## Tafsir Rasag, Genesis ###### Tafsir Rasag, Genesis 18:1 [Tafsir Rasag, Genesis 18:1](https://torahapp.org/share/book/Tafsir%20Rasag/s/Genesis/r/18:1) ותג̇לי לה אללה פי מרג̇ ממרא והו ג̇אלס פי באב אלכ̇בא ענד חמא אלנהאר ###### Tafsir Rasag, Genesis 18:2 [Tafsir Rasag, Genesis 18:2](https://torahapp.org/share/book/Tafsir%20Rasag/s/Genesis/r/18:2) ורפע עיניה פנט̇ר פאד̇א בת̇לת̇ה נפר וקוף אמאמה פלמא ראהם חאצ̇ר תלקאהם מן באב אלכ̇בא וסג̇ד אלי אלארץ̇ ###### Tafsir Rasag, Genesis 18:3 [Tafsir Rasag, Genesis 18:3](https://torahapp.org/share/book/Tafsir%20Rasag/s/Genesis/r/18:3) וקאל ברגבה יא ולי אללה אן וג̇דת חט̇אא ענדך פלא תג̇ז ען עבדך ###### Tafsir Rasag, Genesis 18:4 [Tafsir Rasag, Genesis 18:4](https://torahapp.org/share/book/Tafsir%20Rasag/s/Genesis/r/18:4) יקדם לכם קליל מן מא ואגסלו ארג̇לכם ואסתנדו תחת אלשג̇רה ###### Tafsir Rasag, Genesis 18:5 [Tafsir Rasag, Genesis 18:5](https://torahapp.org/share/book/Tafsir%20Rasag/s/Genesis/r/18:5) ואקדם כסרה מן כ̇בז ואסנדו קלובכם בעד ד̇לך תמצ̇ון פאנכם עלי ד̇לך עברתם ען עבדכם קאלו כד̇לך אצנע כמא קלת ###### Tafsir Rasag, Genesis 18:6 [Tafsir Rasag, Genesis 18:6](https://torahapp.org/share/book/Tafsir%20Rasag/s/Genesis/r/18:6) פסרע אברהים אלי אלכ̇בא אלי סארה פקאל אסרעי בת̇לת̇ אצוע מן דקיק אלסמיד אעג̇ניה ואצנעיה מלילא ###### Tafsir Rasag, Genesis 18:7 [Tafsir Rasag, Genesis 18:7](https://torahapp.org/share/book/Tafsir%20Rasag/s/Genesis/r/18:7) ואלי אלבקר חאצ̇ר אברהים פאכ̇ד̇ עג̇לא מן אלבקר רכ̇צא וטיבא ודפעה אלי אלגלאם ואסתעג̇לה באצלאחה ###### Tafsir Rasag, Genesis 18:8 [Tafsir Rasag, Genesis 18:8](https://torahapp.org/share/book/Tafsir%20Rasag/s/Genesis/r/18:8) ת̇ם אכ̇ד̇ סמנא ולבנא ואלעג̇ל אלד̇י אצלחה וג̇על בין אידיהם והו ואקף אמאמהם תחת אלשג̇ר פאכלו ###### Tafsir Rasag, Genesis 18:9 [Tafsir Rasag, Genesis 18:9](https://torahapp.org/share/book/Tafsir%20Rasag/s/Genesis/r/18:9) ת̇ם קאלו לה אין סארה זוג̇תך קאל הוד̇א הי פי אלכ̇בא ###### Tafsir Rasag, Genesis 18:10 [Tafsir Rasag, Genesis 18:10](https://torahapp.org/share/book/Tafsir%20Rasag/s/Genesis/r/18:10) קאל סארג̇ע אליך פי מת̇ל הד̇א אלוקת מן קאבל והוד̇א אבן לסארה זוג̇תך וסארה תסמע ענד באב אלכ̇בא והוא וראה ###### Tafsir Rasag, Genesis 18:11 [Tafsir Rasag, Genesis 18:11](https://torahapp.org/share/book/Tafsir%20Rasag/s/Genesis/r/18:11) ואברהים וסארה שאכ̇א וטענא פי אלסן ואנתהי אן יכון לסארה סביל כאלנסא ###### Tafsir Rasag, Genesis 18:12 [Tafsir Rasag, Genesis 18:12](https://torahapp.org/share/book/Tafsir%20Rasag/s/Genesis/r/18:12) פצ̇חכת סארה פי נפסהא קאילה בעד מא בלית יכון לי זי וסידי שיך̇ ###### Tafsir Rasag, Genesis 18:13 [Tafsir Rasag, Genesis 18:13](https://torahapp.org/share/book/Tafsir%20Rasag/s/Genesis/r/18:13) פקאל אללה לאברהים לם צ̇חכת סארה קאילה איקינא אלד וקד שכ̇ת ###### Tafsir Rasag, Genesis 18:14 [Tafsir Rasag, Genesis 18:14](https://torahapp.org/share/book/Tafsir%20Rasag/s/Genesis/r/18:14) הל יכ̇פי ענד אללה שי סארג̇ע אליך פי מת̇ל הד̇א אלוקת מן קאבל ולסארה אבן ###### Tafsir Rasag, Genesis 18:15 [Tafsir Rasag, Genesis 18:15](https://torahapp.org/share/book/Tafsir%20Rasag/s/Genesis/r/18:15) פג̇חדת סארה פי נפסהא קאילה לם אצ̇חך אד̇ כ̇אפת פקאל לא בל קד צ̇חכת ###### Tafsir Rasag, Genesis 18:16 [Tafsir Rasag, Genesis 18:16](https://torahapp.org/share/book/Tafsir%20Rasag/s/Genesis/r/18:16) ת̇ם קאם אלקום מן ת̇ם ואשרפו קבאלה סדום ואברהים מעהם לישיעהם ###### Tafsir Rasag, Genesis 18:17 [Tafsir Rasag, Genesis 18:17](https://torahapp.org/share/book/Tafsir%20Rasag/s/Genesis/r/18:17) פקאל אללה הל אכ̇פי אנא ען אברהים מא אנא צאנעה ###### Tafsir Rasag, Genesis 18:18 [Tafsir Rasag, Genesis 18:18](https://torahapp.org/share/book/Tafsir%20Rasag/s/Genesis/r/18:18) ואברהים סיכון מנה אמה כבירה עט̇ימה ויתבארך בה ג̇מיע אמם אלארץ̇ ###### Tafsir Rasag, Genesis 18:19 [Tafsir Rasag, Genesis 18:19](https://torahapp.org/share/book/Tafsir%20Rasag/s/Genesis/r/18:19) ואנא אעלם באנה סיאמר בניה ואלה בעדה ויחפט̇ון טריק אללה ליעמלו באלעדל ואלחכם בסבב אן יופי אללה לאברהים במא ועדה ###### Tafsir Rasag, Genesis 18:20 [Tafsir Rasag, Genesis 18:20](https://torahapp.org/share/book/Tafsir%20Rasag/s/Genesis/r/18:20) פקאל אללה צראך̇ סדום ועמורה קד כת̇ר וכ̇טיתהם קד עט̇מת ג̇דא ###### Tafsir Rasag, Genesis 18:21 [Tafsir Rasag, Genesis 18:21](https://torahapp.org/share/book/Tafsir%20Rasag/s/Genesis/r/18:21) אורד אלאן אמרא מוג̇לא ואנט̇רו אכצראכ̇הם אלואצל אלי צנע ג̇מלתהם אם לא ###### Tafsir Rasag, Genesis 18:22 [Tafsir Rasag, Genesis 18:22](https://torahapp.org/share/book/Tafsir%20Rasag/s/Genesis/r/18:22) ת̇ם ולי מן ת̇ם אלקום ומצ̇ו אלי סדום ואברהים עאדה ואקף בין ידי אללה ###### Tafsir Rasag, Genesis 18:23 [Tafsir Rasag, Genesis 18:23](https://torahapp.org/share/book/Tafsir%20Rasag/s/Genesis/r/18:23) פתקדם אברהים וקאל איקינא תסיף אלצאלח מע אלטאלח ###### Tafsir Rasag, Genesis 18:24 [Tafsir Rasag, Genesis 18:24](https://torahapp.org/share/book/Tafsir%20Rasag/s/Genesis/r/18:24) לעל יוג̇ד כ̇מסון צאלחא פי אלקריה איקינא תסיפהם ולא תצפח ענהם בסבב אלכ̇מסין צאלחא אלד̇ין פי מא בינהם ###### Tafsir Rasag, Genesis 18:25 [Tafsir Rasag, Genesis 18:25](https://torahapp.org/share/book/Tafsir%20Rasag/s/Genesis/r/18:25) ואנת מעאד̇ מן אן תצנע מת̇ל הד̇א אלאמר אן תסיף אלצאלח מע אלטאלח פיכון אלצאלח כאלטאלח אנת מעאד̇ אחאכם ג̇מיע אלעאלם לא יעמל באלחכם ###### Tafsir Rasag, Genesis 18:26 [Tafsir Rasag, Genesis 18:26](https://torahapp.org/share/book/Tafsir%20Rasag/s/Genesis/r/18:26) פקאל אללה אן וג̇דת פי סדם כ̇מסין צאלחא פי מא בינהם צפחת ען ג̇מיע אהל אלמוצ̇ע בסבבהם ###### Tafsir Rasag, Genesis 18:27 [Tafsir Rasag, Genesis 18:27](https://torahapp.org/share/book/Tafsir%20Rasag/s/Genesis/r/18:27) פאג̇אבה אברהים פקאל הוד̇א קד אמענת פי אלכלאם בין ידי אללה ואנא תראב או רמאד ###### Tafsir Rasag, Genesis 18:28 [Tafsir Rasag, Genesis 18:28](https://torahapp.org/share/book/Tafsir%20Rasag/s/Genesis/r/18:28) לעל ינקצון מן אלכ̇מסין צאלחא כ̇מסה אתהלך בסבב אלכ̇מסה ג̇מיע אלבלד קאל לא אהלכהם אן וג̇דת כ̇מסה וארבעין ###### Tafsir Rasag, Genesis 18:29 [Tafsir Rasag, Genesis 18:29](https://torahapp.org/share/book/Tafsir%20Rasag/s/Genesis/r/18:29) ועאוד איצ̇א בכלמה פקאל לעל יוג̇ד ת̇ם ארבעון קאל לא אצנע שיא בסבב אלארבעין ###### Tafsir Rasag, Genesis 18:30 [Tafsir Rasag, Genesis 18:30](https://torahapp.org/share/book/Tafsir%20Rasag/s/Genesis/r/18:30) קאל לא יצעב בין ידי אללה אן אתכלם לעל יוג̇ד ת̇ם ת̇לת̇ון קאל לא אצנע שיא אן וג̇דת ת̇ם ת̇לת̇ין ###### Tafsir Rasag, Genesis 18:31 [Tafsir Rasag, Genesis 18:31](https://torahapp.org/share/book/Tafsir%20Rasag/s/Genesis/r/18:31) קאל הוד̇א קד אמענת פי אלכלאם בין ידי אללה לעל יוג̇ד ת̇ם עשרון קאל לא אהלכהם בסבב אלעשרין ###### Tafsir Rasag, Genesis 18:32 [Tafsir Rasag, Genesis 18:32](https://torahapp.org/share/book/Tafsir%20Rasag/s/Genesis/r/18:32) קאל לא יצעב בין ידי אללה חתי אתכלם הד̇ה אלמרה פקט לעל יוג̇ד ת̇ם עשרה קאל לא אהלכהם בסבב אלעשרה ###### Tafsir Rasag, Genesis 18:33 [Tafsir Rasag, Genesis 18:33](https://torahapp.org/share/book/Tafsir%20Rasag/s/Genesis/r/18:33) וארתפע נור אללה כמא פרג מן סכ̇אטבה אברהים ואברהים רג̇ע אלי מוצ̇עה