ. לְךָ יְהֹוָה הַצְּדָקָה עוֹשֵׂה נִפְלָאוֹת בְּכָל עֵת וָעֵת. הַבֵּט נָא וְהוֹשִׁיעָה נָּא צֹאן מַרְעִיתֶךָ. אַל יִמְשָׁל בָּנוּ קֶצֶף כִּי לְךָ יְהֹוָה הַיְשׁוּעָה בְּךָ תוֹחַלְתֵּנוּ. אֱלוֹהַּ סְלִיחוֹת אָנָּא סְלַח נָא. כִּי אֵל טוֹב וְסַלָּח אָתָּה:


###### Siddur Edot HaMizrach, Fast Days and Mourning, Fast of Esther 32
[Siddur Edot HaMizrach, Fast Days and Mourning, Fast of Esther 32](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/32)

**אָנָּא** מֶלֶךְ רַחוּם וְחַנּוּן, זְכוֹר וְהַבֵּט לִבְרִית בֵּין הַבְּתָרִים. וְתֵרָאֶה לְפָנֶיךָ עֲקֵדַת יָחִיד. וּלְמַעַן יִשְׂרָאֵל אָבִינוּ. אַל תַּעַזְבֵנוּ אָבִינוּ. וְאַל תִּטְּשֵׁנוּ מַלְכֵּנוּ וְאַל תִּשְׁכָּחֵנוּ יוֹצְרֵנוּ. וְאַל תַּעַשׂ עִמָּנוּ כָלָה בְּגָלוּתֵינוּ. כִּי אֵל מֶלֶךְ חַנּוּן וְרַחוּם אָתָּה:


###### Siddur Edot HaMizrach, Fast Days and Mourning, Fast of Esther 33
[Siddur Edot HaMizrach, Fast Days and Mourning, Fast of Esther 33](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/33)

**אֵין כָּמוֹךָ** חַנּוּן וְרַחוּם אֱלֹהֵינוּ. אֵין כָּמוֹךָ אֵל אֶרֶךְ אַפַּיִם וְרַב חֶסֶד וֶאֱמֶת. הוֹשִׁיעֵנוּ וְרַחֲמֵנוּ מֵרַעַשׁ וּמֵרֹגֶז הַצִּילֵנוּ: זְכֹר֙ לַעֲבָדֶ֔יךָ לְאַבְרָהָ֥ם לְיִצְחָ֖ק וּֽלְיַעֲקֹ֑ב אַל־תֵּ֗פֶן אֶל־קְשִׁי֙ הָעָ֣ם הַזֶּ֔ה וְאֶל־רִשְׁע֖וֹ וְאֶל־חַטָּאתֽוֹ׃ שׁ֚וּב מֵחֲר֣וֹן אַפֶּ֔ךָ וְהִנָּחֵ֥ם עַל־הָרָעָ֖ה לְעַמֶּֽךָ׃ וְהָסֵר מִמֶּנּוּ מַכַּת הַמָּוֶת כִּי רַחוּם אָתָּה. כִּי כֵן דַּרְכְּךָ לַעֲשׂוֹת חֶסֶד חִנָּם בְּכָל דּוֹר וָדוֹר: אָנָּ֣א יְ֭הֹוָה הוֹשִׁ֘יעָ֥ה נָּ֑א אָנָּ֥א יְ֝הֹוָ֗ה הַצְלִ֘יחָ֥ה נָֽא׃ אָנָּא יְהֹוָה עֲנֵנוּ בְיוֹם קָרְאֵנוּ: לְךָ יְהֹוָה קִוִּינוּ. לְךָ יְהֹוָה חִכִּינוּ. לְךָ יְהֹוָה נְיַחֵל אַל תֶּחֱשֶׁה וּתְעַנֵּנוּ. כִּי נָאֲמוּ גוֹיִם אָבְדָה תִקְוָתָם. כָּל בֶּרֶךְ לְךָ תִכְרַע וְכָל קוֹמָה לְפָנֶיךָ תִשְׁתַּחֲוֶה:


###### Siddur Edot HaMizrach, Fast Days and Mourning, Fast of Esther 34
[Siddur Edot HaMizrach, Fast Days and Mourning, Fast of Esther 34](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/34)

**הַפּוֹתֵחַ** יָד בִּתְשׁוּבָה לְקַבֵּל פּוֹשְׁעִים וְחַטָּאִים. נִבְהֲלָה נַפְשֵׁנוּ מֵרוֹב עִצְּבוֹנֵנוּ. אַל תִּשְׁכָּחֵנוּ נֶצַח קוּמָה וְהוֹשִׁיעֵנוּ. אַל תִּשְׁפּוֹךְ חֲרוֹנְךָ עָלֵינוּ כִּי עַמְּךָ אֲנַחְנוּ בְּנֵי בְרִיתֶךָ. אֵל הַבִּיטָה. דַּל כְּבוֹדֵנוּ בַגּוֹיִם וְשִׁקְּצוּנוּ כְּטֻמְאַת הַנִּדָּה. עַד מָתַי עֻזְּךָ בַּשְּׁבִי וְתִפְאַרְתְּךָ בְּיַד צָר. הֵמָּה יִרְאוּ וְיֵבשׁוּ וְיֵחַתּוּ מִגְּבוּרָתָם. עוֹרְרָה גְבוּרָתְךָ וְהוֹשִׁיעֵנוּ לְמַעַן שְׁמֶךָ. אַל יִמְעֲטוּ לְפָנֶיךָ תְּלָאוֹתֵינוּ מַהֵר יְקַדְּמוּנוּ רַחֲמֶיךָ בְּעֵת צָרוֹתֵנוּ. לֹא לְמַעֲנֵנוּ אֶלָּא לְמַעֲנָךְ פְּעֹל וְאַל תַּשְׁחֵת אֶת זֵכֶר שְׁאֵרִיתֵנוּ. כִּי לְךָ מְיַחֲלוֹת עֵינֵינוּ כִּי אֵל מֶלֶךְ חַנּוּן וְרַחוּם אָתָּה. וּזְכוֹר עֵדוּתֵינוּ בְּכָל יוֹם תָּמִיד אוֹמְרִים פַּעֲמַיִם בְּאַהֲבָה: שְׁמַ֖ע יִשְׂרָאֵ֑ל יְהֹוָ֥ה אֱלֹהֵ֖ינוּ יְהֹוָ֥ה ׀ אֶחָֽד׃


###### Siddur Edot HaMizrach, Fast Days and Mourning, Fast of Esther 35
[Siddur Edot HaMizrach, Fast Days and Mourning, Fast of Esther 35](https://torahapp.org/share/book/Siddur%20Edot%20HaMizrach/s/Fast%20Days%20and%20Mourning,_Fast%20of%20Esther/r/35)

ואומר הש"ץ חצי קדיש, ומוציאים ס"ת וקוראים ג' עולים בפרשת ויחל, וגומרים התפלה כבכל יום, ואחר הושיענו אומרים שיר מזמור לאסף, אלהים אל דמי לך לעיל בתפלת שחרית.