שׁוֹמְרוֹן קוֹל תִּתֵּן מְצָאוּנִי עֲוֹנַי. לְאֶרֶץ אַחֶרֶת יְצָאוּנִי בָנַי. וְאָהֳלִיבָה תִּזְעַק נִשְׂרְפוּ אַרְמוֹנַי. וַתֹּאמֶר צִיּוֹן עֲזָבַנִי יְהֹוָה:

לֹא לָךְ אָהֳלִיבָה חֲשׁוֹב עָנְיֵךְ כְּעָנְיִי. הֲתַמְשִׁילִי שִׁבְרֵךְ לְשִׁבְרִי וּלְחָלְיִי. אֲנִי אָהֳלָה סוּרָה בָּגַדְתִּי בְּקָשְׁיִי. וְקָם עָלַי כַּחְשִׁי וְעָנָה בִּי מֶרְיִי. וּלְמִקְצַת יָמִים שִׁלַּמְתִּי נִשְׁיִי. וְתִגְלַת פִּלְאֶסֶר אָכַל אֶת פִּרְיִי. חֲמוּדוֹתַי פָּשַׁט וְגַם הִצִּיל עֶדְיִי. לְלַחְלַח וּלְחָבוֹר נָשָׂא אֶת שִׁבְיִי. דֹּמִּי אָהֳלִיבָה וְאַל תִּבְכִּי כְּבִכְיִי. אַנִי נַדְתִּי לְרָחוֹק וְדַי לִי דַיִּי. שְׁנוֹתַיִךְ אָרְכוּ וְלֹא אָרְכוּ שָׁנָי: וַתֹּאמֶר צִיּוֹן עֲזָבַנִי יְהֹוָה:

מְשִׁיבָה אָהֳלִיבָה. אַנִי כֵּן מָרַדְתִּי. וּבְאַלּוּף נְעוּרַי כְּאָהֳלָה בָּגַדְתִּי. דֹּמִּי אָהֳלָה כִּי יְגוֹנַי פָּקַדְתִּי. נָדַדְתְּ אַתְּ אַחַת וְרַבּוֹת נָדַדְתִּי. הִנֵּה בְּיַד כַּשְׂדִּים פַּעֲמַיִם נִלְכַּדְתִּי. וְנִשְׂרַף הַהֵיכָל אַשֶׁר בּוֹ נִכְבַּדְתִּי. וּשְׁבוּיַת עֲנִיָּה לְבָבֶל יָרַדְתִּי. וְשַׁבְתִּי לְצִיּוֹן עוֹד וְהֵיכָל יָסַדְתִּי. וְגַם זֹאת הַפַּעַם מְעַט לֹא עָמַדְתִּי. עַד לְקָחָנִי וְכִמְעַט אָבַדְתִּי. וְעַל כָּל הָאַרָצוֹת נָפוֹצוּ הֲמוֹנָי: וַתֹּאמֶר צִיּוֹן עֲזָבַנִי יְהֹוָה:

(הַחוֹמֵל עַל כֹּל. חֲמוֹל עַל שִׁפְלוּתָם. וּרְאֵה שׁוֹמְמוּתָם וְאוֹרֶךְ גָלוּתָם. וְאַל תִּקְצוֹף עַד מְאֹד לְהַאֲרִיךְ דַּלּוּתָם. וְאַל לָעַד תִּזְכֹּר עֲוֹנָם וְסִכְלוּתָם. רְפָא נָא אֶת שִׁבְרָם וְנַחֵם אַבֵלוּתָם. כִּי אַתָּה שִׁבְרָם וְאַתָּה אֱיָלוּתָם. וִימֵיהֶם חַדֵּשׁ כִּימֵי קַדְמוֹנַי. וְלֹא תֹאמַר צִיּוֹן עֲזָבַנִי יְהֹוָה:)