## Zohar, Idra Rabba

###### Zohar, Idra Rabba 10:1
[Zohar, Idra Rabba 10:1](https://torahapp.org/share/book/Zohar/s/Idra%20Rabba/r/10:1)

פָּתַח רַבִּי שִׁמְעוֹן וְאָמַר, וַוי מַאן דְּאוֹשִׁיט יְדוֹי בְּדִיקְנָא יַקִּירָא עִלָּאָה, דְּסָבָא קַדִּישָׁא, טְמִירָא וּסְתִימָא (נ"א טמיר וסתים) מִכֹּלָּא דִּיקְנָא דְּהַהִיא תּוּשְׁבַּחְתָּא. דִּיקְנָא דְּסָתִים וְיַקִּיר מִכָּל תִּקּוּנוֹי. דִּיקְנָא דְּלָא יַדְעִין עִלָּאִין וְתַתָּאִין. דִּיקְנָא דְּהִיא תּוּשְׁבַּחְתָּא דְּכָל תּוּשְׁבָּחִין. דִּיקְנָא דְּלָא הֲוִי בַּר נָשׁ נְבִיאָה וְקַדִּישָׁא דְּיִקְרַב לְמֵחֱמֵי לֵיהּ. דִּיקְנָא דְּהִיא תַּלְיָיא בְּשַׂעֲרוֹי עַד טַבּוּרָא דְּלִבָּא. חִוָּורָא כְּתַלְגָּא יַקִּירָא דְּיַקִּירִין. טְמִירָא דִּטְמִירִין. מְהֵימְנוּתָא דִּמְהֵימְנוּתָא דְּכֹלָּא.

**The Zohar; London, Soncino Press, 1933:**
Opened Rabbi Shim'on and said: Woe to one who stretches his hand into the glorious exalted Beard of the Holy Elder, hidden and secret over all; the beard of that praise; the Beard that is secret and glorious over all His settings; the Beard that those above and below do not know; the Beard of that praise of all praises; the Beard that no prophet or holy man has come near enough to see; the Beard whose hairs hang to the heart's navel; white as snow, glorious of glories, hidden of hidden things, faith of faiths of all.


###### Zohar, Idra Rabba 10:2
[Zohar, Idra Rabba 10:2](https://torahapp.org/share/book/Zohar/s/Idra%20Rabba/r/10:2)

תָּאנָא, בִּצְנִיעוּתָא דְּסִפְרָא, דְּהַאי דִּיקְנָא מְהֵימְנוּתָא דְּכֹלָּא, נָפִיק מֵאוּדְנוֹי, וְנָחִית סוֹחֲרָנֵיהּ דְּפוּמָא קַדִּישָׁא, וְנָחִית וְסָלִיק וְחָפֵי, בְּתַקְרוּבְתָּא (סגי) דְּבוּסְמָא טָבָא, חִוָּורָא דְּיַקִּירָא (ס"א דבדיקניה). וְנָחִית (ס"א חוורא יקירא דדיקניה נחית) בְּשִׁקּוּלָא, וְחָפֵי עַד טַבּוּרָא. הוּא דִּיקְנָא יַקִּירָא, מְהֵימָנָא שְׁלֵימָא, דְּנַגְדִּין בֵּיהּ י"ג נְבִיעִין, מַבּוּעִין דִּמְשַׁח רְבוּת טָבָא, בִּתְלַת עֲשַׂר תִּקּוּנִין מִתְתַּקְּנָא.

**The Zohar; London, Soncino Press, 1933:**
It is taught in the Concealed Book that this beard, the faith of all, goes out from His ears, and goes down around the Holy Mouth, and goes down and up and covers the (myriad) offering of good spices, gloriously white, going down measuredly and covering to the navel. It is the beard of glory, complete faith, in which stream thirteen flows, springs of good anointing oil, in thirteen settings set.


###### Zohar, Idra Rabba 10:3
[Zohar, Idra Rabba 10:3](https://torahapp.org/share/book/Zohar/s/Idra%20Rabba/r/10:3)

תִּקּוּנָא קַדְמָאָה. מִתְתַּקֵּן שַׂעֲרָא מִלְּעֵילָּא, וְשָׁארִי מֵהַהוּא תִּקּוּנָא דִּשְׂעַר רֵישֵׁיהּ, דְּסָלִיק בְּתִקּוּנוֹי לְעֵילָּא מֵאוּדְנוֹי, וְנָחִית מִקַּמֵּי פִּתְחָא דְּאוּדְנִין, בְּחַד חוּטָא בְּשִׁקּוּלָא טָבָא, עַד רֵישָׁא דְּפוּמָא.


###### Zohar, Idra Rabba 10:4
[Zohar, Idra Rabba 10:4](https://torahapp.org/share/book/Zohar/s/Idra%20Rabba/r/10:4)

תִּקּוּנָא תִּנְיָינָא. מִתְתָּקַּן שַׂעֲרָא מֵרֵישָׁא דְּפוּמָא, (וסליק) עַד רֵישָׁא אַחֲרָא דְּפוּמָא, בְּתִקּוּנָא שָׁקִיל.


###### Zohar, Idra Rabba 10:5
[Zohar, Idra Rabba 10:5](https://torahapp.org/share/book/Zohar/s/Idra%20Rabba/r/10:5)

תִּקּוּנָא תְּלִיתָאָה. מֵאֶמְצָעִיתָא דִּתְחוֹת (ס"א דהאי) חוֹטָמָא, מִתְּחוֹת תְּרֵין נוּקְבִין, נָפִיק חַד אוֹרְחָא, וְשַׂעֲרָא אִתְפְּסַק בְּהַהוּא אָרְחָא, וּמַלְיָא מֵהַאי גִּיסָא, וּמֵהַאי גִּיסָא שַׂעֲרָא, מְתִקּוּנָא שְׁלִים סוֹחֲרָנֵיהּ דְּהַהוּא אוֹרְחָא.


###### Zohar, Idra Rabba 10:6
[Zohar, Idra Rabba 10:6](https://torahapp.org/share/book/Zohar/s/Idra%20Rabba/r/10:6)

תִּקּוּנָא רְבִיעָאָה. מִתְתָּקַּן שַׂעֲרָא (ונחית) תְּחוֹת פּוּמָא, מֵרֵישָׁא חֲדָא לְרֵישָׁא חֲדָא, בְּתִקּוּנָא שְׁלִים.


###### Zohar, Idra Rabba 10:7
[Zohar, Idra Rabba 10:7](https://torahapp.org/share/book/Zohar/s/Idra%20Rabba/r/10:7)

תִּקּוּנָא חֲמִישָׁאָה. תְּחוֹת פּוּמָא נָפִיק אָרְחָא אַחֲרָא, בְּשִׁקּוּלָא דְּאָרְחָא דִּלְעֵילָּא, וְאִלֵּין תְּרֵין אָרְחִין רְשִׁימִין עַל פּוּמָא, מִכָּאן מִכָּאן.


###### Zohar, Idra Rabba 10:8
[Zohar, Idra Rabba 10:8](https://torahapp.org/share/book/Zohar/s/Idra%20Rabba/r/10:8)

תִּקּוּנָא שְׁתִּיתָאָה. מִתְתַּקֵּן שַׂעֲרָא, וְסָלִיק וְנָפִיק מִלְּרַע לְעֵיל לְרֵישָׁא דְּפוּמָא. וְחָפֵי תַּקְרוּבְתָּא דְּבוּסְמָא טָבָא, עַד רֵישָׁא דְּפוּמָא דִּלְעֵילָּא. וְנָחִית שַׂעֲרָא לְרֵישָׁא דְּפִתְחָא דְּאוֹרְחָא תַּתָּאָה דְּפוּמָא.


###### Zohar, Idra Rabba 10:9
[Zohar, Idra Rabba 10:9](https://torahapp.org/share/book/Zohar/s/Idra%20Rabba/r/10:9)

תִּקּוּנָא שְׁבִיעָאָה. פָּסִיק שַׂעֲרָא, וְאִתְחָזְן תְּרֵין תַּפּוּחִין, בְּתַקְרוּבְתָּא דְּבוּסְמָא טָבָא, שַׁפִּירָן וְיָאָן לְמֵחזֵי. בְּגִינֵיהוֹן אִתְקְיָים עָלְמָא, הֲדָא הוּא דִכְתִיב, (משלי ט״ז:ט״ו) בְּאוֹר פְּנֵי מֶלֶךְ חַיִּים.


###### Zohar, Idra Rabba 10:10
[Zohar, Idra Rabba 10:10](https://torahapp.org/share/book/Zohar/s/Idra%20Rabba/r/10:10)

תִּקּוּנָא תְּמִינָאָה. נָפִיק חַד חוּטָא דְּשַׂעְרֵי סוֹחֲרָנֵי דְּדִיקְנָא, וְתַלְיָין בְּשִׁקּוּלָא עַד טַבּוּרָא.


###### Zohar, Idra Rabba 10:11
[Zohar, Idra Rabba 10:11](https://torahapp.org/share/book/Zohar/s/Idra%20Rabba/r/10:11)

תִּקּוּנָא תְּשִׁיעָאָה. מִתְעָרֵי וּמִתְעָרְבִין שַׂעְרֵי דִּיקְנָא, עִם אִינּוּן שַׂעְרֵי דְּתַלְיָין בְּשִׁקּוּלָא, (דתליין) וְלָא נַפְקֵי דָּא מִן דָּא.


###### Zohar, Idra Rabba 10:12
[Zohar, Idra Rabba 10:12](https://torahapp.org/share/book/Zohar/s/Idra%20Rabba/r/10:12)

תִּקּוּנָא עֲשִׁירָאָה. (מתערבין) נַחְתִּין שַׂעְרֵי תְּחוֹת דִּיקְנָא. וְחַפְּיָין בִּגְרוֹנָא תְּחוֹת דִּיקְנָא.


###### Zohar, Idra Rabba 10:13
[Zohar, Idra Rabba 10:13](https://torahapp.org/share/book/Zohar/s/Idra%20Rabba/r/10:13)

תִּקּוּנָא חַד סָר. דְּלָא נָפְקִין נִימָא מִן נִימָא, וּמִתְשַׁעְרָן בְּשִׁיעוּרָא שְׁלִים.


###### Zohar, Idra Rabba 10:14
[Zohar, Idra Rabba 10:14](https://torahapp.org/share/book/Zohar/s/Idra%20Rabba/r/10:14)

תִּקּוּנָא תְּרֵיסָר. דְּלָא תַּלְיָין שַׂעְרֵי עַל פּוּמָא, וּפוּמָא אִתְפְּנֵי מִכָּל סִטְרוֹי. וְיָאָן שַׂעְרֵי סְחוֹר סְחוֹר לֵיהּ.


###### Zohar, Idra Rabba 10:15
[Zohar, Idra Rabba 10:15](https://torahapp.org/share/book/Zohar/s/Idra%20Rabba/r/10:15)

תִּקּוּנָא תְּלֵיסַר. דְּתַלְיָין שַׂעַרָן בִּתְחוֹת דִּיקְנָא, מִכָּאן וּמִכָּאן, בִּיקָרָא יָאָה, בִּיקָרָא שַׁפִּירָא. מְחַפְּיָין עַד טַבּוּרָא. לָא אִתְחֲזֵי (ס"א לאתחזאה) מִכָּל אַנְפֵּי תַּקְרוּבָא דְּבוּסְמָא, בַּר אִינּוּן תַּפּוּחִין שַׁפִּירִין חִוָּורִין, דְּמַפִּקִין חַיִּין לְעָלְמָא, וּמְחַזְיָין חֵדוּ לִזְעֵיר אַפִּין.


###### Zohar, Idra Rabba 10:16
[Zohar, Idra Rabba 10:16](https://torahapp.org/share/book/Zohar/s/Idra%20Rabba/r/10:16)

בִּתְלֵיסָר תִּקּוּנִין אִלֵּין, נַגְדִּין וְנָפְקִין תְּלֵיסַר מַבּוּעִין דִּמְשַׁח רְבוּת, וְנַגְדִּין לְכָל אִינּוּן דִּלְתַּתָּא. וּנְהִרִין בְּהַהוּא מִשְׁחָא. וּמְשִׁיחִין מֵהַהוּא מִשְׁחָא, דְּבִתְלֵיסָר תִּקּוּנִין אִלֵּין. בִּתְלֵיסָר תִּקּוּנִין אִלֵּין אִתְרְשִׁים דִּיקְנָא יַקִּירָא, סְתִימָאָה דְּכֹלָּא, דְּעַתִּיק דְּעַתִּיקִין. מִתְּרֵי תַּפּוּחִין שַׁפִּירָן דְּאַנְפּוֹי, נְהִירִין אַנְפּוֹי דִּזְעֵיר אַנְפִּין, וְכָל חִיוָּור (ס"א חיזור) וְשׁוּשָן דְּאִשְתַּכְחָן לְתַתָּא, נְהִירִין וּמִתְלַהֲטִין מֵהַהוּא נְהוֹרָא דִּלְעֵילָּא. תִּקּוּנִין תְּלֵיסַר אִלֵּין, אִשְׁתְּכָחוּ בְּדִיקְנָא, וּבִשְׁלֵימוּת דִּיקְנָא בְּתִקּוּנוֹי, אִתְקְרֵי בַּר נָשׁ נֶאֱמָן. דְּכָל דְּחָמֵי דִּיקְנֵיהּ, תָּלֵי בֵּיהּ מְהֵימְנוּתָא.


###### Zohar, Idra Rabba 10:17
[Zohar, Idra Rabba 10:17](https://torahapp.org/share/book/Zohar/s/Idra%20Rabba/r/10:17)

תָּאנָא בִּצְנִיעוּתָא דְּסִפְרָא, תְּלֵיסַר תִּקּוּנִין אִלֵּין דְּתַלְיָין בְּדִיקְנָא יַקִּירָא, בִּשְׁבִיעָאָה (מנהון) מִשְׁתַּכְּחֵי בְּעָלְמָא, וּמִתְפַּתְּחֵי בִּתְלֵיסָר תַּרְעֵי דְּרַחֲמֵי. וּמַאן דְּאוֹשִׁיט יְדֵיהּ לְאוּמָאָה, כְּמַאן דְּאוֹמֵי בִּתְלֵיסָר תִּקּוּנֵי דִּיקְנָא. הַאי בַּאֲרִיךְ אַפִּין. בִּזְעֵיר אַפִּין בְּכַמָּה. אָמַר לְרִבִּי יִצְחָק, קוּם בְּקִיּוּמָךְ, וְסַלְסֵל בְּסַלְסְלָא דְּתִקּוּנָא דְּמַלְכָּא (ס"א בדיקנא) קַדִּישָׁא הֵיאַךְ יִתְתַּקְּנוּן.