## The Koren Shalem Siddur; Ashkenaz, Torah Readings, Purim

###### The Koren Shalem Siddur; Ashkenaz, Torah Readings, Purim 1
[The Koren Shalem Siddur; Ashkenaz, Torah Readings, Purim 1](https://torahapp.org/share/book/The%20Koren%20Shalem%20Siddur%3B%20Ashkenaz/s/Torah%20Readings,_Purim/r/1)

**קריאה לפורים**

**English Edition; Koren Publishers Jerusalem, 2017:**
**PURIM**


###### The Koren Shalem Siddur; Ashkenaz, Torah Readings, Purim 2
[The Koren Shalem Siddur; Ashkenaz, Torah Readings, Purim 2](https://torahapp.org/share/book/The%20Koren%20Shalem%20Siddur%3B%20Ashkenaz/s/Torah%20Readings,_Purim/r/2)

וַיָּבֹ֖א עֲמָלֵ֑ק וַיִּלָּ֥חֶם עִם־יִשְׂרָאֵ֖ל בִּרְפִידִֽם׃ וַיֹּ֨אמֶר מֹשֶׁ֤ה אֶל־יְהוֹשֻׁ֙עַ֙ בְּחַר־לָ֣נוּ אֲנָשִׁ֔ים וְצֵ֖א הִלָּחֵ֣ם בַּֽעֲמָלֵ֑ק מָחָ֗ר אָֽנֹכִ֤י נִצָּב֙ עַל־רֹ֣אשׁ הַגִּבְעָ֔ה וּמַטֵּ֥ה הָֽאֱלֹהִ֖ים בְּיָדִֽי׃ וַיַּ֣עַשׂ יְהוֹשֻׁ֗עַ כַּֽאֲשֶׁ֤ר אָֽמַר־לוֹ֙ מֹשֶׁ֔ה לְהִלָּחֵ֖ם בַּֽעֲמָלֵ֑ק וּמֹשֶׁה֙ אַֽהֲרֹ֣ן וְח֔וּר עָל֖וּ רֹ֥אשׁ הַגִּבְעָֽה׃ *לוי:* וְהָיָ֗ה כַּֽאֲשֶׁ֨ר יָרִ֥ים מֹשֶׁ֛ה יָד֖וֹ וְגָבַ֣ר יִשְׂרָאֵ֑ל וְכַֽאֲשֶׁ֥ר יָנִ֛יחַ יָד֖וֹ וְגָבַ֥ר עֲמָלֵֽק׃ וִידֵ֤י מֹשֶׁה֙ כְּבֵדִ֔ים וַיִּקְחוּ־אֶ֛בֶן וַיָּשִׂ֥ימוּ תַחְתָּ֖יו וַיֵּ֣שֶׁב עָלֶ֑יהָ וְאַֽהֲרֹ֨ן וְח֜וּר תָּֽמְכ֣וּ בְיָדָ֗יו מִזֶּ֤ה אֶחָד֙ וּמִזֶּ֣ה אֶחָ֔ד וַיְהִ֥י יָדָ֛יו אֱמוּנָ֖ה עַד־בֹּ֥א הַשָּֽׁמֶשׁ׃ וַיַּֽחֲלֹ֧שׁ יְהוֹשֻׁ֛עַ אֶת־עֲמָלֵ֥ק וְאֶת־עַמּ֖וֹ לְפִי־חָֽרֶב׃


###### The Koren Shalem Siddur; Ashkenaz, Torah Readings, Purim 3
[The Koren Shalem Siddur; Ashkenaz, Torah Readings, Purim 3](https://torahapp.org/share/book/The%20Koren%20Shalem%20Siddur%3B%20Ashkenaz/s/Torah%20Readings,_Purim/r/3)

*ישראל:* וַיֹּ֨אמֶר יהו֜ה אֶל־מֹשֶׁ֗ה כְּתֹ֨ב זֹ֤את זִכָּרוֹן֙ בַּסֵּ֔פֶר וְשִׂ֖ים בְּאָזְנֵ֣י יְהוֹשֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃ וַיִּ֥בֶן מֹשֶׁ֖ה מִזְבֵּ֑חַ וַיִּקְרָ֥א שְׁמ֖וֹ יהו֥ה ׀ נִסִּֽי׃ וַיֹּ֗אמֶר כִּי־יָד֙ עַל־כֵּ֣ס יָ֔הּ מִלְחָמָ֥ה לַֽיהו֖ה בַּֽעֲמָלֵ֑ק מִדֹּ֖ר דֹּֽר׃