Tafsir Rasag, Genesis
Can copy this into an AI, or connect the whole library to your assistant. For deeper learning, you can directly use the original seforim, sites, and apps.
והד̇א שרח תאליד בני נוח שם וחם ויפת אד̇ ולדו להם בנון בעד אלטופאן
And this is an expounding of the begettings of the sons of Noaḥ, Shem and Ḥam and Yefet, for they had sons after the flood.
בנו יפת תרך ויאג̇וג̇ ומאהאת ואליונאניה ואלצין ואלכ̇ראסאן ופארס
The sons of Yefet: Turkey and Yaʾjūj and Media and Greece and China and Khorasan and Persia
בנו גמר אלצקאלבה ופרנג̇ה ואלברג̇אן
The sons of Gomer: the Slavs and Franks and Burgundians.
ובנו יון אלמציצה וטרסוס וקברוס ואדנה
And the sons of Greece: Cilicia and Tarsus and Cyprus and Adana.
מן האולי תפרקת ג̇זאיר אלאמם פי בלדאנהם כל פריק ללגתה לעשאירהם ואממהם
From these dispersed the islands of nations – pertaining to their countries, each group to their language, to their clans and their nations.
ובנו חם אלחבשה ומצר ותפת וכנעאן
And the sons of Ḥam: Ethiopia and Egypt and Tafath and Canaan.
ובנו כוש סבא וזוילה וזגאוה ואלקאקו ואלדמס ובנו רעמה אלסנד ואלהנד
וכוש אולד נמרוד הו אבתדי אן יכון ג̇בארא פי אלבלד
והו כאן ג̇בארא מכ̇ופא בין ידי אללה ולד̇לך יקאל כנמרוד ג̇באר מכ̇וף בין ידי אללה
וכאן אול מלכה באביל ואלברס ואכד וכלנה פי בלד אלשינור
ומן ד̇לך אלבלד כ̇רג̇ אלמוצל פבנא נינוה ורחבה אלקריה ואלאבלה
ואלמדאין בין נינוה ובין אלאבלה והי אלקריה אלעט̇ימה
ומצר אולד אלתניסיין ואלאסכנדראניין ואלבהנאסיין ואלפרמיין
ואלבימיין ואלצעידיין אלד̇י כ̇רג̇ מנהם אלפלסטיניון ואלדמיאטיון
וכנעאן אולד צידן בכרה וחת
ואליבוסיין ואלאמוריין ואלגרג̇שיין
ואלחיויין ואלערקיין ואלטראבלסיין
ואלארודיין ואלחמציין ואלחמאתיין ובעד ד̇לך תפרקת עשאיר אלכנעאניין
וכאן תכ̇ם אלכנעאניין מן צידא אלי אן תג̇י אלי כ̇לוץ ואלי גזה ואלי אן תג̇י אלי סדום ועמורה ואדמה וצבויים אלי לשע
האולי בנו חם לעשאירהם ולגאתהם פי בלדאנהם לאממהם
ולשם ולד הו איצ̇א אבי ג̇מיע בני עבר אכ̇י יפת אלאכבר
ובנו שם כ̇וזסתאן ואלמוצל וארפכשד ולוד וארמין
ובנו ארם אלגוטה ואלחולה ואלג̇ראמקה ומשי
וארפכשד אולד שלח ושלח אולד עבר
ולעבר ולד אבנאן אסם אחדהמא פלג לאן פי איאמה אנקסמת אלארץ̇ ואסם אכ̇יה קחטאן
וקחטאן אולד אלמודד וסלף וחצ̇רמות וירח
והדורם ואוזל ודקלה
ועובל ואבימאל וסבא
ואופיר וחוילה ויובב כל האלוי בנו קחטאן
וכאן מסכנהם מן מכה אלי אן תג̇י אלי אלמדינה אלי אלג̇בל אלשרקי
האולי בנו שם לעשאירהם ולגאתהם פי בלדאנהם ואממהם
האולי עשאיר בני נוח לתאלידהם ואממהם ומנהם תפרקת אלאמם פי אלארץ̇ בעד אלטופאן