## Tafsir Rasag, Genesis ###### Tafsir Rasag, Genesis 44:1 [Tafsir Rasag, Genesis 44:1](https://torahapp.org/share/book/Tafsir%20Rasag/s/Genesis/r/44:1) ת̇ם אמר יוסף וכילה וקאל לה אמלא אועיה אלקום טעאמא כמא יטיקון חמלה וציר פצ̇ה כל רג̇ל פי ועאיה ###### Tafsir Rasag, Genesis 44:2 [Tafsir Rasag, Genesis 44:2](https://torahapp.org/share/book/Tafsir%20Rasag/s/Genesis/r/44:2) וג̇אמי ג̇אם אלפצ̇ה ציר פי פם ועא אלאצגר מע פצ̇ה מירתה פצנע כמא קאל לה יוסף ###### Tafsir Rasag, Genesis 44:3 [Tafsir Rasag, Genesis 44:3](https://torahapp.org/share/book/Tafsir%20Rasag/s/Genesis/r/44:3) פלמא אצ̇א אלצבח אטלק אלקום הם וחמירהם ###### Tafsir Rasag, Genesis 44:4 [Tafsir Rasag, Genesis 44:4](https://torahapp.org/share/book/Tafsir%20Rasag/s/Genesis/r/44:4) פהם קד כ̇רג̇ו מן אלקריה ולם יבעדו אד̇ קאל יוסף לוכילה קם פאכלבהם פאד̇א לחקתהם קל להם לם כאפיתם שרא בדל כ̇יר ###### Tafsir Rasag, Genesis 44:5 [Tafsir Rasag, Genesis 44:5](https://torahapp.org/share/book/Tafsir%20Rasag/s/Genesis/r/44:5) אליס הד̇א אלד̇י ישרב פיה מולאי והו אנמא אמתחנכם בה אסיתם פימא צנעתם ###### Tafsir Rasag, Genesis 44:6 [Tafsir Rasag, Genesis 44:6](https://torahapp.org/share/book/Tafsir%20Rasag/s/Genesis/r/44:6) פלחקהם וכלמהם בד̇לך ###### Tafsir Rasag, Genesis 44:7 [Tafsir Rasag, Genesis 44:7](https://torahapp.org/share/book/Tafsir%20Rasag/s/Genesis/r/44:7) פקאלו לה לא יקל סידי הד̇א אלכלאם עבידך מעאד̇ון מן אן יצנעו מת̇ל הד̇א אלאמר ###### Tafsir Rasag, Genesis 44:8 [Tafsir Rasag, Genesis 44:8](https://torahapp.org/share/book/Tafsir%20Rasag/s/Genesis/r/44:8) הוד̇א פצ̇ה וג̇דנאהא פי פואה אועיתנא רדדנאהא עליך מן בלד כנעאן פכיף נסרק מן בית מולאך פצ̇ה או ד̇הבא ###### Tafsir Rasag, Genesis 44:9 [Tafsir Rasag, Genesis 44:9](https://torahapp.org/share/book/Tafsir%20Rasag/s/Genesis/r/44:9) ומן מוג̇ד מעה מן עבידך פליקתל ונחן איצ̇א נכון לסידי עבידא ###### Tafsir Rasag, Genesis 44:10 [Tafsir Rasag, Genesis 44:10](https://torahapp.org/share/book/Tafsir%20Rasag/s/Genesis/r/44:10) קאל אלאן כמא קלתם כד̇אך הו מן וג̇ד מעה כאן לי עבדא ואנתם תכונון אבריא ###### Tafsir Rasag, Genesis 44:11 [Tafsir Rasag, Genesis 44:11](https://torahapp.org/share/book/Tafsir%20Rasag/s/Genesis/r/44:11) פאסרעו וחט כל רג̇ל ועאה עלי אלארץ̇ ופתח כל רג̇ל ועאה ###### Tafsir Rasag, Genesis 44:12 [Tafsir Rasag, Genesis 44:12](https://torahapp.org/share/book/Tafsir%20Rasag/s/Genesis/r/44:12) פפתש בדא באלאכבר ואנתהי אלי אלאצגר פוג̇ד אלג̇אם פי ועא בנימן ###### Tafsir Rasag, Genesis 44:13 [Tafsir Rasag, Genesis 44:13](https://torahapp.org/share/book/Tafsir%20Rasag/s/Genesis/r/44:13) פכ̇רקו ת̇יאבהם ושאל כל רג̇ל עלי חמארה ורג̇עו אלי אלקריה ###### Tafsir Rasag, Genesis 44:14 [Tafsir Rasag, Genesis 44:14](https://torahapp.org/share/book/Tafsir%20Rasag/s/Genesis/r/44:14) פדכ̇ל יהודה ואכ̇ותה אלי בית יוסף ועאדה ת̇ם פוקעו בין ידיה עלי אלארץ̇ ###### Tafsir Rasag, Genesis 44:15 [Tafsir Rasag, Genesis 44:15](https://torahapp.org/share/book/Tafsir%20Rasag/s/Genesis/r/44:15) קאל יוסף מא הד̇א אלצנע אלד̇י צנעתם אמא עלמתם אנה ימתחן רג̇ל מת̇לי ###### Tafsir Rasag, Genesis 44:16 [Tafsir Rasag, Genesis 44:16](https://torahapp.org/share/book/Tafsir%20Rasag/s/Genesis/r/44:16) קאל יהודה מא נקול לסידי ומא נתכלם ובמא נחתג̇ אללה אוקע עבידך בד̇נבהם הא נחן עביד לסידי נחן ומן וג̇ד אלג̇אם פי ידה ###### Tafsir Rasag, Genesis 44:17 [Tafsir Rasag, Genesis 44:17](https://torahapp.org/share/book/Tafsir%20Rasag/s/Genesis/r/44:17) קאל אנא מעאד̇ מן אן אצנע הד̇א אלרג̇ל אלד̇י וג̇ד אלג̇אם פי ידה הו יכון לי עבדא ואנתם אצעדו בסלאם אלי אביכם ###### Tafsir Rasag, Genesis 44:18 [Tafsir Rasag, Genesis 44:18](https://torahapp.org/share/book/Tafsir%20Rasag/s/Genesis/r/44:18) פתקדם אליה יהודה וקאל יא סידי יתכלם עבדך בחצ̇רה מולאי ולא ישתד גצ̇בך עלי עבדך פאנך מת̇ל פרעון ###### Tafsir Rasag, Genesis 44:19 [Tafsir Rasag, Genesis 44:19](https://torahapp.org/share/book/Tafsir%20Rasag/s/Genesis/r/44:19) כאן סידנא סאל עבידה קאילא הל מוג̇וד לכם אב או אך̇ ###### Tafsir Rasag, Genesis 44:20 [Tafsir Rasag, Genesis 44:20](https://torahapp.org/share/book/Tafsir%20Rasag/s/Genesis/r/44:20) פקלנא לה מוג̇וד לנא אב שיך̇ ואבן שיכ̇וכ̇ה צגיר ואכ̇וה קד מאת פבקי הו וחדה לאמה ואבוה יחבה ###### Tafsir Rasag, Genesis 44:21 [Tafsir Rasag, Genesis 44:21](https://torahapp.org/share/book/Tafsir%20Rasag/s/Genesis/r/44:21) פקלת לעבידך אחדרוה אלי אג̇על ענאיתי בה ###### Tafsir Rasag, Genesis 44:22 [Tafsir Rasag, Genesis 44:22](https://torahapp.org/share/book/Tafsir%20Rasag/s/Genesis/r/44:22) פקלנא לסידנא לא יטיק אלגלאם אן יתרך אבאה פאן הו תרכה מאת ###### Tafsir Rasag, Genesis 44:23 [Tafsir Rasag, Genesis 44:23](https://torahapp.org/share/book/Tafsir%20Rasag/s/Genesis/r/44:23) וקלת לעבידך אן לם יחדר אכ̇וכם אלאצגר מעכם פלא תעאודו אן תרו וג̇הי ###### Tafsir Rasag, Genesis 44:24 [Tafsir Rasag, Genesis 44:24](https://torahapp.org/share/book/Tafsir%20Rasag/s/Genesis/r/44:24) פלמא צעדנא אלי עבדך אבינא אכ̇ברנאה בכלאם סידנא ###### Tafsir Rasag, Genesis 44:25 [Tafsir Rasag, Genesis 44:25](https://torahapp.org/share/book/Tafsir%20Rasag/s/Genesis/r/44:25) ולמא קאל אבונא ארג̇עו אשתרו לנא קלילא מן אלטעאם ###### Tafsir Rasag, Genesis 44:26 [Tafsir Rasag, Genesis 44:26](https://torahapp.org/share/book/Tafsir%20Rasag/s/Genesis/r/44:26) קלנא לא נטיק אן ננחדר אן כאן אכ̇ונא אלצגיר מענא אנחדרנא לאנא לא נטיק נרא וג̇ה אלרג̇ל ואכ̇ונא אלצגיר ליס הו מענא ###### Tafsir Rasag, Genesis 44:27 [Tafsir Rasag, Genesis 44:27](https://torahapp.org/share/book/Tafsir%20Rasag/s/Genesis/r/44:27) פקאל עבדך אבונא לנא אנתם תעלמון אן את̇נין ולדת לי זוג̇תי ###### Tafsir Rasag, Genesis 44:28 [Tafsir Rasag, Genesis 44:28](https://torahapp.org/share/book/Tafsir%20Rasag/s/Genesis/r/44:28) פכ̇רג̇ אחדהמא מן ענדי וקלת לעלה קד אפתרס ולם ארה אלי אלאן ###### Tafsir Rasag, Genesis 44:29 [Tafsir Rasag, Genesis 44:29](https://torahapp.org/share/book/Tafsir%20Rasag/s/Genesis/r/44:29) פאן אכ̇ד̇תם הד̇א איצ̇א מן ענדי וואפתה אלמניה אנזלתם שיבתי בחסרה אלי אלת̇רא ###### Tafsir Rasag, Genesis 44:30 [Tafsir Rasag, Genesis 44:30](https://torahapp.org/share/book/Tafsir%20Rasag/s/Genesis/r/44:30) ואלאן אן צרת אלי עבדך אבי ואלגלאם ליס הו מענא ונפסה מעקודה בנפסה ###### Tafsir Rasag, Genesis 44:31 [Tafsir Rasag, Genesis 44:31](https://torahapp.org/share/book/Tafsir%20Rasag/s/Genesis/r/44:31) פכמא ירי אנה ליס מענא ימות ויכונו עבידך קד אנזלו שיבה עבדך אבינא בחסרה אלי אלת̇רא ###### Tafsir Rasag, Genesis 44:32 [Tafsir Rasag, Genesis 44:32](https://torahapp.org/share/book/Tafsir%20Rasag/s/Genesis/r/44:32) ואעלם אן עבדך צ̇מן אלגלאם מן אביה קאילא אן לם את בה אליך פאכון כ̇טיא לך טול אלזמאן ###### Tafsir Rasag, Genesis 44:33 [Tafsir Rasag, Genesis 44:33](https://torahapp.org/share/book/Tafsir%20Rasag/s/Genesis/r/44:33) ואלאן יג̇לס עבדך מכאן אלגלאם עבדא לסידי ויצעד אלגלאם מע אכ̇ותה ###### Tafsir Rasag, Genesis 44:34 [Tafsir Rasag, Genesis 44:34](https://torahapp.org/share/book/Tafsir%20Rasag/s/Genesis/r/44:34) פאני אפכר כיף אצעד אלי אבי ואלגלאם ליס הו מעי כילא אשאהד אלבלא אלד̇י ינאלה