## Zohar, Pinchas

###### Zohar, Pinchas 75:1
[Zohar, Pinchas 75:1](https://torahapp.org/share/book/Zohar/s/Pinchas/r/75:1)

תָּא חֲזֵי, פִּנְחָס קָאִים קָמֵי דִּינָא תַּקִּיפָא דְּיִצְחָק, וְסָתִים פִּרְצָה, בְּגִין כַּךְ אַשְׁלִים לְגַבֵּי פִּנְחָס רָזָא דְּיִצְחָק. קָם קַמֵּי פִּרְצָה דִּכְתִּיב, (תהילים ק״ו:ל׳) וַיַּעֲמוֹד פִּנְחָס וַיְפַלֵּל. קָם בְּפִּרְצָה קַמֵּי דִּינָא דְּיִצְחָק, בְּגִין לְאַגָּנָא עָלַיְיהוּ דְּיִשְׂרָאֵל. (ס"א פנחס קאים קמי דינא תקיפא דיצחק לאגנא עלייהו דישראל. דכתיב, (תהילים ק״ו:ל׳) ויעמוד פנחס ויפלל. מאי ויעמוד, דקם בפרצה קמי דינא דיצחק, בגין כך אשלים לגבי פנחס רזא דיצחק.) וְעַל דָּא כָּלִיל דָּא בְּדָא בְּחוּשְׁבָּנָא.


###### Zohar, Pinchas 75:2
[Zohar, Pinchas 75:2](https://torahapp.org/share/book/Zohar/s/Pinchas/r/75:2)

וְאִי תֵּימָא, הָא חוּשְׁבָּנָא לָא תַּלְיָיא אֶלָּא בְּעַיְינִין דִּילָהּ, וְהָכָא חוּשְׁבָּנָא לְעֵילָּא בְּיִצְחָק. אֶלָּא וַדַּאי הָכִי הוּא, בְּגִין דְּיִצְחָק תַּלְיָא וְאִשְׁתַּמְּשָׁא (ס"א ואתמשך) בְּהַהוּא אֲתָר דְּאִינּוּן עַיְינִין, דְּתַמָּן דַּיְינִין דִּינִין דְּכָל עָלְמָא, דְּהָא עַיְינִין דִּילָהּ, אִינּוּן שִׁבְעִין קַתֶדְרָאִין, אֲתָר דְּדִינִין דְּעָלְמָא, וְאִקְרוּן סַנְהֶדְרִין. וְעַל דָּא כֹּלָּא חַד, בְּגִין דְּיִצְחָק וְאִינּוּן כַּחֲדָא אַזְלִין, וְכֹלָּא שַׁפִּיר.


###### Zohar, Pinchas 75:3
[Zohar, Pinchas 75:3](https://torahapp.org/share/book/Zohar/s/Pinchas/r/75:3)

פִּנְחָס דָּא יִצְחָק, וְקָם פִּנְחָס וְדָאִין דִּינָא, וּמִתְלַבָּשׁ בִּגְבוּרָה תַּקִּיפָא דְּאִיהוּ שְׂמָאלָא. וּבְגִין כָּךְ זָכָה לִימִינָא. הָכָא אִתְכְּלִיל שְׂמָאלָא בִּימִינָא. הֵשִׁיב אֶת חֲמָתִי, מַאי הֵשִׁיב אֶת חֲמָתִי. אֶלָּא אִלֵּין אִינּוּן ג' מְמוּנִים דְּגֵיהִנָּם: מַשְׁחִית, אַף, וְחֵימָה. (ד"א חד על שפיכות דמים, חד על גילוי עריות, וחד על עבודה זרה.) בְּגִין דְּחָמָא הַהוּא חֵמָה, דְּהֲוָה פָּשִׁיט וְאִתְמְשַׁךְ מִסִּטְרָא דְּיִצְחָק, מָה עֲבַד, אִתְלְבַשׁ אִיהוּ בְּיִצְחָק, וְאָחִיד בְּהַהוּא חֵימָה, כְּמַאן דְּאָחִיד בְּחַבְרֵיהּ, וְאָתִיב לֵיהּ לַאֲחוֹרָא.

**The Zohar; London, Soncino Press, 1933:**
²Now Phineas stood before the stern judgement of Isaac to shield the world and to close the breach, and therefore Phineas here corresponds to Isaac,¹ in the name *Pinhas*, which makes it numerically equivalent to *Yizhak* (viz. 198). and here the Left was united with the Right. HE TURNED BACK MY ANGER, ETC. We have here mentioned the three chiefs of Gehinnom, “Destruction”, “Anger”, and “Wrath”. When he saw the wrath stretching forth from the side of Isaac, he invested himself with [the might of] Isaac and seized thaat wrath like a man who takes hold of another and turns him back.

footnotes:
² The first 36 lines of the Hebrew text do not appear in our translation.
¹ The reference is to the fact that there is here in the text an extra yod


###### Zohar, Pinchas 75:4
[Zohar, Pinchas 75:4](https://torahapp.org/share/book/Zohar/s/Pinchas/r/75:4)

וּכְדֵין דָּן דִּינָא, וְעָבִיד דִּינָא. דָּן דִּינָא, דְּכָל בּוֹעֵל אֲרַמִּית קַנָּאִין פּוֹגְעִין בּוֹ. וְעָבִיד דִּינָא, דִּכְתִּיב וַיִּדְקוֹר אֶת שְׁנֵיהֶם. וְעַל דָּא כְּתִיב הָכָא, הֵשִׁיב אֶת חֲמָתִי. וּכְתִיב הָתָם, (איכה ב׳:ג׳) הֵשִׁיב אָחוֹר יְמִינוֹ מִפְּנֵי אוֹיֵב, מַה לְהַלָּן לַאֲחוֹרָא, הָכִי נָמֵי לַאֲחוֹרָא. וְעַל דָּא יוֹ"ד דְּפִינְחָס הָכָא, יוֹ"ד דְּיִצְחָק. וְכֹלָּא הוּא מֵעַל בְּנֵי יִשְׂרָאֵל, דְּכַד חָמָא הַהוּא חֵמָה, חָמָא לֵיהּ דְּהֲוָה נָחִית עַל רֵישֵׁיהוֹן דְּיִשְׂרָאֵל.

**The Zohar; London, Soncino Press, 1933:**
And this was FROM THE CHILDREN OF ISRAEL, for he saw that Wrath coming down upon the children of Israel.