## Tikkunei Zohar Daf 93b

###### Tikkunei Zohar 93b:1
[Tikkunei Zohar 93b:1](https://torahapp.org/share/book/Tikkunei%20Zohar/r/93b:1)

צוּפִים, וּבְגִין דָּא אִית עִץ דְּעַנְפִין דִּילֵיהּ מְתִיקָן, וְעִץ דְּעַנְפִין דִּילֵיהּ מְרִירָן, וְאִית מַיִּין מְתִיקָן וּמַיִּין מְרִירָן, דְּדָא לָקֳבֵל דָּא עָבַד קוּדְשָׁא בְּרִיךְ הוּא, וְאִית דְּאִיהוּ פַּלְגוּ דִילֵיהּ מְתִיקָא וּפַלְגוּ דִילֵיהּ מְרִירָא, וְדָא עִץ הַדַּעַת טוֹב וָרָע, כְּגַוְונָא דְכַסְפָּא מְעוּרָב בְּעוֹפָרֶת, וְאִית אִילָנָא דִקְלִיפִין דִּילֵיהּ בִּישִׁין מִלְּבָר וּמוֹחָא מְתִיקָא מִלְּגָאו, הָכִי תִשְׁכַּח בַּר נַשׁ בִּישׁ בְּמִלֵּי פוּמוֹי (נ"א ובפומוי מפיק ביש מלבר) וְטַב בְּלִבֵּיהּ מִלְּגָאו, וְאִית מִפִּימוֹי טַב וְלִבֵּיהּ בִּישׁ, הַאי אִיהוּ עִץ הַדַּעַת טוֹב וָרָע, הָכָא מְקַנֵּן נָחָשׁ רַמַּאי.

**Tiqqunei ha-Zohar, trans. by David Solomon. Margalya Press; Melbourne, 2024:**
And because of that, there is a tree, the branches of which are sweet, but the wood of its branches are bitter. Likewise, there are sweet waters and bitter waters, since the Holy One, blessed be He, created one corresponding to the other. And there is one that one half of it is sweet and one half of it is bitter, and that is the Tree of Knowledge of Good and Evil, just like silver is mixed with lead. And there is a tree, the husks of which are evil on the outside but its mind is sweet inside. Like this, you will find a person who is evil in the words of his mouth (different variant: and exudes evil from his mouth outside), but he is good in his heart inside; and one who has good from his mouth but his heart is evil. That one is the Tree of Knowledge of Good and Evil, it is there that the deceptive snake nests.


###### Tikkunei Zohar 93b:2
[Tikkunei Zohar 93b:2](https://torahapp.org/share/book/Tikkunei%20Zohar/r/93b:2)

הָכִי אִיהוּ בַּר נַשׁ דְּתִשְׁכַּח לֵיהּ גּוּפֵיהּ שַׁפִּיר, וְסִימָנִין דִּילֵיהּ כֻּלְּהוּ שַׁפִּירָן, וְנִשְׁמָתֵיהּ נֶפֶשׁ חַיָּיבָא מִלְּגָאו, וְתִשְׁכַּח בַּר נַשׁ גּוּפֵיהּ בִּישׁ בְּכָל סִימָנִין דִּילֵיהּ, וְנִשְׁמָתֵיהּ מִלְּגָאו שַׁפִּירָא, דָא אִיהוּ צַדִּיק וְרַע לוֹ, אֲבָל מָאן דְּאִיהוּ טַב מִלְּבָר וְרַע מִלְּגָאו, אִיהוּ רָשָׁע וְטוֹב לוֹ, בְּגִין דְּלָא יְהֵא לֵיהּ חוּלָקָא בְעָלְמָא דְאָתֵי, טוֹב מִלְּבָר וּמִלְּגָאו צַדִּיק וְטוֹב לוֹ, בִּישׁ מִלְּגָאו וּמִלְּבָר רָשָׁע וְרַע לוֹ, וְהָא אוּקְמוּהָ.

**Tiqqunei ha-Zohar, trans. by David Solomon. Margalya Press; Melbourne, 2024:**
So too, you will find a person whose body is beautiful and his features are all beautiful, but his soul inside is a guilty spirit; and you will find a person whose body is evil and his features are evil, but his soul inside is beautiful. That one is a righteous one, who has bad befall him [literally, and he has evil]. But one who is good on the outside but evil on the inside, he is an evil one that has good befall him [literally, and he has good], so that he not have a portion in the world to come. One good outside and inside is a righteous one that has good befall him [literally, and he has good]; evil inside and outside is an evil one that has evil befall him [literally, and he has evil]. So behold, it has been explained.


###### Tikkunei Zohar 93b:3
[Tikkunei Zohar 93b:3](https://torahapp.org/share/book/Tikkunei%20Zohar/r/93b:3)

טַב מִלְּגָאו וּלְבוּשָׁא דִילֵיהּ בִּישׁ, דָּא אִיהוּ עָנִי וְרוֹכֵב עַל חֲמוֹר (זכריה ט ט), רַע מִלְּגָאו וּלְבוּשָׁא דִילֵיהּ שַׁפִּיר מִלְּבָר, עַל הַאי אִתְּמַר (קהלת י ז) רָאִיתִי עֲבָדִים עַל סוּסִים, וְכֹלָּא אִשְׁתְּמוֹדָע בְּעוֹבָדוֹי דְבַר נַשׁ, מָאן דְּאִיהוּ מִלְּגָאו, וְלַאו לְמַגָּנָא אוּקְמוּ קַדְמָאִין לֹא הַמֶּדְרָשׁ הוּא הָעִקָּר אֶלָּא הַמַּעֲשֶׂה הוּא הָעִקָּר, דְּשַׁטְיָין מִסְתַּכְּלִין בְּגוּפָא דְאִיהוּ לְבוּשָׁא, הֲדָא הוּא דִכְתִיב (איוב י יא) עוֹר וּבָשָׂר תַּלְבִּישֵׁנִי, וְצַדִּיקַיָּא בְעוֹבָדִין טָבִין.


###### Tikkunei Zohar 93b:4
[Tikkunei Zohar 93b:4](https://torahapp.org/share/book/Tikkunei%20Zohar/r/93b:4)

וְעוֹד (שמות טו כה) וַיּוֹרֵהוּ יהו"ה עִץ, דָּא מַטֶּה דְמֹשֶׁה, דַהֲוָה מִתְהַפֵּךְ מִמַּטֶּה לְנָחָשׁ וּמִנָּחָשׁ לְמַטֶּה, כְּגוֹן לַהַט הַחֶרֶב הַמִּתְהַפֶּכֶת (בראשית ג כד), וְדָא מטטרו"ן, דְּבֵיהּ הֲוָה מִשְׁתַּמֵּשׁ מֹשֶׁה רַבֵּינוּ, כְּגַוְונָא דְעַמּוּדָא דְאֶמְצָעִיתָא דְהוּא מִשְׁתַּמֵּשׁ בֵּיהּ, וַהֲוָה מַנְהִיג תַּתָּאִין בֵּיהּ, אוּף הָכִי מֹשֶׁה דַהֲוָה כְּגַוְונָא דִילֵיהּ, הֲוָה מִשְׁתַּמֵּשׁ בְּמַטֶּה, וְאַמַּאי אִתְקְרֵי מטטרו"ן מַטֶּה, דִלְזִמְנִין מַטֶּה כְּלַפֵּי זְכוּ לַצַּדִּיקַיָּא, וּלְזִמְנִין מַטֶּה כְּלַפֵּי חוֹבָא לְרַשִּׁיעַיָּא, וּבְגִין דָּא אִתְהַפַּךְ מִמַּטֶּה לְנָחָשׁ לְרַשִּׁיעַיָּא לְאַלְקָאָה לוֹן בֵּיהּ, וּמִנָּחָשׁ לַמַּטֶּה לַצַּדִּיקַיָּא לְמֵיהַב לוֹן בֵּיהּ אַגְרָא.


###### Tikkunei Zohar 93b:5
[Tikkunei Zohar 93b:5](https://torahapp.org/share/book/Tikkunei%20Zohar/r/93b:5)

דְּהָכִי אִיהוּ עַל הַאי מַלְאָכָא קוּדְשָׁא בְּרִיךְ הוּא, כְּגַוְונָא דְנִשְׁמָתָא דְרָכִיב עַל גּוּפָא, וְצַדִּיק בְּהַאי אֲתַר אִתְּמַר בֵּיהּ (שמואל ב כ״ג:ג׳) צַדִּיק מוֹשֵׁל יִרְאַת אלהי"ם, בְּגִין דְּאִיהוּ מְהַפֵּךְ דִּינָא לְרַחֲמֵי, וּבְהַאי אֲתַר צָרִיךְ שִׁנּוּי מַעֲשֶׂה, בְּגִין דְּיִתְהַפַּךְ מִדִּינָא לְרַחֲמֵי, וְשִׁנּוּי הַשֵּׁם וְשִׁנּוּי מָקוֹם, וְקוּדְשָׁא בְּרִיךְ הוּא דְאִיהוּ מִלְּגָאו, אִתְּמַר בֵּיהּ (מלאכי ג ו) אֲנִי יהו"ה לֹא שָׁנִיתִי, דְּאִיהוּ רַחוּם וְחַנּוּן, לֵית בֵּיהּ דִּינָא כְלָל וְלָא שִׁנּוּיִין.


###### Tikkunei Zohar 93b:6
[Tikkunei Zohar 93b:6](https://torahapp.org/share/book/Tikkunei%20Zohar/r/93b:6)

וְכַד בַּר נַשׁ שַׁלִּיט עַל יִצְרֵיהּ, נֶהְפַּךְ נָחָשׁ לַמַּטֶּה, וְאִם יִצְרֵיהּ שַׁלִּיט עֲלֵיהּ, נֶהְפַּךְ מִמַּטֶּה לְנָחָשׁ, וּמִיָּד וַיָּנָס מֹשֶׁה מִפָּנָיו (שמות ד ג), מַאי וַיָּנָס, אֶלָּא הָכִא רְמִיז שִׁנּוּי מָקוֹם, דְּבָרַח מֵאַתְרֵיהּ וּמִקַּמֵּיהּ, וְדָא אִיהוּ רָזָא וַתִּפָּקַחְנָה עִינֵי שְׁנֵיהֶם (בראשית ג י), וּבְמַאי אִתְפַּקְחוּ, לְמִנְדַּע טוֹב וָרָע, דְּאִיהוּ מַטֶּה כְלִיל מִתַּרְוַיְיהוּ, כַּד אִתְהַפַּךְ מִנָּחָשׁ לַמַּטֶּה אִתְּמַר בֵּיהּ צַדִּיק וְטוֹב לוֹ, וְכַד אִתְהַפַּךְ מִמַּטֶּה לְנָחָשׁ אִתְּמַר בֵּיהּ רָשָׁע וְטוֹב לוֹ.


###### Tikkunei Zohar 93b:7
[Tikkunei Zohar 93b:7](https://torahapp.org/share/book/Tikkunei%20Zohar/r/93b:7)

בְּרֵאשִׁית דָּא מַחֲשָׁבָה, אלהי"ם דָּא אִימָּא עִלָּאָה עוֹבָדָא, דְתַרְוַיְיהוּ דְחִילוּ וּרְחִימוּ, אֶת הַשָּׁמַיִם דָּא קָלָא, וְאֶת הָאָרֶץ דָּא דִבּוּרָא, וּבְכֹלָּא חָאבוּ אָדָם וְחַוָּה, אַפְרִישׁוּ בֵּין אַבָּא וְאִימָּא דְאִינוּן מַחֲשָׁבָה וְעוֹבָדָא, וּבֵין קוֹל וְדִבּוּר דְּאִינוּן בְּרָא וּבְרַתָּא, וּבְגִין דָּא וַיִּשְׁמְעוּ אֶת קוֹל יהו"ה אלהי"ם מִתְהַלֵּךְ בַּגָּן לְרוּחַ הַיּוֹם (שם), אֶ"ת קוֹ"ל דָּא