## Tafsir Rasag, Genesis ###### Tafsir Rasag, Genesis 49:1 [Tafsir Rasag, Genesis 49:1](https://torahapp.org/share/book/Tafsir%20Rasag/s/Genesis/r/49:1) ת̇ם דעא יעקוב בבניה וקאל אג̇תמעו אכ̇ברכם במא ינאלכם פי אכ̇ר אלאיאם ###### Tafsir Rasag, Genesis 49:2 [Tafsir Rasag, Genesis 49:2](https://torahapp.org/share/book/Tafsir%20Rasag/s/Genesis/r/49:2) אג̇תמעו ואסמעו ד̇לך יא בנו יעקוב ואקבלו מן אסראיל אביכם ###### Tafsir Rasag, Genesis 49:3 [Tafsir Rasag, Genesis 49:3](https://torahapp.org/share/book/Tafsir%20Rasag/s/Genesis/r/49:3) ראובן אנת בכרי וקותי ואול נילי מפצ̇ל פי אלשרף מפצ̇ל פי אלעז ###### Tafsir Rasag, Genesis 49:4 [Tafsir Rasag, Genesis 49:4](https://torahapp.org/share/book/Tafsir%20Rasag/s/Genesis/r/49:4) ואלאן בנהלה מן אלמא לא תפצ̇ל אד̇ צעדת אלי מצ̇ג̇ע אביך חיניד̇ ממא תבד̇לת פראשי תכ̇לץ ###### Tafsir Rasag, Genesis 49:5 [Tafsir Rasag, Genesis 49:5](https://torahapp.org/share/book/Tafsir%20Rasag/s/Genesis/r/49:5) שמעון ולוי אכ̇ואן פי אלה אלט̇לם פרצ̇תהמא ###### Tafsir Rasag, Genesis 49:6 [Tafsir Rasag, Genesis 49:6](https://torahapp.org/share/book/Tafsir%20Rasag/s/Genesis/r/49:6) ופי עצבתהמא לא תדכ̇ל נפסי ופי תג̇וקהמא לא תג̇תמע ד̇אתי לאן בגצ̇בתהמא קתלא אמה וברצ̇אהמא קלעא סורהא ###### Tafsir Rasag, Genesis 49:7 [Tafsir Rasag, Genesis 49:7](https://torahapp.org/share/book/Tafsir%20Rasag/s/Genesis/r/49:7) פמד̇מום גצ̇בהמא מא אעזה וחמיתהמא מא אצעבהא אקסמהמא פי אליעקב ואבדדהמא פי אלאסראיל ###### Tafsir Rasag, Genesis 49:8 [Tafsir Rasag, Genesis 49:8](https://torahapp.org/share/book/Tafsir%20Rasag/s/Genesis/r/49:8) ואנת יא יהודה יסידונך אכ̇ותך וידך פי אקפא אעדאיך ויכ̇צ̇ע לך בנו אביך ###### Tafsir Rasag, Genesis 49:9 [Tafsir Rasag, Genesis 49:9](https://torahapp.org/share/book/Tafsir%20Rasag/s/Genesis/r/49:9) תכון יא יהודה כשבל אלאסד פי אלקוה לאנך כ̇לצת אבני מן אלקתל אלד̇י אד̇א ג̇ת̇א ורבץ̇ כאסד ולבוה מן ד̇א ית̇ירה ###### Tafsir Rasag, Genesis 49:10 [Tafsir Rasag, Genesis 49:10](https://torahapp.org/share/book/Tafsir%20Rasag/s/Genesis/r/49:10) ולא יזול אלקצ̇יב מן אליהודה ואלראסם מן תחת אמרה אלי אן יג̇י אלד̇י הו להו ואליה תג̇תמע אלשעוב ###### Tafsir Rasag, Genesis 49:11 [Tafsir Rasag, Genesis 49:11](https://torahapp.org/share/book/Tafsir%20Rasag/s/Genesis/r/49:11) ראבטא ללג̇פן ג̇חאשה וללסריק בני אתניה גאסלא באלכ̇מר לבאסה ובדם אלענב כסותה ###### Tafsir Rasag, Genesis 49:12 [Tafsir Rasag, Genesis 49:12](https://torahapp.org/share/book/Tafsir%20Rasag/s/Genesis/r/49:12) מזור אלעינין אכת̇ר מן אלכ̇מר ואביץ̇ אלאסנאן אכת̇ר מן אללבן ###### Tafsir Rasag, Genesis 49:13 [Tafsir Rasag, Genesis 49:13](https://torahapp.org/share/book/Tafsir%20Rasag/s/Genesis/r/49:13) זבולון פי סאחל אלבחר יסכן ופי סאחלה ספן וטרף תכ̇מה אלי צידא ###### Tafsir Rasag, Genesis 49:14 [Tafsir Rasag, Genesis 49:14](https://torahapp.org/share/book/Tafsir%20Rasag/s/Genesis/r/49:14) יששכר כג̇סם מנפרד ראבץ̇ בין אלצפין ###### Tafsir Rasag, Genesis 49:15 [Tafsir Rasag, Genesis 49:15](https://torahapp.org/share/book/Tafsir%20Rasag/s/Genesis/r/49:15) ת̇ם ראי אלראחה מא אג̇ודהא ואלארץ̇ מא אנעמהא פימד ענקה ללנקל ויציר כאלד̇מה כ̇אדמא ###### Tafsir Rasag, Genesis 49:16 [Tafsir Rasag, Genesis 49:16](https://torahapp.org/share/book/Tafsir%20Rasag/s/Genesis/r/49:16) דן יחכם לקומה כג̇מלה סבט מן בני אסראיל ###### Tafsir Rasag, Genesis 49:17 [Tafsir Rasag, Genesis 49:17](https://torahapp.org/share/book/Tafsir%20Rasag/s/Genesis/r/49:17) ויכון דן כאלת̇עבאן עלי אלטריק וכאלמערון עלי אלסכה אללאסע עקב אלפרס פוקע ראכבה אלי ורא ###### Tafsir Rasag, Genesis 49:18 [Tafsir Rasag, Genesis 49:18](https://torahapp.org/share/book/Tafsir%20Rasag/s/Genesis/r/49:18) יקול רג̇ות גות̇ך יא רבי ###### Tafsir Rasag, Genesis 49:19 [Tafsir Rasag, Genesis 49:19](https://torahapp.org/share/book/Tafsir%20Rasag/s/Genesis/r/49:19) גד אי כרדוס תכרדס עליה פהו יג̇ד אעקאבה ###### Tafsir Rasag, Genesis 49:20 [Tafsir Rasag, Genesis 49:20](https://torahapp.org/share/book/Tafsir%20Rasag/s/Genesis/r/49:20) ואשר טעאמה סמין והו יעטי מלאד̇ אלמלוך ###### Tafsir Rasag, Genesis 49:21 [Tafsir Rasag, Genesis 49:21](https://torahapp.org/share/book/Tafsir%20Rasag/s/Genesis/r/49:21) נפתלי כאילה מרסלה תרד אקואל אלחסני ###### Tafsir Rasag, Genesis 49:22 [Tafsir Rasag, Genesis 49:22](https://torahapp.org/share/book/Tafsir%20Rasag/s/Genesis/r/49:22) ויוסף אבן מת̇מר כגצן מת̇מר עלי עין מא לה ערוק קד אמתדת עלי סור ###### Tafsir Rasag, Genesis 49:23 [Tafsir Rasag, Genesis 49:23](https://torahapp.org/share/book/Tafsir%20Rasag/s/Genesis/r/49:23) אמרוה פכת̇רו ותהדדוה אצחאב אלסהאם ###### Tafsir Rasag, Genesis 49:24 [Tafsir Rasag, Genesis 49:24](https://torahapp.org/share/book/Tafsir%20Rasag/s/Genesis/r/49:24) פת̇בתת קוסה פי צלאבה ופאזא ד̇ראעאה מן טאעה ג̇ליל יעקוב ומן ת̇ם רעא ד̇את אסראיל ###### Tafsir Rasag, Genesis 49:25 [Tafsir Rasag, Genesis 49:25](https://torahapp.org/share/book/Tafsir%20Rasag/s/Genesis/r/49:25) אסאל מן אלטאיק אלאה אביך אן יעינך ומן אלכאפי אן יבארך פיך ברכאת אלסמא מן אלעלו ברכאת אלגמר אלראבצ̇ה ספלא ברכאת אלת̇דאיא ואלבטון ###### Tafsir Rasag, Genesis 49:26 [Tafsir Rasag, Genesis 49:26](https://torahapp.org/share/book/Tafsir%20Rasag/s/Genesis/r/49:26) וברכאת אביך תנצ̇אף אלי ברכאת אסלאפי ואלי מא אשתהי יפאע אלדהר ויכון ג̇מיע ד̇לך עלי ראס יוסף והאמה נאסך אכ̇ותה ###### Tafsir Rasag, Genesis 49:27 [Tafsir Rasag, Genesis 49:27](https://torahapp.org/share/book/Tafsir%20Rasag/s/Genesis/r/49:27) בנימן כאלד̇יב יפתרס באלגדאה יאכל נהבא ובאלעשי יקסם סלבא ###### Tafsir Rasag, Genesis 49:28 [Tafsir Rasag, Genesis 49:28](https://torahapp.org/share/book/Tafsir%20Rasag/s/Genesis/r/49:28) האולי ג̇מיע אסבאט אסראיל את̇ני עשר והד̇א מא קאל להם אבוהם ובארך פיהם כל רג̇ל חסב אסתחקאקה בארך עליהם ###### Tafsir Rasag, Genesis 49:29 [Tafsir Rasag, Genesis 49:29](https://torahapp.org/share/book/Tafsir%20Rasag/s/Genesis/r/49:29) ת̇ם אוצאהם וקאל להם אנא מנצ̇ם אלי קומי אדפנוני מע אבאי פי אלמגארה אלתי פי צ̇יעה עפרון אלחתי ###### Tafsir Rasag, Genesis 49:30 [Tafsir Rasag, Genesis 49:30](https://torahapp.org/share/book/Tafsir%20Rasag/s/Genesis/r/49:30) הי אלמגארה אלתי פי אלצ̇יעה אלמצ̇אעפה בחצ̇רה ממרא פי בלד כנעאן אלתי אשתראהא אברהים מן עפרון אלחתי חוז קבר ###### Tafsir Rasag, Genesis 49:31 [Tafsir Rasag, Genesis 49:31](https://torahapp.org/share/book/Tafsir%20Rasag/s/Genesis/r/49:31) ת̇ם דפנו אברהים וסארה זוג̇תה ות̇ם דפנו אסחק ורבקה זוג̇תה ות̇ם דפנת לאה ###### Tafsir Rasag, Genesis 49:32 [Tafsir Rasag, Genesis 49:32](https://torahapp.org/share/book/Tafsir%20Rasag/s/Genesis/r/49:32) שרא אלצ̇יעה ואלמגארה אלתי פיהא מן בני חת ###### Tafsir Rasag, Genesis 49:33 [Tafsir Rasag, Genesis 49:33](https://torahapp.org/share/book/Tafsir%20Rasag/s/Genesis/r/49:33) פלמא פרג יעקוב מן וציתה לבניה צ̇ם רג̇ליה אלי אלסריר ותופי וצאר אלי קומה