## Tafsir Rasag, Numbers

###### Tafsir Rasag, Numbers 15:1
[Tafsir Rasag, Numbers 15:1](https://torahapp.org/share/book/Tafsir%20Rasag/s/Numbers/r/15:1)

ת̇ם כלם אללה מוסי תכלימא

**Sefaria Community Translation:**
Then Allah spoke to Moses directly


###### Tafsir Rasag, Numbers 15:2
[Tafsir Rasag, Numbers 15:2](https://torahapp.org/share/book/Tafsir%20Rasag/s/Numbers/r/15:2)

מר בני אסראיל וקל להם אד̇א דכ̇לתם אלי בלד סכנאכם אלד̇י אנא מעטיכם הנאך

**Sefaria Community Translation:**
Pass through the Children of Israel, and say to them: When you enter the land which I have bestowed upon you, do not deviate from the right path.


###### Tafsir Rasag, Numbers 15:3
[Tafsir Rasag, Numbers 15:3](https://torahapp.org/share/book/Tafsir%20Rasag/s/Numbers/r/15:3)

פקרבתם קרבאנא ללה צעידה או ד̇ביחא תסויג נד̇ר או תברעא או פי אעיאדכם וארדתם אן יכון מקבולא מרצ̇יא ללה מן אלבקר או מן אלגנם


###### Tafsir Rasag, Numbers 15:4
[Tafsir Rasag, Numbers 15:4](https://torahapp.org/share/book/Tafsir%20Rasag/s/Numbers/r/15:4)

פליקרב צאחב ד̇לך אלקרבאן מעה ללה מן אלבר עשר סמיד מלת̇ות̇ ברבע קסט דהן


###### Tafsir Rasag, Numbers 15:5
[Tafsir Rasag, Numbers 15:5](https://torahapp.org/share/book/Tafsir%20Rasag/s/Numbers/r/15:5)

וכ̇מרא ללמזאג̇ רבע קסט תצנעהא מע אלצעידה או מע אלד̇בח ללחמל אלואחד


###### Tafsir Rasag, Numbers 15:6
[Tafsir Rasag, Numbers 15:6](https://torahapp.org/share/book/Tafsir%20Rasag/s/Numbers/r/15:6)

וללכבש פקדם מן אלבר עשרין מן סמיד מלת̇ות̇ בת̇לת̇ קסט דהן


###### Tafsir Rasag, Numbers 15:7
[Tafsir Rasag, Numbers 15:7](https://torahapp.org/share/book/Tafsir%20Rasag/s/Numbers/r/15:7)

וכ̇מרא ללמזאג̇ ת̇לת̇ קסט תקרבה מקבולא מרצ̇יא ללה


###### Tafsir Rasag, Numbers 15:8
[Tafsir Rasag, Numbers 15:8](https://torahapp.org/share/book/Tafsir%20Rasag/s/Numbers/r/15:8)

ואן צנעת מן אלבקר צעידה או ד̇בחא תסויג נד̇ר או סלאמה ללה


###### Tafsir Rasag, Numbers 15:9
[Tafsir Rasag, Numbers 15:9](https://torahapp.org/share/book/Tafsir%20Rasag/s/Numbers/r/15:9)

פליקרב מעה מן אלבר ת̇לאת̇ה עשור מן סמיד מלת̇ות̇ בנצף קסט דהן


###### Tafsir Rasag, Numbers 15:10
[Tafsir Rasag, Numbers 15:10](https://torahapp.org/share/book/Tafsir%20Rasag/s/Numbers/r/15:10)

וכ̇מרא קרבה ללמזאג̇ נצף קסט קרבאנא מקבולא מרצ̇יא ללה


###### Tafsir Rasag, Numbers 15:11
[Tafsir Rasag, Numbers 15:11](https://torahapp.org/share/book/Tafsir%20Rasag/s/Numbers/r/15:11)

כד̇א יצנע מע כל ת̇ור ומע כל כבש ומע כל ראס מן אלחמל או מן אלמאעז


###### Tafsir Rasag, Numbers 15:12
[Tafsir Rasag, Numbers 15:12](https://torahapp.org/share/book/Tafsir%20Rasag/s/Numbers/r/15:12)

בחסב אחצא מא תקרבון כד̇אך אצנעו מע כל ואחד מן אלמחציין


###### Tafsir Rasag, Numbers 15:13
[Tafsir Rasag, Numbers 15:13](https://torahapp.org/share/book/Tafsir%20Rasag/s/Numbers/r/15:13)

כד̇א יצנע כל צריחי אד̇א קרב קרבאנא מקבולא מרצ̇יא ללה


###### Tafsir Rasag, Numbers 15:14
[Tafsir Rasag, Numbers 15:14](https://torahapp.org/share/book/Tafsir%20Rasag/s/Numbers/r/15:14)

ואי דכ̇יל דכ̇ל מעכם או סכן פימא בינכם עלי מר אג̇יאלכם פעמל קרבאנא אראד אן יכון מקבולא מרצ̇יא ללה פכמא תצנעון כד̇אך יצנע


###### Tafsir Rasag, Numbers 15:15
[Tafsir Rasag, Numbers 15:15](https://torahapp.org/share/book/Tafsir%20Rasag/s/Numbers/r/15:15)

יאיהא אלג̇וק רסם ואחד לכם וללגריב אלדכ̇יל רסם אלדהר עלי מר אג̇יאלכם כמא אן אלגריב מת̇לכם בין ידי אללה


###### Tafsir Rasag, Numbers 15:16
[Tafsir Rasag, Numbers 15:16](https://torahapp.org/share/book/Tafsir%20Rasag/s/Numbers/r/15:16)

כד̇אך שריעה ואחדה וחכם ואחד יכון לכם וללגריב אלדכ̇יל פימא בינכם


###### Tafsir Rasag, Numbers 15:17
[Tafsir Rasag, Numbers 15:17](https://torahapp.org/share/book/Tafsir%20Rasag/s/Numbers/r/15:17)

ת̇ם כלם אללה מוסי קאילא


###### Tafsir Rasag, Numbers 15:18
[Tafsir Rasag, Numbers 15:18](https://torahapp.org/share/book/Tafsir%20Rasag/s/Numbers/r/15:18)

מר בני אסראיל וקל להם אד̇א דכ̇לתם אלי אלבלד אלד̇י אנא מדכ̇לכם אליה


###### Tafsir Rasag, Numbers 15:19
[Tafsir Rasag, Numbers 15:19](https://torahapp.org/share/book/Tafsir%20Rasag/s/Numbers/r/15:19)

פמתי מא אכלתם מן טעאמה פארפעו רפיעה ללה


###### Tafsir Rasag, Numbers 15:20
[Tafsir Rasag, Numbers 15:20](https://torahapp.org/share/book/Tafsir%20Rasag/s/Numbers/r/15:20)

אול עג̇ינכם ג̇רדקה תרפעוהא רפיעה כרפיעה אלבד̇אר כד̇אך תרפעוהא


###### Tafsir Rasag, Numbers 15:21
[Tafsir Rasag, Numbers 15:21](https://torahapp.org/share/book/Tafsir%20Rasag/s/Numbers/r/15:21)

וכד̇אך מן אול עג̇ינכם תג̇עלו ללה רפיעה עלי מר אג̇יאלכם


###### Tafsir Rasag, Numbers 15:22
[Tafsir Rasag, Numbers 15:22](https://torahapp.org/share/book/Tafsir%20Rasag/s/Numbers/r/15:22)

ואן סהותם פלם תעמלו הד̇ה אלוצאיא אלתי אמר אללה בהא מוסי


###### Tafsir Rasag, Numbers 15:23
[Tafsir Rasag, Numbers 15:23](https://torahapp.org/share/book/Tafsir%20Rasag/s/Numbers/r/15:23)

מת̇ל ג̇מיע מא אמר אללה בה עלי יד מוסי מן יום אבתדי באלאמר והלם אלי אג̇יאלכם


###### Tafsir Rasag, Numbers 15:24
[Tafsir Rasag, Numbers 15:24](https://torahapp.org/share/book/Tafsir%20Rasag/s/Numbers/r/15:24)

פאן כאן אלסהו ען עיון אלג̇מאעה פליצנעו רת̇א מן אלבקר צעידה מקבולא מרצ̇יא ללה ומעה בר ומזאג̇ כמא יג̇ב ועתוד מן אלמאעז ללד̇כוה


###### Tafsir Rasag, Numbers 15:25
[Tafsir Rasag, Numbers 15:25](https://torahapp.org/share/book/Tafsir%20Rasag/s/Numbers/r/15:25)

ויסתגפר אלאמאם ען ג̇מאעה בני אסראיל פיגפר להם אד̇ ד̇לך סהו והם פאתו בצעידתהם קרבאנא ללה וד̇כותהם בין ידי אללה עלי סהוהם


###### Tafsir Rasag, Numbers 15:26
[Tafsir Rasag, Numbers 15:26](https://torahapp.org/share/book/Tafsir%20Rasag/s/Numbers/r/15:26)

פיגפר לג̇מאעה בני אסראיל וללגריב אלדכ̇יל פימא בינהם אד̇ ג̇מיע אלקום עלי סהו


###### Tafsir Rasag, Numbers 15:27
[Tafsir Rasag, Numbers 15:27](https://torahapp.org/share/book/Tafsir%20Rasag/s/Numbers/r/15:27)

ואן אכ̇טא אנסאן ואחד כד̇לך סהוא פליקרב שאה אבנה סנתהא ללד̇כוה


###### Tafsir Rasag, Numbers 15:28
[Tafsir Rasag, Numbers 15:28](https://torahapp.org/share/book/Tafsir%20Rasag/s/Numbers/r/15:28)

פיסתגפר אלאמאם ען ד̇לך אלאנסאן אלסאהי עלי מא אכ̇טא סהוא בין ידי אללה פיגפר לה ויצפח ענה


###### Tafsir Rasag, Numbers 15:29
[Tafsir Rasag, Numbers 15:29](https://torahapp.org/share/book/Tafsir%20Rasag/s/Numbers/r/15:29)

אלצריח מן בני אסראיל ואלגריב אלדכ̇יל פימא בינהם שריעה ואחדה תכון לכם למן יכ̇טי סהוא


###### Tafsir Rasag, Numbers 15:30
[Tafsir Rasag, Numbers 15:30](https://torahapp.org/share/book/Tafsir%20Rasag/s/Numbers/r/15:30)

ואי אנסאן צנע ד̇לך ביד רפיעה מן אלצריח ואלדכ̇יל פהו קד̇ף רבה וינקטע ד̇לך אלאנסאן מן בין קומה


###### Tafsir Rasag, Numbers 15:31
[Tafsir Rasag, Numbers 15:31](https://torahapp.org/share/book/Tafsir%20Rasag/s/Numbers/r/15:31)

למא אזדרא בכלאם אללה ופסך̇ עהדה פינקטע ד̇לך אלאנסאן אנקטאעא וחרה עליה


###### Tafsir Rasag, Numbers 15:32
[Tafsir Rasag, Numbers 15:32](https://torahapp.org/share/book/Tafsir%20Rasag/s/Numbers/r/15:32)

ולמא אקאם בנו אסראיל פי אלבר וג̇דו רג̇לא יחתטב חטבא פי יום אלסבת


###### Tafsir Rasag, Numbers 15:33
[Tafsir Rasag, Numbers 15:33](https://torahapp.org/share/book/Tafsir%20Rasag/s/Numbers/r/15:33)

פקדמוה אלד̇ין וג̇דוה יחתטב חטבא אלי מוסי והרון וסאיר אלג̇מאעה


###### Tafsir Rasag, Numbers 15:34
[Tafsir Rasag, Numbers 15:34](https://torahapp.org/share/book/Tafsir%20Rasag/s/Numbers/r/15:34)

ווצ̇עוה פי אלחבס לאנה לם יפסר להם מא יצנע בה


###### Tafsir Rasag, Numbers 15:35
[Tafsir Rasag, Numbers 15:35](https://torahapp.org/share/book/Tafsir%20Rasag/s/Numbers/r/15:35)

פקאל אללה למוסי יקתל אלרג̇ל קתלא וד̇לך אן ירג̇מוה באלחג̇ארה ג̇מיע אלג̇מאעה כ̇ארג̇ אלעסכר


###### Tafsir Rasag, Numbers 15:36
[Tafsir Rasag, Numbers 15:36](https://torahapp.org/share/book/Tafsir%20Rasag/s/Numbers/r/15:36)

פכ̇רג̇וה כ̇ארג̇ אלעסכר ורג̇מוה באלחג̇ארה חתי מאת כמא אמר אללה מוסי


###### Tafsir Rasag, Numbers 15:37
[Tafsir Rasag, Numbers 15:37](https://torahapp.org/share/book/Tafsir%20Rasag/s/Numbers/r/15:37)

וקאל אללה למוסי קאילא

**Sefaria Community Translation:**
And Allah entrusted to Moses, saying :


###### Tafsir Rasag, Numbers 15:38
[Tafsir Rasag, Numbers 15:38](https://torahapp.org/share/book/Tafsir%20Rasag/s/Numbers/r/15:38)

מר בני אסראיל וקל להם אן יצנעו להם ד̇ואבה עלי אכנאף אזרהם עלי מר אג̇יאלהם ויג̇עלו עלי ד̇ואבה אלכנף סלך אסמאנג̇ון

**Sefaria Community Translation:**
Pass through the Children of Israel, and say to them that they should make fringes for themselves on the corners of their garments, with a cord of blue, and they should put on the fringes of the corner a cord of blue


###### Tafsir Rasag, Numbers 15:39
[Tafsir Rasag, Numbers 15:39](https://torahapp.org/share/book/Tafsir%20Rasag/s/Numbers/r/15:39)

פיכון ד̇לך לכם ד̇ואבה ט̇אהרה תרוהא פתד̇כרו ג̇מיע וצאיא אללה ותעמלוהא ולא תרומו אתבאע קלובכם ועיונכם אלתי אנתם טאגון וראהא

**Sefaria Community Translation:**
So it shall be a tassel for you to look at and remember all the commandments of God, and do them; and not follow after your own heart and your own eyes, which lead you astray


###### Tafsir Rasag, Numbers 15:40
[Tafsir Rasag, Numbers 15:40](https://torahapp.org/share/book/Tafsir%20Rasag/s/Numbers/r/15:40)

לכי תד̇כרו ד̇לך דאימא ותעמלו ג̇מיע וצאיאי פתכונו מקדסין לאלאהכם

**Sefaria Community Translation:**
So that you may walk in His ways and always observe and obey all His commandments, and you shall be holy to your God


###### Tafsir Rasag, Numbers 15:41
[Tafsir Rasag, Numbers 15:41](https://torahapp.org/share/book/Tafsir%20Rasag/s/Numbers/r/15:41)

אנא אללה רבכם אלד̇י אכ̇רג̇תכם מן בלד מצר לאכון לכם אלאהא אנא אללה רבכם אלדאים אלבקא

**Sefaria Community Translation:**
I am Allah, your Lord, who brought you out from the land of Egypt to be your God. I am the eternal and everlasting Allah, your Lord